Jajelɔ 6:2 - ŊMALƐ KRƆŊKRƆŊ LƐ

² Mɔ ko hiɔ shi, ni Nyɔŋmɔ hãa enaa shika kɛ nii kɛ anunyam bɔ ni nɔ ko bɛ ni eshweɔ ni enaaa; shi kɛ̃lɛ edurooo lɛ hewalɛ ni ekɛye eninamɔ lɛ mli ŋɔɔmɔ; shi moŋ mɔkpɔŋ ji mɔ ni bayeɔ eninamɔ lɛ mli ŋɔɔmɔ lɛ. Enɛ lɛ yakanii ni, ni eji hejaramɔ sane kpele.

Ṅmãle̱ Kroṅkroṅ Le̱

² nū ko ní Nyoṅmo̱ ehãle̱ šika ke̱ nii babaō ke̱ anumnyam hũ ní nibii ní esusuma ſeo̱ le̱ amli eko ebo̱o̱le̱: ši kẽle̱ Nyoṅmo̱ hããle̱ hewale̱ ní eke̱-ye eko, ši *mokpõṅ moṅ yeo̱ le̱: ene̱ le̱ yakayakanoko ke̱ hedšramo̱ ni. *3,18.

Jajelɔ 6:2 ပူးပေါင်းရင်းမြစ်များ

1 Maŋtsɛmɛi 3:13

Ni asaŋ nɔ ni obiko tete hu maŋɔ mafata he mahã bo; ninamɔ kɛ anunyam fɛɛ, bɔ ni maŋtsɛmɛi lɛ ateŋ fɛɛ lɛ, mɔ ko mɔ ko kɛ bo yeŋ hegbɔ owala gbii abɔ fɛɛ.

1 Kronika 29:25

Yehowa duro Solomon, ni etsɔ̃ gbɔmɔ wulu kpanaa, ni Israel muu fɛɛ hiɛ sɔ lɛ, ni ehã emaŋtsɛyeli lɛ hiɛ ba nyam bɔ ni maŋtsɛmɛi ni nyiɛ ehiɛ yɛ Israel lɛ eko nako nakai henɔ dã.

1 Kronika 29:28

Egbɔ kotokoto dani egbo; ni egbo akɛ niiatsɛ kɛ mɔ ni abuɔ hu, ni ebi Solomon baye maŋtsɛ yɛ esɛɛ.

2 Kronika 1:11

Kɛkɛ ni Nyɔŋmɔ kɛɛ Solomon akɛ, “Akɛ ni obiii akɛ ahã ona nii kɛ jwiɛtɛi kɛ anunyam, ni asaŋ obiii akɛ ahã ogbe ohenyɛlɔi aloo ahã owala sɛɛ atsɛ tete, shi moŋ nɔ ni kã otsui nɔ ni obi ji akɛ aduro bo nilee kɛ hiɛshikãmɔ koni onyɛ mimaŋ ni miwo bo emaŋtsɛ lɛ nɔ okwɛ lɛ hewɔ lɛ,

Lalai 17:14

Yehowa, kɛ onineshiwalɛ ajie mi kɛjɛ gbɔmɛi ni amɛna amɛgbɛfaŋnɔ yɛ wala be nɛɛ mli lɛ adɛŋ. Hã amɛmusui ayimɔ obɔ̃bɔ̃ kɛ toigbalamɔ ni osaa oto ohã amɛ lɛ; ni pii ashwɛ ahã amɛbii kɛ amɛbii abii.

Lalai 39:6

Lɛɛlɛŋ, gbɔmɔ fɛɛ gbɔmɔ lɛ, ehoɔ eyaa tamɔ hɔɔŋ. Anɔkwa, egbaa ehe naa yakatswaa. Etĩaa nii anaa, tsɛbelɛ eleee mɔ ni baaye.

Lalai 73:7

Fɔ sɔŋŋ ehã amɛhiŋmɛii ekɛ̃lɛ̃ emamɔ shi; amɛtsuii eyimɔ obɔ̃bɔ̃ kɛ kwashiaianii.

Jajelɔ 4:4

Agbɛnɛ miyoo akɛ deŋme ni gbɔmɔ gboɔ fɛɛ, kɛ tɔlɛ ni etɔɔ lɛ fɛɛ lɛ, fɛɛ jɛɔ ehiɛ ni kɔ̃ɔ enaanyo nɔ. Enɛ hu yakanii ni, ni etamɔ kɔɔyɔɔ abɔyeli.

Jajelɔ 4:8

No ji mɔ ko ni ebɛ mɔ ko mɔ ko, ebɛ bi lɛ, ebɛ nyɛminuu hu, kɛ̃lɛ ekpaaa deŋmegbomɔ, ni nii ni ena hu esaaa ehiɛ. Gbɔmɔ nɛɛ biko ehe dã akɛ, “Kwɛ, namɔ kwraa hewɔ ni migboɔ deŋme, ni mikamaa mihe jeŋ ŋɔɔmɔ nɛɛ?” Enɛ hu yakanii ni, kɛ awerɛho sane fɛɛ.

Jajelɔ 5:13

Awerɛho sane ko ni mina yɛ jeŋ nɛ: gbɔmɔ adesa tiaa nii naa ehãa ehe, shi no nɔŋŋ moŋ ni yeɔ lɛ awui.

Jajelɔ 5:16

Awerɛho sane nɛ: bɔ pɛ ni eba lɛ, nakai nɔŋŋ eeetee. Mɛɛ sɛɛ ena fe akɛ egbo deŋme folo;

Jajelɔ 5:18

Naa, nɔ ni mikpa shi mina akɛ ehi, ni esa hã gbɔmɔ adesa feemɔ ji akɛ eye, ni enu; ni deŋme fɛɛ ni egboɔ yɛ ewala kukuoo ni Nyɔŋmɔ ehã lɛ yɛ je nɛɛ mli lɛ, eye emli ŋɔɔmɔ koni ena miishɛɛ, ejaakɛ no ji egbɛfaŋ nɔ.

Jajelɔ 5:19

Mɔ fɛɛ mɔ hu ni Nyɔŋmɔ ehã ena shika kɛ nii kɛ hewalɛ koni eye eninamɔ lɛ mli ŋɔɔmɔ lɛ, emɔ egbɛfaŋ nɔ lɛ mli, ni emii ashɛ edeŋmegbomɔ he. Nyɔŋmɔ dromɔ nikeenii ni.

Yesaia 55:2

Mɛɛba nyɛkɔɔ shika nyɛkɛheɔ nɔ ni jeee ŋmãa? Ni nyɛkɛ nyɛnitsumɔŋ nyɔmɔwoo heɔ nɔ ni hãaa mɔ atɔ? Nyɛboa mi toi jogbaŋŋ, ni nyɛfea nɔ ni makɛɛ nyɛ lɛ, ni nyɛaaye niyenii kpakpa fe fɛɛ, ni nyɛmii aaashɛ.

Yāfó 5:2

Wɔgboshinii etsɔ̃ gbɔi anɔ, ni wɔshĩai eyaje gbɔi adɛŋ nɛɛ.

Daniel 5:18

“Maŋtsɛ, Nyɔŋmɔ mɔ ni yɔɔ ŋwɛi shɔŋŋ lɛ hã otsɛ Nebukadnezar tsɔ̃ maŋtsɛ wulu ni yɔɔ hewalɛ kɛ agbojee kɛ anunyam kpeteŋkple;

Hosea 7:9

Gbɔi lɛ ehã ehewalɛ etã, shi eyooko; eyiteŋ eje waŋ, shi ekɔɔɔ sɛɛ.

5 Mose 28:33

Maŋsɛɛ maŋ ko ni oleee kwrakwra aaaba ebaloo oŋmɔshi nibaanii kɛ nii ni otsu oto fɛɛ kɛya eyaye. Yi sɔŋŋ kɛkɛ aaawa bo, ni shi sɔŋŋ kɛkɛ aaashwishwia bo daa nɛɛ,

5 Mose 28:43

“Gbɔ ni kɛ bo yɔɔ lɛ agbojee aaakwɔ fe ogbojee, shi bo lɛ ogbojee lɛ aaaba shi daa.

Kojolɔi 18:10

Kɛ nyɛtee lɛ, nyɛbaaya nyɛyanina gbɔmɛi ni kwɛɛɛ nɔ fɔŋ ko gbɛ. Shikpɔŋ ni da ni. Anɔkwale mli lɛ, Nyɔŋmɔ kɛhã nyɛ. Eji he ko ni shikpɔŋ nɛɛ nɔ nibii fɛɛ mli ekoeko he bɛ ona yɛ.”