Jajelɔ 5:8 - ŊMALƐ KRƆŊKRƆŊ LƐ

⁸ Kɛji ona akɛ aawa ohiafo ko yi, asaŋ aatsɔ̃ jalɛ saneyeli hiɛ aaabu shi, ni afeee nɔ ni ja yɛ shikpɔŋ ko nɔ lɛ, kaahã enɛ miifee bo naakpɛɛ, ejaakɛ tsulɔnukpa lɛ, tsulɔnukpa ko ni fe lɛ yɛ ni kwɛɔ enɔ, ni tsulɔi krokomɛi hu yɛ lolo ni amɛgbɛnaa kwɔlɔ fe klɛŋklɛŋ tsulɔi lɛ.

Ṅmãle̱ Kroṅkroṅ Le̱

⁸ Maṅtše̱ ní sumoo̱ hũmo̱ le̱, ehe ye̱ se̱námo̱ hã emaṅ.

Jajelɔ 5:8 ပူးပေါင်းရင်းမြစ်များ

2 Kronika 26:10

Emamɔ mɔji gojogojoo lɛ ekomɛi yɛ ŋa lɛ nɔ hu; ni etsara nubui pii ejaakɛ eyɛ kooloi babaoo diɛŋtsɛ yɛ jɔɔ naa shikpɔŋ lɛ kɛ ŋa lɛ hu nɔ. Akɛni Uzia sumɔɔ humɔ hewɔ lɛ, ehã mɛi hu ŋmɔji, ni amɛfeefee waintromii yɛ gɔji lɛ anɔ kɛ jɔi lɛ amli fɛɛ.

Hiob 24:23

Nyɔŋmɔ hãa amɛhiɔ shi shweshweeshwe, ni amɛkɛ amɛhe fɔ̃ɔ no nɔ, shi ehiŋmɛi kã amɛjeŋba he daa.

Lalai 12:5

Yehowa kɛɛ akɛ, “Akɛni awaa ohiafoi ayi, ni mɛi ni efĩ amɛ lɛ kɛ̃mɔɔ hewɔ lɛ, agbɛnɛ, mate shi, ni mɔ ni shweɔ yiwalaheremɔ lɛ mahere eyiwala.”

Lalai 55:9

Oo Nuŋtsɔ, futumɔ amɛjwɛŋmɔi lɛ, kaahã amɛmiikpã gbee, ejaakɛ miina basabasafeemɔ kɛ nɔmɔ yɛ maŋ lɛ mli.

Lalai 82:1

Naa Nyɔŋmɔ ta ŋwɛi gwabɔɔ wulu lɛŋ; eta nyɔŋmɔi lɛ ateŋ eekojo.

Lalai 83:18

Hã amɛna amɛle akɛ bo mɔ ni ogbɛi ji Yehowa lɛ, bo pɛ ji Ofe yɛ shikpɔŋ lɛ nɔ fɛɛ.

Lalai 95:3

Ejaakɛ Nyɔŋmɔ kpeteŋkple ji Yehowa, Maŋtsɛ ni fe nyɔŋmɔi fɛɛ.

Abe̱i 22:16

Mɔ ni yeɔ ohiafo amim koni ekɛna nii, shi ekeɔ niiatsɛ nii lɛ, lɛ diɛŋtsɛ lɛ ohia kɛ̃ hiaa lɛ.

Abe̱i 24:12

Kɛji okɛɛ akɛ, “Wɔleee enɛ wɔto” lɛ, ani mɔ ni naa tsuiaŋnii lɛ, mɔ ni buɔ osusuma he lɛ, eleee, eleee akɛ ole oto lo? Ani ewooo mɔ fɛɛ mɔ nyɔmɔ yɛ enitsumɔ naa?

Abe̱i 8:17

Misumɔɔ mɛi ni sumɔɔ mi; ni mɛi ni bɔɔ mɔdɛŋ taoɔ mi lɛ, naa mi.

Jajelɔ 3:16

Asaŋ mina akɛ je nɛɛ mli lɛ, afeɔ efɔŋ yɛ he ni akojoɔ yɛ tete, ni afeɔ yiwalɛ nii yɛ he ni esa akɛ ayeɔ jalɛ sane yɛ tete.

Jajelɔ 4:1

Asaŋ mikwɛ yiwalɛ nibii ni afeɔ yɛ je lɛ mli lɛ. Naa yaafonui jwere mɛi ni awaa amɛ yi lɛ ahiɛ, shi amɛbɛ mɔ ko ni shɛjeɔ amɛmii. Mɛi ni waa amɛ yi lɛ yɛ hewalɛ ko yɛ amɛsɛɛ, ni mɔ ko bɛ ni shɛjeɔ amɛmii.

Jajelɔ 5:9

Shi enɛ fɛɛ sɛɛ lɛ maŋtsɛ he yɛ sɛɛnamɔ kɛ̃ yɛ shikpɔŋ ni ŋmɔji yɔɔ nɔ nɔ.

Jajelɔ 7:7

Niseniianii hãa nilelɔ tsɔ̃ɔ kwashia, ni nyɔɔŋnihamɔ fiteɔ gbɔmɔ jwɛŋmɔ.

Jajelɔ 8:9

Be ni mitao nii fɛɛ ni afeɔ yɛ jeŋ ni gbɔmɔ adesa kpɔfuɔ enyɛmi gbɔmɔ yɛ mli nɛɛ mli fitsofitso lɛ, nɔ ni mina nɛ:

Yesaia 10:12

Kɛji Nuŋtsɔ lɛ gbe enitsumɔ lɛ fɛɛ naa yɛ Zion Gɔŋ lɛ nɔ, kɛ Yerusalɛm lɛ, ebaagbala Asiria maŋtsɛ toi yɛ eshwãa kɛ ehewoo lɛ hewɔ.

Yesaia 3:15

Te nyɛjwɛŋɔ tɛŋŋ hewɔ ni nyɛmiaa mimaŋ lɛ, ni nyɛkɛ ohiafoi ahiɛ shwishwiaa shi nɛɛ lɛ? Mi, Nuŋtsɔ Nyɔŋmɔ, Taiatsɛ, miibi nyɛ!”

Yesaia 37:36

Yehowa bɔfo ko tee Asiria tabilɔi lɛ ashitoohe lɛ mli, ni eyagbe mɛi akpei oha kɛ nyɔŋmai kpaanyɔ kɛ enumɔ. Be ni ate shi leebi maŋkpa lɛ, naa gbɔmɛi lɛ jwere shi ni amɛgboi.

Yesaia 5:7

Israel ji Yehowa, Taiatsɛ lɛ, waintrom lɛ, ni Yudabii lɛ ji waintsei kpakpai ni etɛo lɛ; ni ekwɛ jalɛ saneyeli gbɛ ni naa lashishwiemɔ moŋ ena, ni yɛ ekpakpafeemɔ najiaŋ lɛ, yaafo moŋ afo!

Yesaia 57:15

“Ejaakɛ bɔ ni Mɔ Koome ni yɔɔ ŋwɛi flooflo, naanɔ Mɔ ni gbɛi ji Krɔŋkrɔŋ lɛ kɛɛ nɛ, ‘Ŋwɛi shɔŋŋ kɛ He krɔŋkrɔŋ lɛ mihiɔ; asaŋ mikɛ mɔ ni tswiaa shi kɛ dɔlɛ ni ebaa ehe shi yɛ mumɔ mli lɛ hiɔ shi,’ koni maha heshibalɔi amumɔ ana wala hee, ni mɛi ni tswiaa shi kɛ dɔlɛ lɛ atsuii ana wala hee.’

Ezekiel 18:18

Shi etsɛ lɛ, akɛni etswaa ojo, ni ejuɔ enyɛmi, ni efeɔ nɔ ni ehiii yɛ emaŋbii ateŋ lɛ hewɔ lɛ, lɛ lɛ, gbo eeegbo yɛ ehe eshai lɛ ahewɔ.

Amos 5:12

Ejaakɛ mile akɛ nyɛmlanɔtɔ̃mɔi lɛ fa, ni mile eshai ni nyɛfeefee anaawalɛ. Nyɛgbaa jalɔ naa, ni nyɛheɔ nyɔŋnii, ni nyɛŋmɛɛɛ gbɛ koni ohiafo kɛ esane ashɛ koishi koni aye ahã lɛ.

Amos 6:12

Ani okpɔŋɔ joɔ foi yɛ tɛsaa nɔ, aloo akɛ tsinahii huɔ yɛ ŋshɔ mli? Shi nyɛhã jalɛ etsɔ̃ ebɔɔ, ni jalɛ yibii etsɔ̃ taatso.

Mika 2:9

Nyɛshwieɔ mimaŋ lɛ mli yei lɛ yɛ amɛshĩai ni amɛsumɔɔ lɛ; ni jɔɔmɔi ni mikɛjɔɔ amɛbii lɛ, nyɛshɔ̃ yɛ amɛdɛŋ kɛmiiya naanɔ.

Zakaria 8:6

Kɛji gbalɛ nɛɛ yɛ naakpɛɛ yɛ mɛi ni eshwɛ bei nɛɛ amli yɛ maŋ nɛɛ mli lɛ ahiɛ lɛ, ani mi hu eeefee naakpɛɛ yɛ mihiɛ lo? Yehowa Taiatsɛ lɛ kɛɛ.

Maleaki 3:5

Yehowa, Taiatsɛ lɛ, kɛɛ akɛ, “Mibatsi mabɛŋkɛ nyɛ koni makojo gbɔmɛi abii; mikɛ sane baashi mɛi ni sheee mi gbeyei lɛ oya nɔŋŋ, ŋkunyaayelɔi kɛ gbãlãfitelɔi kɛ mɛi ni kãmɔɔ amale kitã lɛ. Nakai nɔŋŋ maye odase mashi mɛi ni shishiuɔ apaafoi yɛ nyɔmɔwoo mli kɛ mɛi ni tsɔ̃ɔ yoo okulafo kɛ awusa kɛ gbɔ sane hiɛ buɔ shi lɛ.”

Luka 1:32

Eeetsɔ̃ agbo, ni aaatsɛ lɛ Ŋwɛinyo lɛ Bi, ni Nuŋtsɔ Nyɔŋmɔ aaaŋɔ etsɛ David maŋtsɛ sɛi lɛ ahã lɛ.

Luka 1:35

Ni bɔfo lɛ to he ekɛɛ lɛ akɛ, “Mumɔ Krɔŋkrɔŋ aaaba onɔ. Ni Ŋwɛinyo lɛ hewalɛ aaabaha onɔ, No hewɔ lɛ, nakai bi krɔŋkrɔŋ lɛ hu ni ooofɔ lɛ, aaatsɛ lɛ Nyɔŋmɔ Bi.

Luka 1:76

Ni bo, gbekɛ nɛɛ, aaatsɛ bo Ŋwɛifloflonyo lɛ gbalɔ; ejaakɛ obaatsɔ Nuŋtsɔ lɛ hiɛ ni oyasaa egbɛi lɛ oto,

Bɔfoi 12:23

Ni amrɔ lɛ nɔŋŋ lɛ, Nuŋtsɔ lɛ bɔfo tswa lɛ nɔ, ejaakɛ ekɛ anunyam lɛ hãaa Nyɔŋmɔ, ni gɔgɔmii ye lɛ, ni egbo.

Romabii 11:33

Ao, Nyɔŋmɔ nifalɛ kɛ ŋaa kɛ nilee mlikwɔlɛ! Ekojomɔi lɛ anyɛɛɛ shishi ana, ni egbɛi lɛ hu anyɛɛɛ sɛɛ mo aja!

Yakobo 2:13

Ejaakɛ kojomɔ mli lɛ, mɔ ni enaaa mɔbɔ lɛ anaŋ lɛ mɔbɔ; mɔbɔnalɛ yeɔ kojomɔ nɔ kunim ni eshwãa.

1 Petro 4:12

Suɔmɔmɛi, nyɛkahãa amanehulu la ni akɛkãa nyɛ lɛ miifee nyɛ sane srɔto ko, tamɔ akɛ nɔ ko srɔto ko feɔ nyɛ lɛ;

1 Yohane 3:13

Anyɛmimɛi, kɛji je lɛ miinyɛ nyɛ lɛ, nyɛhiɛ akafea nyɛ yaa.