Jajelɔ 5:19 - ŊMALƐ KRƆŊKRƆŊ LƐ

¹⁹ Mɔ fɛɛ mɔ hu ni Nyɔŋmɔ ehã ena shika kɛ nii kɛ hewalɛ koni eye eninamɔ lɛ mli ŋɔɔmɔ lɛ, emɔ egbɛfaŋ nɔ lɛ mli, ni emii ashɛ edeŋmegbomɔ he. Nyɔŋmɔ dromɔ nikeenii ni.

Ṅmãle̱ Kroṅkroṅ Le̱

¹⁹ Ši edſẽṅṅ ewala gbĩĩ le̱ ahe pī ko, edšake̱ Nyoṅmo̱ ehãle̱ noni etšui taoo̱.

Jajelɔ 5:19 ပူးပေါင်းရင်းမြစ်များ

1 Maŋtsɛmɛi 3:13

Ni asaŋ nɔ ni obiko tete hu maŋɔ mafata he mahã bo; ninamɔ kɛ anunyam fɛɛ, bɔ ni maŋtsɛmɛi lɛ ateŋ fɛɛ lɛ, mɔ ko mɔ ko kɛ bo yeŋ hegbɔ owala gbii abɔ fɛɛ.

2 Kronika 1:12

naa, miihã ona nilee kɛ hiɛshikãmɔ lɛ fɛɛ, ni no sɛɛ lɛ mahã ona nii kɛ jwetri kɛ anunyam fɛɛ hu bɔ ni maŋtsɛmɛi ni etsɔ̃ ohiɛ lɛ ateŋ eko kwraa naaa nakai, ni asaŋ mɛi ni baaba yɛ osɛɛ lɛ hu ateŋ mɔ ko mɔ ko naŋ nakai!”

Jajelɔ 3:13

asaŋ akɛ Nyɔŋmɔ dɛŋ jɔɔmɔ ji akɛ mɔ fɛɛ mɔ aye, ni enu, ni ena deŋme ni egboɔ lɛ he miishɛɛ.

Jajelɔ 6:2

Mɔ ko hiɔ shi, ni Nyɔŋmɔ hãa enaa shika kɛ nii kɛ anunyam bɔ ni nɔ ko bɛ ni eshweɔ ni enaaa; shi kɛ̃lɛ edurooo lɛ hewalɛ ni ekɛye eninamɔ lɛ mli ŋɔɔmɔ; shi moŋ mɔkpɔŋ ji mɔ ni bayeɔ eninamɔ lɛ mli ŋɔɔmɔ lɛ. Enɛ lɛ yakanii ni, ni eji hejaramɔ sane kpele.

5 Mose 8:18

Shi moŋ nyɛkaia akɛ Yehowa, nyɛNyɔŋmɔ lɛ, lɛ ji mɔ ni duro nyɛ hewalɛ ni nyɛkɛna nii ni nyɛyɔɔ lɛ, koni ehã ekpãŋmɔ ni ekã nyɛtsɛmɛi lɛ kitã yɛ he lɛ ama shi, tamɔ nyɛnaa ŋmɛnɛ nɛɛ lɛ.