Jajelɔ 5:10 - ŊMALƐ KRƆŊKRƆŊ LƐ

¹⁰ Mɔ ni sumɔɔ shika lɛ, etɔɔɔ shika; ni mɔ ni sumɔɔ ninamɔ etɔɔɔ ninamɔ. Enɛ hu lɛ yakanii ni.

Ṅmãle̱ Kroṅkroṅ Le̱

¹⁰ Heni nii fáa ye̱ le̱, yelo̱i hũ fáa ye̱ dše̱i, ni mẽ se̱námo̱ yo̱ mli lă nõ-tšemei le̱, ake̱ dša kwe̱ ni ame̱akwe̱ ke̱ ame̱hĩṅmeii le̱ ke̱ke̱?

Jajelɔ 5:10 ပူးပေါင်းရင်းမြစ်များ

Lalai 52:1

Oo bo gbɔmɔ kãkãlɔ, mɛɛba okɛ onifɔɔjianii ni ofee oshi mɔ ni sheɔ Nyɔŋmɔ gbeyei lɛ shwãa lɛ?

Lalai 52:7

“Naa nuu lɛ ni eŋɔɔɔ Nyɔŋmɔ efeee ebobaahe lɛ, shi moŋ eŋɔ ehiɛ efɔ̃ eninamɔ babaoo lɛ nɔ, ni ekɛ eshweshweeshwefeemɔ fɔ̃ eninamɔ lɛ nɔ lɛ.”

Lalai 62:10

Nyɛkɛ nyɛhiɛ akafɔ̃a amimyeli nɔ; nyɛyitsei hu akafũa yɛ juukɛfɔ̃ nibii agbɛfaŋ. Kɛji nii ni nyɛna miifa tete lɛ, nyɛkɛ nyɛtsuii akafɔ̃a nɔ.

Jajelɔ 1:17

Mikɛma mihiɛ akɛ mibatao male nɔ ni ji nilee kɛ nɔ ni ji sɛkɛyeli kɛ nɔ ni ji kwashiafeemɔ fɛɛ.

Jajelɔ 1:8

Nɔ fɛɛ nɔ lɛ, henaagbamɔ sɔŋŋ ni; shi adesa nyɛɛɛ ekɛɛ. Etɔɔɔ hiŋmɛi kɛ nikwɛmɔ, ni etɔɔɔ toi hu kɛ ninumɔ.

Jajelɔ 2:10

Nɔ fɛɛ nɔ ni fee mi akɔnɔ lɛ, mikamaaa mihe. Mitsiii mihe naa yɛ miishɛɛ ko miishɛɛ ko gbɛfaŋ, ejaakɛ mina nibii fɛɛ ni migbo amɛhe deŋme lɛ ahe miishɛɛ. Deŋme ni migbo lɛ he sɛɛnamɔ ji no.

Jajelɔ 2:11

Shi be ni misusu nibii fɛɛ ni mikɛ minine etsu, kɛ tɔlɛ ni etɔ mi kɛtsu nii lɛ hu fɛɛ he lɛ, nɔ ni mina ji akɛ fɛɛ lɛ yakanii ni, ni etamɔ kɔɔyɔɔ abɔyeli. Anɔkwa, nɔ ko kwraa bɛ ni adesa naa he sɛɛ yɛ jeŋ.

Jajelɔ 2:26

Ejaakɛ gbɔmɔ ni feɔ nɔ ni Nyɔŋmɔ sumɔɔ lɛ, Nyɔŋmɔ duroɔ lɛ nilee kɛ jwɛŋmɔ kɛ miishɛɛ fɛɛ; shi eshafeelɔ lɛ Nyɔŋmɔ hãa ebuaa, ni etĩaa nii anaa emaa shi, shi Nyɔŋmɔ kɛhãa mɔ ni feɔ esuɔmɔnaanii lɛ. Enɛ hu lɛ yakanii ni, ni etamɔ kɔɔyɔɔ abɔyeli.

Jajelɔ 3:19

Ejaakɛ adesa naagbee kɛ kooloo hu naagbee lɛ fɛɛ ekome; bɔ ni mɔ nɛ gboɔ lɛ, nakai nɔŋŋ mɔ nɛ hu gboɔ. Amɛ fɛɛ lɛ mumɔ kome amɛyɔɔ, ni gbɔmɔ ehiii fe kooloo, ejaakɛ amɛ fɛɛ lɛ yakanii ji amɛ.

Jajelɔ 4:16

Gbɔmɛi nɛɛ ayi fa bɔ ni anyɛŋ amɛ akane, shi maŋtsɛ ta amɛ fɛɛ amɛnɔ. Kɛ̃lɛ yinɔ ni baaba lɛ nyaŋ maŋtsɛ lɛ he. Anɔkwa, enɛ hu lɛ yakanii ni, ni etamɔ kɔɔyɔɔ abɔyeli.

Jajelɔ 4:4

Agbɛnɛ miyoo akɛ deŋme ni gbɔmɔ gboɔ fɛɛ, kɛ tɔlɛ ni etɔɔ lɛ fɛɛ lɛ, fɛɛ jɛɔ ehiɛ ni kɔ̃ɔ enaanyo nɔ. Enɛ hu yakanii ni, ni etamɔ kɔɔyɔɔ abɔyeli.

Jajelɔ 4:8

No ji mɔ ko ni ebɛ mɔ ko mɔ ko, ebɛ bi lɛ, ebɛ nyɛminuu hu, kɛ̃lɛ ekpaaa deŋmegbomɔ, ni nii ni ena hu esaaa ehiɛ. Gbɔmɔ nɛɛ biko ehe dã akɛ, “Kwɛ, namɔ kwraa hewɔ ni migboɔ deŋme, ni mikamaa mihe jeŋ ŋɔɔmɔ nɛɛ?” Enɛ hu yakanii ni, kɛ awerɛho sane fɛɛ.

Jajelɔ 5:9

Shi enɛ fɛɛ sɛɛ lɛ maŋtsɛ he yɛ sɛɛnamɔ kɛ̃ yɛ shikpɔŋ ni ŋmɔji yɔɔ nɔ nɔ.

Jajelɔ 6:7

Gbɔmɔ tɔlɛ kɛ deŋme fɛɛ lɛ, emusu kɛkɛ hewɔ; kɛ̃lɛ gbɔmɔ leee mitɔ.

Mateo 6:19

“Nyɛkabɔa jwetri nyɛhãa nyɛhe yɛ shikpɔŋ lɛ nɔ, he ni omlɛgɛ kɛ ŋkanale fiteɔ nii ni julɔi gbuɔ kɛboteɔ mli kɛbajuɔ yɛ lɛ.

Mateo 6:24

“Mɔ ko nyɛŋ nuŋtsɔmɛi enyɔ asɔ̃mɔ; ejaakɛ no lɛ eeenyɛ mɔ kome ni eeesumɔ mɔ kroko lɛ; aloo eeekpɛtɛ mɔ kome he, ni eeebu mɔ kroko lɛ akɛ ejeee mɔ ko. Nyɛnyɛŋ Nyɔŋmɔ kɛ mamona (ninamɔ) nyɛsɔ̃mɔ.

Luka 12:15

Ni ekɛɛ amɛ akɛ, “Nyɛkwɛa jogbaŋŋ ni nyɛhiɛ ahia nyɛhe nɔ yɛ hiɛjoomɔi srɔtoi fɛɛ ahe; ejaakɛ jeee gbɔmɔ nii ni ena ni eteke nɔ lɛ mli ewala yɔɔ.”

1 Timoteo 6:10

Ejaakɛ nibii fɔ̃ji fɛɛ ashĩshifã ji shikasuɔmɔ ni mɛi komɛi di sɛɛ ni amɛdu gbɛ kɛjɛ hemɔkɛyeli lɛ mli, ni amɛkɛ piŋmɔi babaoo egbulɔ amɛtsui lɛ.