Jajelɔ 5:1 - ŊMALƐ KRƆŊKRƆŊ LƐ

¹ Kwɛmɔ jogbaŋŋ kɛji ooya Nyɔŋmɔ We lɛ. Kɛji ooya jɛi oyabo wiemɔ toi lɛ, ehi fe oooya jɛi oyashã afɔle ni kwashiai yaa amɛyashãa lɛ; ejaakɛ amɛleee akɛ amɛmiifee nɔ fɔŋ.

Ṅmãle̱ Kroṅkroṅ Le̱

¹ *Kāhã onā mīfe ble̱ble̱, ni otšui hũ akaye oyái ewie wiemo̱ ko ye̱ Nyoṅmo̱ hĩe, ši Nyoṅmo̱ le̱ ṅwei eyo̱, ni bo le̱ oye̱ šikpoṅ le̱ no̱; nohewo̱ le̱ kāhã owiemo̱i mīfá. *Iak. 1,19.

Jajelɔ 5:1 ပူးပေါင်းရင်းမြစ်များ

2 Kronika 26:16

Hewalɛ ni Maŋtsɛ Uzia na nɛɛ hã ewo ehe nɔ, ni no kɛ eshigbeemɔ ba. Uzia je Yehowa, eNyɔŋmɔ, lɛ ŋwane, ni etee Sɔlemɔtsu lɛ mli akɛ eyaashã tsofakɛŋma lɛ diɛŋtsɛ yɛ tsofakɛŋmashãa latɛ lɛ nɔ.

Hiob 11:2

“Ani awieɔ babaoo nɛkɛ ni ahãaa hetoo, ni ahãa naafuutsɛ ŋɔɔ ehe eyeɔ? Ani naafuu wiemɔ hãa mɔ sane jaa?

Hiob 22:12

Aso Nyɔŋmɔ bɛ ŋwɛi shɔŋŋ? Kwɛmɔ bɔ ni ŋulamii lɛ ekomɛi yɔɔ shɔŋŋ diɛŋtsɛ hã.

Lalai 89:7

Nyɔŋmɔ ni asheɔ lɛ gbeyei yɛ mɛi krɔŋkrɔŋi agwabɔɔ lɛŋ, Nyɔŋmɔ kpeteŋkple ni he yɔɔ gbeyei fe mɛi fɛɛ ni bɔle lɛ kɛkpe lɛ.

2 Mose 3:5

Nyɔŋmɔ kɛɛ lɛ akɛ, “Kaatsi oba dɔŋŋ! Jiemɔ otokotai lɛ, shi he ni odamɔ lɛ shikpɔŋ krɔŋkrɔŋ ni.”

2 Mose 30:18

“Asaŋ okɛ akɔɔble afee okpolu. Okɛ akɔɔble nɔŋŋ afee shimaa nɔ koni okpolu lɛ ama nɔ. Okɛma Buu lɛ kɛ afɔleshãa latɛ lɛ teŋ, ni oyɛ nu owo mli

Abe̱i 10:19

Wiemɔ babaoo yɔɔ nɛɛ tɔ̃mɔ kpaaa yɛ mli; shi mɔ ni le enaabu mli mɔmɔ lɛ, nilelɔ ni.

Abe̱i 15:8

Mɛi fɔ̃ji afɔle lɛ, Yehowa miihi; shi jalɔi asɔlemɔ lɛ, enaa he miishɛɛ.

Abe̱i 21:27

Efɔŋfeelɔ afɔle lɛ, nihiinii ni; blɔblɔ ni ekɛba kɛ yiŋsha.

Yesaia 66:3

“Mɔ ni gbeɔ tsina lɛ, etamɔ mɔ ni gbeɔ gbɔmɔ nɔŋŋ; mɔ ni kɛ toobi shãa afɔle lɛ, etamɔ mɔ ni kɛ gbee shãa afɔle nɔŋŋ; mɔ ni shãa niyenii afɔle lɛ, etamɔ mɔ ni kɛ kplotoo lá bahãa nɔŋŋ; mɔ ni shãa krɔbɔo afɔle lɛ, etamɔ mɔ ni jaa wɔŋ nɔŋŋ. Mɛi nɛɛ fɛɛ ekɔlɔ amɛ diɛŋtsɛ amɛgbɛi, ni amɛnaa nihiinii ni amɛfeɔ lɛ he miishɛɛ.

3 Mose 10:3

Kɛkɛ ni Mose kɛɛ Aaron akɛ, “Enɛ ji nɔ ni Yehowa tsɔ̃ɔ be ni ekɛɛ akɛ, ‘Mɛi fɛɛ ni sɔ̃mɔɔ mi lɛ esa akɛ abu mi akɛ mɔ krɔŋkrɔŋ; majie minunyam lɛ kpo matsɔ̃ɔ maŋ muu lɛ fɛɛ.’ ” Shi Aaron mua enaa.

Bɔfoi 10:33

Kɛkɛ ni amrɔ lɛ nɔŋŋ mitsu oŋɔɔ, ni ofee jogbaŋŋ akɛ oba. No hewɔ lɛ, agbɛnɛ wɔ fɛɛ wɔyɛ biɛ yɛ Nyɔŋmɔ hiɛ koni wɔbo nibii fɛɛ ni Nyɔŋmɔ efã bo akɛ okɛɛ lɛ toi.”

Bɔfoi 17:11

Shi mɛnɛɛmɛi asu hi fe mɛi ni yɔɔ Tesalonika lɛ, ni amɛ lɛ amɛhere wiemɔ lɛ kɛ amɛtsui fɛɛ, ni daa gbi lɛ amɛkpaa ŋmalɛi lɛ amli amɛkwɛɔ akɛ nibii nɛɛ yɛ mli nakai lo.

1 Korintobii 11:22

Aso nyɛbɛ shĩai ni nyɛaaye nii ni nyɛaanu yɛ jɛi? Aloo Nyɔŋmɔ asafo lɛ nyɛbuuu, ni nyɛwoɔ mɛi ni bɛ nɔ ko lɛ ahiɛgble? Te makɛɛ nyɛ tɛŋŋ? Ani mijie nyɛyi? Enɛ lɛ, mijieee nyɛyi yɛ he.

Hebribii 10:26

Ejaakɛ kɛ kwa wɔkwaa wɔfeɔ esha, be ni wɔna wɔle anɔkwale lɛ sɛɛ lɛ, belɛ eshai ahe afɔle ko bɛ dɔŋŋ;

Yakobo 1:19

No hewɔ lɛ, minyɛmimɛi ni misumɔɔ, mɔ fɛɛ mɔ he afee oya kɛ ninumɔ; ehumi shi kɛ wiemɔ; ehumi shi kɛ mlifu.

Yoshua 5:15

Yehowa ta lɛ nɔ tatsɛ lɛ kɛɛ Yoshua akɛ, “Jiemɔ otokota lɛ yɛ onane, ejaakɛ he ni odamɔ lɛ shikpɔŋ krɔŋkrɔŋ ni.” Ni Yoshua fee nakai.