Jajelɔ 4:8 - ŊMALƐ KRƆŊKRƆŊ LƐ

⁸ No ji mɔ ko ni ebɛ mɔ ko mɔ ko, ebɛ bi lɛ, ebɛ nyɛminuu hu, kɛ̃lɛ ekpaaa deŋmegbomɔ, ni nii ni ena hu esaaa ehiɛ. Gbɔmɔ nɛɛ biko ehe dã akɛ, “Kwɛ, namɔ kwraa hewɔ ni migboɔ deŋme, ni mikamaa mihe jeŋ ŋɔɔmɔ nɛɛ?” Enɛ hu yakanii ni, kɛ awerɛho sane fɛɛ.

Ṅmãle̱ Kroṅkroṅ Le̱

⁸ Moko ye̱ ní ekometō ni, ni ebe̱ moko ní fataä ehe feo̱ enyo̱, ebe̱ bi le̱, ebe̱ nyemi hũ; ši kẽle̱ efõõ deṅmegbomo̱, ehĩṅme̱ii hũ tŏ̱ro̱o̱ ke̱ ninámo̱. Ekē̱o̱ ake̱: Namo hewo̱ po migboo̱ deṅme, ni mikãmãa misusuma nii kpakpai ne̱? Ene̱ hũ yakayakanoko ke̱ henāgbamo̱ ní wa ni!

Jajelɔ 4:8 ပူးပေါင်းရင်းမြစ်များ

1 Mose 2:18

Kɛkɛ ni Nuŋtsɔ Nyɔŋmɔ kɛɛ akɛ, “Ehiii akɛ gbɔmɔ lɛ koome hiɔ shi, mafee hefatalɔ ko ni sa lɛ mahã lɛ.”

Lalai 39:6

Lɛɛlɛŋ, gbɔmɔ fɛɛ gbɔmɔ lɛ, ehoɔ eyaa tamɔ hɔɔŋ. Anɔkwa, egbaa ehe naa yakatswaa. Etĩaa nii anaa, tsɛbelɛ eleee mɔ ni baaye.

Lalai 39:7

“Ni agbɛnɛ, Nuŋtsɔ, mɛni mimɛɔ? Mihiɛnɔkãmɔ fɛɛ ji bo.

Abe̱i 27:20

Bɔ ni gbohiiaje kɛ gbonyobu etɔko dã lɛ, nakai gbɔmɔ hiŋmɛi hu etɔko dã.

Jajelɔ 1:13

Mikɛma mihiɛ akɛ mikɛ nilee baagbugbuu shi, kɛtao nɔ fɛɛ nɔ ni afeɔ yɛ jeŋ; ni naa, eko fɛɛ eko lɛ yakanii ni.

Jajelɔ 1:8

Nɔ fɛɛ nɔ lɛ, henaagbamɔ sɔŋŋ ni; shi adesa nyɛɛɛ ekɛɛ. Etɔɔɔ hiŋmɛi kɛ nikwɛmɔ, ni etɔɔɔ toi hu kɛ ninumɔ.

Jajelɔ 2:21

ejaakɛ bei komɛi lɛ mɔ ko ni egbo deŋme kɛ nilee kɛ jwɛŋmɔ kɛ ŋaa shiɔ egboshinii lɛ ehãa mɔ ni gboko nii lɛ he deŋme ko, ni ebayeɔ. Enɛ hu lɛ yakanii kɛ nɔ fɔŋ kpele ni.

Jajelɔ 2:23

Ejaakɛ ewala gbii fɛɛ lɛ piŋmɔ ni, ni enitsumɔ fɛɛ lɛ mlifu sɔŋŋ tɔ, ni nyɔɔŋnyɔɔŋ fɛɛ tete ewɔɔɔ kɛ jwɛŋmɔ sɔŋŋ. Enɛ hu yakanii ni.

Jajelɔ 4:7

Asaŋ mina yakanii ko yɛ jeŋ.

Jajelɔ 5:10

Mɔ ni sumɔɔ shika lɛ, etɔɔɔ shika; ni mɔ ni sumɔɔ ninamɔ etɔɔɔ ninamɔ. Enɛ hu lɛ yakanii ni.

Jajelɔ 5:9

Shi enɛ fɛɛ sɛɛ lɛ maŋtsɛ he yɛ sɛɛnamɔ kɛ̃ yɛ shikpɔŋ ni ŋmɔji yɔɔ nɔ nɔ.

Yesaia 5:8

Kpoo hã nyɛ, nyɛ mɛi ni nyɛheheo mɛi ashĩai nyɛfataa shĩai ni nyɛyɔɔ ahe, ni nyɛŋɔɔ mɛi aŋmɔji nyɛfataa nyɛŋmɔji ahe. Nyɛhiɛ nɛkɛ ni eshwɛŋ shikpɔŋ ko dɔŋŋ yɛ he ko ni abaashi nyɛ pɛ koni nyɛhi shikpɔŋ lɛ nɔ.

Yesaia 55:2

Mɛɛba nyɛkɔɔ shika nyɛkɛheɔ nɔ ni jeee ŋmãa? Ni nyɛkɛ nyɛnitsumɔŋ nyɔmɔwoo heɔ nɔ ni hãaa mɔ atɔ? Nyɛboa mi toi jogbaŋŋ, ni nyɛfea nɔ ni makɛɛ nyɛ lɛ, ni nyɛaaye niyenii kpakpa fe fɛɛ, ni nyɛmii aaashɛ.

Mateo 11:28

“Nyɛbaa miŋɔɔ, nyɛ mɛi fɛɛ ni etɔ nyɛ ni nyɛjatsui fe nyɛ lɛ, ni mahã nyɛ hejɔɔmɔ.

Luka 12:20

Shi Nyɔŋmɔ kɛɛ lɛ akɛ, ‘Kwashia, nyɔɔŋ nɛɛŋ nɔŋŋ lɛ abaabi osusuma shi yɛ odɛ̃ŋ; ni nibii ni osaa oto lɛ, namɔ nɔ eeetsɔ̃?’

1 Yohane 2:16

ejaakɛ nɔ fɛɛ nɔ ni yɔɔ je lɛ mli lɛ — heloo lɛ sɛɛdiinii lɛ kɛ hiŋmɛii lɛ asɛɛdiinii lɛ kɛ shihilɛ mli hewoo lɛ — ejɛɛɛ Tsɛ lɛ mli, shi moŋ je lɛ mli ejɛ.