Jajelɔ 3:3 - ŊMALƐ KRƆŊKRƆŊ LƐ

³ Be yɛ ni agbeɔ, ni be yɛ hu ni atsaa; be yɛ ni akumɔɔ nɔ ni ama, ni be yɛ hu ni atswaa amaa shi.

Ṅmãle̱ Kroṅkroṅ Le̱

³ gbĕ hũ be ye̱, ni tšámo̱ be ye̱, kū̃mo̱ be ye̱, ni mā̃ be ye̱;

Jajelɔ 3:3 ပူးပေါင်းရင်းမြစ်များ

1 Mose 9:6

Mɔ ni shwieɔ gbɔmɔ lá shi lɛ, gbɔmɔ nɔŋŋ aaashwie lɛ hu elá shi kɛ̃ ejaakɛ Nyɔŋmɔ su nɔ Nyɔŋmɔ bɔ gbɔmɔ yɛ.

Yesaia 44:26

Emaa etsulɔ wiemɔ nɔ mi, ni ehãa ebɔfoi agbalɛ baa mli taakɛ ekɛɛ yɛ Yerusalɛm he akɛ, ‘Mɛi baahi mli ekoŋŋ’, ni ekɛɛ yɛ Yuda maji wuji lɛ ahe akɛ, ‘Abaasaa amãmɔ amɛ, ni maha tsui ni akumɔ ate shi ekoŋŋ’ lɛ.

Yesaia 6:10

Kɛkɛ ni ekɛɛ mi akɛ, “Hã nɛkɛ maŋbii nɛɛ akpliŋ amɛtsui, ni ohã amɛtoi awa; asaŋ shwilamɔ amɛhiŋmɛii koni amɛkana nii; amɛkanu nii, asaŋ amɛkanu sane shishi ni amɛmiikpale ni amɛna tsamɔ.”

Yeremia 1:10

Ni kɛjɛ ŋmɛnɛ lɛ, mihã bo hewalɛ yɛ maji lɛ kɛ maŋtsɛyelii lɛ anɔ, koni ofãmɔ nii, ni okumɔ oshwie shi, koni okpãtã hiɛ, ni obutu, ni osaa otswa oma shi ni otɛo ekoŋŋ.”

Yeremia 31:28

Ni ebaaba mli akɛ bɔ ni mishi amɛhe kpe ni mifamɔ amɛ mishwie, ni mikumɔ amɛ mishwie shi, ni mibutu amɛ, ni mikpãtã amɛhiɛ ni mifee amɛ efɔŋ lɛ, nakai nɔŋŋ kɛ̃ mashi amɛhe kpe ni matɛo amɛ, ni matswa amɛ mama shi.

Yeremia 33:6

Shi naa, mi nɔŋŋ mibasaa maŋ lɛ ni matee lɛ shi ekoŋŋ ni mahã emli bii ana toiŋjɔlɛ babaoo, amɛbaashwere ni amɛbaafee shweshweeshwe.

Yeremia 45:4

Bɔ ni okɛɛ Baruk nɛ. Nɔ ni, Yehowa kɛɛ nɛ, “Naa, nii ni mima mima shi lɛ, mi nɔŋŋ miikumɔ mashwie shi, ni nii ni mi nɔŋŋ mitɛo lɛ, miifamɔ mashwie. Nakai ji bɔ ni mikɛ shikpɔŋ muu lɛ fɛɛ yeɔ nɛɛ.

Ezekiel 13:14

Makumɔ gbogbo ni nyɛkɛ kaaloo esha he lɛ mashwie shi; ni eshishitoo lɛ aaaje kpo faŋŋ. Eshigbeemɔ mli lɛ eeegbee nyɛ nɔ, ni eeekpãtã nyɛhiɛ, ni nyɛaale akɛ, mi, mi ji Yehowa.

Hagai 1:2

Yehowa Taiatsɛ lɛ kɛɛ Hagai akɛ, “Gbɔmɛi nɛɛ kɛɔ akɛ be ni sa akɛ asaa atswa Sɔlemɔ we lɛ shɛko.”

Hagai 1:4

“Miwebii, aso esa nyɛhiɛ akɛ nyɛhi nyɛtsui ni asɛŋ nɔ amli, be mli ni miwe nɛɛ kã shi amaŋfɔ̃ lɛ lo?

Zakaria 1:12

Kɛkɛ ni Yehowa bɔfo lɛ wo egbee nɔ ekɛɛ, “Ao, Yehowa, afii nyɔŋmai kpawo sɔŋŋ nɛ ni omli fu Yerusalɛm kɛ Yuda maji lɛ. Mɛɛbe omusuŋ aaatsɔ̃ bo yɛ amɛhe?”

5 Mose 32:39

“‘Te nyɛna akɛ Mi nɔŋŋ ji Mi, ni misɛɛ lɛ nyɔŋmɔ ko bɛ dɔŋŋ? Migbeɔ, ni mihãa wala, mipilaa mɔ, ni mitsaa mɔ, ejaakɛ mɔ ko nyɛɛɛ nɔ ko ashɔ̃ yɛ mi midɛŋ.

1 Samuel 2:25

Kɛji gbɔmɔ fee enyɛmi gbɔmɔ esha lɛ, Nyɔŋmɔ ji mɔ ni kojoɔ lɛ; shi kɛji gbɔmɔ fee esha eshi Yehowa lɛ, namɔ po ni aaakpa fai ahã lɛ?” Shi oblahii lɛ eyabooo amɛtsɛ, Eli, toi ejaakɛ Yehowa eto akɛ ebaagbe amɛ.

1 Samuel 2:6

Yehowa ni gbeɔ mɔ, ni etsiɛɔ mɔ hiɛ hu; ehãa ayaa gbohiiaje, ni ehãa akpaleɔ abaa ekoŋŋ.