Jajelɔ 3:22 - ŊMALƐ KRƆŊKRƆŊ LƐ

²² No hewɔ lɛ, miyoo akɛ nɔ ko ehiii fe enɛ akɛ gbɔmɔ aye enitsumɔ mli ŋɔɔmɔ lɛ eko, ejaakɛ no ji egbɛfaŋ nɔ. Namɔ baanyɛ ekɛ adesa aku sɛɛ kɛba jeŋ koni ebana nɔ ni yaa nɔ yɛ egbele sɛɛ?

Ṅmãle̱ Kroṅkroṅ Le̱

²² Nohewo̱ le̱ miyo, ake̱ nõkpakpa ko be̱ fè noni gbomo mī aaše̱ ehe ye̱ enitšumo̱i amli; edšake̱ ene̱ dši egbe̱făṅnõ. Ši namo aahã ele noni baba ye̱ ese̱?

Jajelɔ 3:22 ပူးပေါင်းရင်းမြစ်များ

Hiob 14:21

Kɛji ebii ahiɛ miiba nyam lɛ, eleee; ni kɛji amɛhiɛ miishwie shi hu eleee.

Jajelɔ 10:14

Kwashia wieɔ babaoo. Gbɔmɔ ko leee nɔ ni baaba; ni mɔ ko hu nyɛŋ egba lɛ nɔ ni baaba yɛ esɛɛ.

Jajelɔ 11:9

Oblanyo, nya yɛ oblahiiaŋ; hã omii ashɛ ohe yɛ oblahiiaŋ fɛɛ; ye otsui naa sane; feemɔ nɔ ni hi yɛ ohiɛ; shi moŋ kaimɔ akɛ Nyɔŋmɔ kɛ bo baakojo yɛ nibii fɛɛ ni ofee lɛ ahewɔ.

Jajelɔ 2:18

Deŋme fɛɛ ni migbo yɛ jeŋ je mitsine, ejaakɛ mina akɛ mibashi fɛɛ kwa mibahã mɔ ni baaba ebaye misɛɛ.

Jajelɔ 2:24

Nɔ ko bɛ hã gbɔmɔ adesa fe akɛ nii ni egbo he deŋme ni ena lɛ, eye eko, ni enu eko, ni ena ehe miishɛɛ. Enɛ hu mina akɛ Nyɔŋmɔ dɛŋ ejɛ,

Jajelɔ 6:12

Namɔ le nɔ ni hi hã gbɔmɔ adesa ni eyɔɔ yaka wala be kukuoo nɛɛ ni hoɔ tamɔ lamɔ nɛɛ mli? Ni namɔ baanyɛ egba gbɔmɔ nɔ ni baaba jeŋ yɛ egbele sɛɛ?

Jajelɔ 7:14

Be ni nibii eshwere lɛ, nya; ni kɛji joomɔ be ba lɛ susumɔ he; ejaakɛ Nyɔŋmɔ dɛŋ enyɔ lɛ fɛɛ jɛ, bɔ ni afee ni gbɔmɔ adesa akanyɛ ele nɔ ni baaba wɔsɛɛ.

Jajelɔ 8:15

Kɛkɛ ni mikafo miishɛɛ ejaakɛ nɔ kpakpa ko bɛ hã gbɔmɔ yɛ hulu shishi nɛɛ, fe akɛ eye nii ni enu nɔ ko, ni ena miishɛɛ. Eeenyɛ ekã he efee enɛ be mli ni eyɔɔ wala ni Nyɔŋmɔ ehã lɛ yɛ je nɛɛŋ.

Jajelɔ 8:7

Gbɔmɔ ko leee nɔ ni baaba; ni namɔ hu aaanyɛ atsɔ̃ɔ lɛ bɔ ni ebaaba lɛ ehã?

Jajelɔ 9:12

Ejaakɛ gbɔmɔ adesa leee ebe. Kɛji be lɛ banina lɛ trukaa lɛ, etsɔ̃ɔ tamɔ faaŋ loo ni ahiɛ, loo loofɔji ni akɛ tsɔne edu amɛ.

Jajelɔ 9:6

Amɛsuɔmɔ kɛ amɛnyɛɛ kɛ amɛwuŋayeli fɛɛ eho etee momo; ni kɛyaashi naanɔ lɛ, nɔ fɛɛ nɔ ni yaa nɔ yɛ je nɛɛŋ lɛ amɛhe bɛ mli dɔŋŋ.

Daniel 12:13

“Ni bo Daniel, ye anɔkwa kɛyashi naagbee; ni no sɛɛ lɛ obaagbo; shi ooote shi, ni ooona aekoo ni sa bo yɛ naagbee gbi lɛ nɔ.”

Mateo 6:34

No hewɔ lɛ, nyɛkahaoa nyɛhe nyɛtoa wɔ; ejaakɛ wɔ aaahao yɛ lɛ diɛŋtsɛ ehe. Gbi fɛɛ gbi nɔ efɔŋ lɛ fa hã lɛ.”

5 Mose 12:18

He pɛ ni nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii ni yɔɔ nyɛmaji lɛ amli lɛ aye afɔlei lɛ yɛ kɛkɛ ji Yehowa hiɛ, yɛ he ni lɛ Yehowa, nyɛNyɔŋmɔ lɛ, diɛŋtsɛ eŋɔ akɛ aja lɛ yɛ lɛ. Nyɛmii ashɛa nyɛhe yɛ Yehowa nyɛNyɔŋmɔ lɛ hiɛ, yɛ nitsumɔ fɛɛ nitsumɔ ni nyɛaatsu lɛ hewɔ.

5 Mose 12:7

Nyɛyea nii lɛ yɛ Yehowa, nyɛNyɔŋmɔ lɛ hiɛ yɛ jɛi, koni nyɛ kɛ nyɛshĩaŋbii fɛɛ amii ashɛ nyɛhe yɛ nyɛninenaa nitsumɔ nii ni Yehowa, nyɛNyɔŋmɔ lɛ, ejɔɔ nɔ lɛ hewɔ.

5 Mose 28:47

“Ejaakɛ yɛ nii ni Yehowa jɔɔmɔ hã ona babaoo lɛ fɛɛ sɛɛ lɛ, okɛ miishɛɛ kɛ tsuijurɔ jaaa Yehowa, oNyɔŋmɔ lɛ.