Jajelɔ 3:20 - ŊMALƐ KRƆŊKRƆŊ LƐ

²⁰ Amɛ fɛɛ lɛ he koome lɛ nɔŋŋ amɛyaa; amɛ fɛɛ lɛ su mli amɛjɛ, ni amɛ fɛɛ amɛbaatsɔ̃ su ekoŋŋ.

Ṅmãle̱ Kroṅkroṅ Le̱

²⁰ Ame̱fẽ ame̱yaä hekome: *ame̱fẽ ame̱dše̱ sũ mli, ni ame̱fẽ ame̱tšṍo̱ sũ ekoṅ. *1 Mose 3,19.

Jajelɔ 3:20 ပူးပေါင်းရင်းမြစ်များ

1 Mose 25:17

Afii abɔ ni Ishmael ye ji afii oha kɛ nyɔŋmai etɛ̃ kɛ kpawo. Egbo, ni afu lɛ yɛ ewekumɛi ateŋ.

1 Mose 25:8

Ni Abraham gbo yɛ gbɔlɛ kpakpa mli, nuumo ni, ni egbɔ kotokoto.

1 Mose 3:19

Ohiɛ latsaa mli oooye nii yɛ kɛyaashi beyinɔ ni oooku osɛɛ kɛaatee shikpɔŋ sũ mli; ejaakɛ emli ajie bo kɛjɛ; sũ ji bo, ni sũ mli nɔŋŋ oooku osɛɛ kɛaatee.”

Hiob 14:10

Shi gbɔmɔ gboɔ, ni enyɔɔ shi. Kɛji mumɔ na fã yɛ emli lɛ, nɛgbɛ lɛ yɔɔ dɔŋŋ?

Hiob 14:14

Kɛji gbɔmɔ gbo lɛ, ehiɛ aaakã ekoŋŋ? Mibato mitsui shi mamɛ yɛ misɔ̃ɔmɔ be lɛ mli kɛyaashi be aaashɛ ni aaaŋmɛ̃ɛ mihe.

Hiob 17:13

Kɛji miŋɔ miwe lɛ akɛ gbohiiaje, kɛ miŋmɛ misaa lɛ yɛ duŋ lɛ mli,

Hiob 30:24

Kɛ̃lɛ aso mɔ ni kã hiɛkpãtãmɔ mli kpãaa enineŋ yɛ emanehulu lɛ mli ni ebi yelikɛbuamɔ lo?

Hiob 34:15

no lɛ heloo fɛɛ heloo hiɛ aaakpãtã; ni gbɔmɔ aaatsɔ̃ sũ ekoŋŋ.

Hiob 7:9

Bɔ ni atatu tseɔ, ni elaajeɔ lɛ, nakai mɔ ni yaa gbohiiaje ekuuu esɛɛ ebaaa dɔŋŋ;

Lalai 103:14

Ejaakɛ ele wɔsu kɛ wɔbaŋ; ekaiɔ akɛ sũ kɛkɛ ji wɔ.

Lalai 104:29

Kɛ okɛ ohiɛ tee lɛ, amɛhaoɔ, kɛ oŋɔ amɛmumɔ lɛ, amɛgboiɔ; ni amɛkuɔ amɛsɛɛ kɛyaa amɛsu ni amɛjɛ mli lɛŋ ekoŋŋ.

Lalai 49:14

gbohiiaje kã shi hã amɛ tamɔ toi, gbele baatsɔ̃ amɛkpalalɔ. Amɛaakpeleke shi oya kɛaatee gbonyobu mli; ni amɛgbɔmɔtsei lɛ aaakpɔtɔ. Gbohiiaje aaatsɔ̃ amɛwe

Jajelɔ 12:7

Wɔsũ gbɔmɔtsei lɛ baaku sɛɛ kɛya shikpɔŋ sũ mli ekoŋŋ, he ni amɛjɛ lɛ, ni mumɔ lɛ hu baaku esɛɛ eya Nyɔŋmɔ mɔ ŋɔɔ ni ejɛ eba lɛ ŋɔɔ ekoŋŋ.

Jajelɔ 3:21

Namɔ aaanyɛ ekɛɛ akɛ adesa mumɔ lɛ eyaa ŋwɛi, ni kooloo mumɔ lɛ eyaa su mli?

Jajelɔ 6:6

aaaye afii akpei enyɔ tete, shi eyeee jeŋ nibii kpakpai lɛ amli ŋɔɔmɔ ko. Ani jeee he koome mɛi enyɔ nɛɛ fɛɛ yaa lo?

Jajelɔ 7:2

Kɛji otee shĩa ni aafee yara yɛ mli lɛ, ehi fe nɔ ni otee shĩa ni aŋmɛ okplɔ̃ yɛ jɛi, ejaakɛ esa akɛ gbɔmɔ hiɛ ahi nɔ akɛ gbɔmɛi fɛɛ anaagbee ji gbele.

Jajelɔ 9:10

Nɔ fɛɛ nɔ tsumɔ ni ooomɔ mli lɛ, tsu kɛ onyɛmɔ fɛɛ, ejaakɛ gbohiiaje he ni oyaa lɛ, nɔ ni atsɛɔ lɛ nitsumɔ loo yiŋshwiemɔ loo nilee loo jwɛŋmɔ lɛ eko bɛ jɛi.

Daniel 12:2

Ni mɛi ni egboi lɛ ateŋ mɛi pii ahiɛ aaatsɛ̃; mɛi komɛi aaatee naanɔ wala mli; shi mɛi komɛi hu aaatee naanɔ hiɛgbele mli.

4 Mose 27:13

Kɛji okwɛ shikpɔŋ lɛ ogbe naa lɛ, bo hu obaagbo tamɔ onyɛmi Aaron,