Jajelɔ 3:2 - ŊMALƐ KRƆŊKRƆŊ LƐ

² Fɔmɔ be yɛ, ni gbele be hu yɛ; nidumɔ be yɛ, ni nikpamɔ be hu yɛ.

Ṅmãle̱ Kroṅkroṅ Le̱

² Fo̱mo̱ be ye̱, ni gbĕle be hũ ye̱; te̱omo̱ be ye̱, ni noni ate̱o le̱ fā̃mi be hũ ye̱;

Jajelɔ 3:2 ပူးပေါင်းရင်းမြစ်များ

1 Mose 17:21

Shi mikpãŋmɔ lɛ, Isak mɔ ni Sara kɛ bo aaafɔ biɛ afi naakplɔ lɛ, lɛ mikɛaakpãŋ.”

1 Mose 47:29

Be ni Yakob gbele be eshɛ etã lɛ, etsɛ ebi Yosef ni ekɛɛ lɛ akɛ, “Kɛ oyɛ mihe tsuijurɔ lɛ, okɛ onine abahɔ milagbaateŋ ni owo mi shi akɛ obaaye mi anɔkwa. Kaafu mi yɛ Ijipt.

1 Maŋtsɛmɛi 13:2

Yɛ Yehowa famɔ naa lɛ, gbalɔ lɛ gba eshi afɔleshãa latɛ lɛ, ni ekɛɛ akɛ, Bɔ ni Yehowa kɛɛ nɛ, “Ao afɔleshãa latɛ, afɔleshãa latɛ, naa, abaafɔ binuu ko yɛ David we lɛ, ni aaatsɛ egbɛi Yosia. Lɛ ebaagbe osɔfoi ni shãa afɔlei yɛ onɔ lɛ, ni gbɔmɛi awui tete lɛ eeeshã yɛ onɔ.”

2 Maŋtsɛmɛi 4:16

Elisha kɛɛ yoo lɛ akɛ, “Wɔsɛɛ afi naakplɔ benɛ lɛ, ooohiɛ binuu yɛ okpɔkɔiaŋ.” Yoo lɛ kɛɛ Elisha akɛ, “Dabida minuŋtsɔ, Nyɔŋmɔ gbɔmɔ ji bo, kaalaka mi.”

Hiob 14:14

Kɛji gbɔmɔ gbo lɛ, ehiɛ aaakã ekoŋŋ? Mibato mitsui shi mamɛ yɛ misɔ̃ɔmɔ be lɛ mli kɛyaashi be aaashɛ ni aaaŋmɛ̃ɛ mihe.

Hiob 14:5

Akɛni ato ewala be lɛ, ni nyɔji abɔ ni ebaaye yɛ odɛ̃ŋ lɛ, belɛ owo ewala he husu momo.

Hiob 7:1

“Ani gbɔmɔ wala yɛ shikpɔŋ nɛɛ nɔ jeee tɔlɛ kɛ deŋmegbomɔ? Ani ewala gbii tamɔɔɔ apaafonyo wala gbii?

Lalai 113:9

Ehãa yoo kene tsɔ̃ɔ shĩanyɛ, ni etsɔ̃ɔ biianyɛ ni yɔɔ miishɛɛ. Nyɛjiea Yehowa yi!

Lalai 52:5

Shi Nyɔŋmɔ kɛ bo aaatswa shi; ni oteŋ shi dɔŋŋ kɔkɔɔkɔ. Ebaasha bo kɛjɛ obuu lɛ mli, ni ebaatserɛ omli. Ebaafã bo kɛ oshishi fã kɛaaje hiɛkãalɔi ashikpɔŋ lɛ nɔ.

Abe̱i 24:27

Too onitsumɔ he gbɛjianɔ jogbaŋŋ, feemɔ oŋmɔshinii fɛɛ kralo, no sɛɛ dani obɔi otsu maa.

Yesaia 28:24

Ani okwaafoi ni miitao amɛdu nii lɛ, humɔ lɛ sɔŋŋ kɛkɛ amɛhuɔ daa lo? Aloo shi sɔŋŋ kɛkɛ amɛtsaa, ni amɛjwaraa emli kpɔi lɛ?

Yesaia 38:1

Nakai be lɛ mli lɛ, hela mɔ̃ Maŋtsɛ Hezekia, ni eehe egbo. Gbalɔ Yesaia, Amoz bi lɛ, tee eyasara lɛ, ni ekɛɛ lɛ akɛ, “Bɔ ni Yehowa kɛɛ nɛ, ‘Too owe lɛ he gbɛjianɔ, ejaakɛ oyi naŋ wala; obaagbo.’ ”

Yesaia 38:5

“Yaa koni oyakɛɛ Hezekia akɛ, ‘Bɔ ni Yehowa, otsɛ David Nyɔŋmɔ lɛ, kɛɛ nɛ: Minu ofaikpamɔ lɛ, ni mina oyaafo lɛ; maŋɔ afii nyɔŋma kɛ enumɔ mafata owala be lɛ he.

Yesaia 54:1

“Yerusalɛm, yoo kene, wó nyamɔ lala nɔ! Bo ni okɔ̃mɔko dã, blɔmɔ kɛ miishɛɛ! Ejaakɛ mɔ ni ewu kwa lɛ lɛ, ebii ayi baafa fe mɔ ni yɔɔ wu lɛ bii.”

Yeremia 1:10

Ni kɛjɛ ŋmɛnɛ lɛ, mihã bo hewalɛ yɛ maji lɛ kɛ maŋtsɛyelii lɛ anɔ, koni ofãmɔ nii, ni okumɔ oshwie shi, koni okpãtã hiɛ, ni obutu, ni osaa otswa oma shi ni otɛo ekoŋŋ.”

Yeremia 45:4

Bɔ ni okɛɛ Baruk nɛ. Nɔ ni, Yehowa kɛɛ nɛ, “Naa, nii ni mima mima shi lɛ, mi nɔŋŋ miikumɔ mashwie shi, ni nii ni mi nɔŋŋ mitɛo lɛ, miifamɔ mashwie. Nakai ji bɔ ni mikɛ shikpɔŋ muu lɛ fɛɛ yeɔ nɛɛ.

Mateo 13:41

Gbɔmɔ Bi lɛ aaatsu ebɔfoi lɛ, ni amɛaabua nanetɔ̃tɔ̃mɔnii fɛɛ kɛ mɛi ni tsuɔ nii ni shiɔ mla lɛ anaa kɛaaje emaŋtsɛyeli lɛ mli,

Mateo 15:13

Shi ehere nɔ ekɛɛ, “Tso fɛɛ tso ni jeee miŋwɛi-Tsɛ lɛ tɛoɔ lɛ, fã aaafã.

Luka 1:13

Shi bɔfo lɛ kɛɛ lɛ akɛ, “Kaashe gbeyei, Zakaria, ejaakɛ Nyɔŋmɔ ebo ofaikpamɔ lɛ toi, ni oŋa Elizabet aaafɔ binuu ahã bo, ni ooowo lɛ gbɛi akɛ Yohane.

Luka 1:20

Ni naa, oootɔ mu ni onyɛŋ owie kɛyashi gbi nɔ ni nii nɛɛ aaaba mli, ejaakɛ oheee miwiemɔ lɛ ni baaba mli kɛ be shɛ lɛ oyeee.”

Luka 1:36

Shi naa, owekunyo Elizabet lɛ hu, ena binuu musu yɛ egbɔlɛ mli, ni mɔ ni atsɛɔ lɛ kene lɛ ena nyɔji ekpaa.

Yohane 16:21

Kɛji yoo miikɔmɔ lɛ, ehaoɔ, ejaakɛ eŋmɛlɛtswaa lɛ eshɛ; shi kɛ efɔ bi lɛ sɛɛ lɛ, ekaiii hejaramɔ lɛ dɔŋŋ yɛ miishɛɛ ni enaa akɛ efɔ gbɔmɔ kɛba je lɛ mli lɛ hewɔ.

Yohane 7:30

No hewɔ lɛ, amɛmiitao amɛmɔ lɛ, shi kɛ̃lɛ mɔ ko etaaa ehe, ejaakɛ eŋmɛlɛtswaa lɛ shɛko.

Bɔfoi 7:17

“Shi be ni bè ni Nyɔŋmɔ baaye eshi ni ewo Abraham lɛ nɔ lɛ shɛ lɛ, maŋ lɛ shwere, ni amɛyi fa yɛ Ijipt shikpɔŋ lɛ nɔ,

Bɔfoi 7:20

Nakai be lɛ mli afɔ Mose, ni ehe yɛ fɛo yɛ Nyɔŋmɔ hiɛ, ni alɛ lɛ yɛ etsɛ we lɛ nyɔji etɛ̃.

Galatabii 4:4

Shi be ni be lɛ shɛ lɛ, Nyɔŋmɔ tsu lɛ diɛŋtsɛ eBi lɛ kɛba, yoo fɔ lɛ, eba Mla shishi;

5 Mose 34:5

Yehowa tsulɔ Mose gbo yɛ jɛi yɛ Moab shikpɔŋ lɛ nɔ yɛ Yehowa wiemɔ lɛ naa;

Hebribii 9:27

Gbii abɔ ni ekã shi ehã gbɔmɛi akɛ shi kome amɛgboiɔ, shi no sɛɛ lɛ abaakojo amɛ lɛ,

1 Samuel 2:5

Mɛi ni kulɛ amɛyeɔ nii amɛtɔrɔɔ lɛ, amɛmiiye apaa yɛ daaŋ ŋmãa hewɔ, ni mɛi ni kulɛ amɛwɔɔ hɔmɔ lɛ, amɛwɔɔɔ hɔmɔ dɔŋŋ. Naa, kene lɛ efɔ kpawo, ni biianyɛ lɛ moŋ etsɔ̃ mɔ kome mɔ.