Jajelɔ 3:14 - ŊMALƐ KRƆŊKRƆŊ LƐ

^14-15 Miyoo akɛ nɔ fɛɛ nɔ ni Nyɔŋmɔ fee lɛ, ehiɔ shi kɛyaa naanɔ; anyɛŋ akɛ nɔ ko afata he lɛ, anyɛŋ ajie nɔ ko kɛje mli hu. Nyɔŋmɔ efee nɔ lɛ nakai, bɔ ni afee ni gbɔmɔ adesa ashe lɛ gbeyei. Nɔ ni yɔɔ amrɔ nɛɛ lɛ, ebaho etee dã, ni nɔ hu ni baaba lɛ eba dã. Nyɔŋmɔ tiuɔ nɔ ni eba ni ewo lɛ gbɛ kɛtee momo lɛ sɛɛ.

Ṅmãle̱ Kroṅkroṅ Le̱

¹⁴ Miyo ake̱ nofẽno ní Nyoṅmo̱ fe le̱, no kẽ bahĩ ši ke̱-ya nāno̱; anyẽṅ ake̱ noko afata he lo adšie noko ye̱ mli; ni Nyoṅmo̱ fe, koni ašele̱ gbeyei.

Jajelɔ 3:14 ပူးပေါင်းရင်းမြစ်များ

2 Samuel 22:31

Nyɔŋmɔ lɛ, shwamɔ ko bɛ enifeemɔ he; ni ewooo shi ni efee yaka. Etsɔ̃ɔ tamɔ tsɛŋ ehãa mɛi fɛɛ ni baa lɛ abo lɛ.

Lalai 33:11

Yehowa yiŋtoi lɛ, hiɔ shi kɛyaa naanɔ; ni etsuiŋ susumɔi lɛ yɛ hã yinɔbii fɛɛ.

Lalai 64:9

Kɛkɛ lɛ gbɔmɛi fɛɛ kwa aaashe gbeyei, ni amɛaagba nii ni Nyɔŋmɔ etsu lɛ; ni amɛaasusu enifeemɔnii lɛ he.

Lalai 76:10

Gbɔmɔ adesã mlila tete aaajie oyi. Mɛi ni aaaje gbele mli yɛ ta lɛ mli lɛ, aaaye ogbii juji lɛ.

Abe̱i 19:21

Yiŋtoi pii yɛ gbɔmɔ jwɛŋmɔŋ; shi nɔ ni Yehowa eto lɛ, no baa mli obɔ̃.

Abe̱i 21:30

Gbɔmɔ nilee loo eniiashishinumɔ, loo eŋaawoo ko bɛ ni kɛ Yehowa nɔ lɛ aaafu daa.

Abe̱i 30:6

Kaaŋɔ nɔ ko ofata ewiemɔi lɛ ahe, kɛjeee nakai lɛ, eeekã ohiɛ, ni oootsɔ̃ amalelɔ.”

Jajelɔ 12:13

Sane tso muu lɛ ni onu lɛ fɛɛ naagbee nɛ. She Nyɔŋmɔ gbeyei, ni oye ekitãi lɛ anɔ, ejaakɛ enɛ ji nitsumɔ kwraa ni gbɔmɔ yɔɔ tsumɔ.

Jajelɔ 5:6

Kaaŋmɛ onaabu gbɛ ni ehã ofee esha; ni kaakɛɛ yɛ bɔfo lɛ hiɛ akɛ onaa ni etɛ shi. Mɛni hewɔ esa akɛ Nyɔŋmɔ mli afu yɛ owiemɔ hewɔ ni efite oninenaa nitsumɔ lɛ?

Jajelɔ 5:7

Kɛji lamɔi fa pɛ, wiemɔi hu efa; shi bo lɛ oshe Nyɔŋmɔ gbeyei.

Jajelɔ 7:18

Ehi akɛ omɔɔ enɛ mli, ni kaajie onine yɛ he; ejaakɛ mɔ ni sheɔ Nyɔŋmɔ lɛ ebaaje fɛɛ mli shweshweeshwe.

Yesaia 46:10

Mi, mijɛ shishijee lɛ mli ni mitsɔ̃ɔ naagbee mli nibii ni baaba; Mi, mijɛ blema beebe mitsɔ̃ɔ nibii ni anako afee tete. Mi, mikɛɔ akɛ; ‘Miyiŋtoi aaaba mli, ni mibafee nibii fɛɛ ni yɔɔ miyiŋ.’

Daniel 8:8

Kɛkɛ ni too kpakpo nɛɛ bɔ̃i ehenɔwomɔ, ejaakɛ esusu akɛ eje agbo. Shi be ni ehe kɛɛ ewaa kwraa lɛ, aku eklonto agbo lɛ. Kɛkɛ ni aklontoi ejwɛ krokomɛi je kpo faŋŋ yɛ aklonto agbo kome lɛ najiaŋ ni amɛmiikwɛ jeŋ koji ejwɛ lɛ fɛɛ.

Bɔfoi 2:23

Yesu nɛɛ ni ajie lɛ yɛ Nyɔŋmɔ yiŋtoo kɛ enii ni ele eto lɛ naa ahã lɛ, nyɛtsɔ̃ mɛi ni bɛ mla lɛ anine nɔ nyɛsɛŋ lɛ ni nyɛgbe lɛ.

Bɔfoi 4:28

koni amɛfee nii abɔ ni onine kɛ oyiŋtoo lɛ eto efɔ shi akɛ afee lɛ.

Bɔfoi 5:39

shi kɛ Nyɔŋmɔ dɛŋ ejɛ lɛ, nyɛnyɛŋ lɛ nyɛfite, koni nyɛkabafee nyɛhe tamɔ mɛi ni kɛ Nyɔŋmɔ wuɔ.”

Romabii 11:36

Ejaakɛ edɛŋ nii fɛɛ jɛ, ni enɔ amɛtsɔ̃ kɛba, ni lɛ nɔŋŋ amɛyɔɔ amɛhã. Lɛ aaaŋɔ anunyam ahã kɛya naanɔ. Amen!

Efesobii 3:11

Nyɔŋmɔ fee nii nɛɛ yɛ enaanɔ yiŋ ni eto yɛ Kristo Yesu, wɔNuŋtsɔ lɛ, mli lɛ naa.

5 Mose 32:4

“Tɛsaa ji lɛ, enitsumɔ hi pɛpɛɛpɛ, ejaakɛ nibii fɛɛ ni efeɔ lɛ ja. Nyɔŋmɔ anɔkwafo ji lɛ; nɔ sha ko bɛ ehe; jalɔ kɛ anɔkwafo ji lɛ.

Tito 1:2

ni amɛna naanɔ wala lɛ hiɛnɔkãmɔ. Naanɔ wala nɛɛ Nyɔŋmɔ wo he shi dani abɔ je lɛ.

Yakobo 1:17

Dromɔnii kpakpai fɛɛ kɛ nikeenii ni hi kɛwula shi fɛɛ lɛ; ŋwɛi ejɛɔ ekpelekeɔ shi, kɛjɛɔ ŋwɛi lai aTsɛ lɛ ŋɔɔ, mɔ mli ni tsakemɔ loo duŋ ni tsakemɔ kɛbaa bɛ lɛ.

Kpojiemɔ 15:4

Namɔ po sheŋ bo gbeyei, Nuŋtsɔ, ni ewoŋ ogbɛ́i lɛ hiɛ nyam? Ejaakɛ bo okometoo ji Mɔ krɔŋkrɔŋ; ejaakɛ jeŋmaji lɛ fɛɛ aaaba ni amɛbaja yɛ ohiɛ, ejaakɛ ajie ojalɛ nitsumɔi lɛ ashi faŋŋ.”