Jajelɔ 3:13 - ŊMALƐ KRƆŊKRƆŊ LƐ

¹³ asaŋ akɛ Nyɔŋmɔ dɛŋ jɔɔmɔ ji akɛ mɔ fɛɛ mɔ aye, ni enu, ni ena deŋme ni egboɔ lɛ he miishɛɛ.

Ṅmãle̱ Kroṅkroṅ Le̱

¹³ Ni asaṅ miyo ake̱, ké̱ gbomo-fẽ-gbomo aaye ni enu, ni eye nii kpakpai amli ṅõmo̱ ye̱ edeṅmegbomo̱ fẽ mli le̱, Nyoṅmo̱ nikēnii ni.

Jajelɔ 3:13 ပူးပေါင်းရင်းမြစ်များ

Lalai 128:2

Oooye oninenaa nitsumɔ mli nii, omii aaashɛ, ni aaahi ahã bo!

Lalai 34:12

Namɔ taoɔ akɛ eyi ana wala? Namɔ sumɔɔ akɛ etsɛ yɛ jeŋ ni ena nɔ kpakpa?

Jajelɔ 2:24

Nɔ ko bɛ hã gbɔmɔ adesa fe akɛ nii ni egbo he deŋme ni ena lɛ, eye eko, ni enu eko, ni ena ehe miishɛɛ. Enɛ hu mina akɛ Nyɔŋmɔ dɛŋ ejɛ,

Jajelɔ 2:3

Mikɛ mijwɛŋmɔ tao mli mikwɛ akɛ wain baahã mana miishɛɛ lo? Asaŋ mikɛ jwɛŋmɔ kɛ nilee tao mli bɔ ni mafee mamɔ buulufeemɔ koŋ mli kɛdamɔ shi kɛyashi beyinɔ ni mana nɔ ni hi hã gbɔmɛi abii akɛ amɛfee yɛ jeŋ, yɛ amɛwala be kukuoo lɛ mli.

Jajelɔ 6:2

Mɔ ko hiɔ shi, ni Nyɔŋmɔ hãa enaa shika kɛ nii kɛ anunyam bɔ ni nɔ ko bɛ ni eshweɔ ni enaaa; shi kɛ̃lɛ edurooo lɛ hewalɛ ni ekɛye eninamɔ lɛ mli ŋɔɔmɔ; shi moŋ mɔkpɔŋ ji mɔ ni bayeɔ eninamɔ lɛ mli ŋɔɔmɔ lɛ. Enɛ lɛ yakanii ni, ni eji hejaramɔ sane kpele.

Jajelɔ 8:15

Kɛkɛ ni mikafo miishɛɛ ejaakɛ nɔ kpakpa ko bɛ hã gbɔmɔ yɛ hulu shishi nɛɛ, fe akɛ eye nii ni enu nɔ ko, ni ena miishɛɛ. Eeenyɛ ekã he efee enɛ be mli ni eyɔɔ wala ni Nyɔŋmɔ ehã lɛ yɛ je nɛɛŋ.

Jajelɔ 9:7

Yaa nɔ oye oboloo kɛ miishɛɛ, ni onu owain hu kɛ mliflimɔ, ejaakɛ Nyɔŋmɔ ejɔɔ nɔ ni ofeɔ lɛ nɔ momo.

5 Mose 12:7

Nyɛyea nii lɛ yɛ Yehowa, nyɛNyɔŋmɔ lɛ hiɛ yɛ jɛi, koni nyɛ kɛ nyɛshĩaŋbii fɛɛ amii ashɛ nyɛhe yɛ nyɛninenaa nitsumɔ nii ni Yehowa, nyɛNyɔŋmɔ lɛ, ejɔɔ nɔ lɛ hewɔ.

5 Mose 26:11

Onya nibii kpakpai fɛɛ ni Yehowa, oNyɔŋmɔ lɛ, eduro bo lɛ he, bo kɛ owe lɛ mli bii kɛ Levibii kɛ gbɔi ni kɛ bo yɔɔ lɛ.