Jajelɔ 3:11 - ŊMALƐ KRƆŊKRƆŊ LƐ

¹¹ Ehãa nɔ fɛɛ nɔ feɔ akɔnɔ yɛ ebe mli, asaŋ ekɛ naanɔ he susumɔ ewo adesa mli, kɛ̃lɛ adesa nyɛŋ ena ele nɔ ni Nyɔŋmɔ etsu kɛjɛ jeŋ shishitoo kɛyaagbee naanɔ.

Ṅmãle̱ Kroṅkroṅ Le̱

¹¹ Efeo̱ nofẽno fe̱fe̱o ye̱ ebe mli, asaṅ eṅõ nāno̱ hũ ewo ame̱tšui mli; na ke̱ke̱ gbomo enaa nitšumo̱ ní Nyoṅmo̱ tšuo̱ ke̱-dše̱o̱ šišidšē ke̱-yaä nāgbee le̱. 8,17.

Jajelɔ 3:11 ပူးပေါင်းရင်းမြစ်များ

1 Mose 1:31

Kɛkɛ ni Nyɔŋmɔ kwɛ nibii ni efee lɛ fɛɛ, ni naa, ehi naakpa. Ni je na ni je tsɛre; ni no fee gbi ni ji ekpaa.

Hiob 11:7

Ani ooonyɛ ona Nyɔŋmɔ teemɔŋ nibii anaa? Ani ooonyɛ ole he ni Ofe lɛ hewalɛ yatãa?

Hiob 37:23

Ofe lɛ, wɔnyɛŋ lɛ wɔna; ehewalɛ da, ni eyeɔ jalɛ sane; ekpaŋ jalɛ saneyeli.

Hiob 5:9

lɛ mɔ ni efeɔ nibii wuji ni anaaa naa, kɛ naakpɛɛ nibii hu ni ehiii kanemɔ lɛ.

Lalai 104:24

Oo Yehowa, onitsumɔi lɛ fa naakpa, fɛɛ jɛ onilee mli. Shikpɔŋ lɛ nɔ eyi tɔ kɛ onibɔɔnii sɔŋŋ.

Abe̱i 16:4

Nɔ fɛɛ nɔ ni Yehowa fee lɛ, eyɛ nɔ hewɔ ni efee; gbi fɔŋ tete lɛ, ekã shi ehã mɔ fɔŋ.

Jajelɔ 1:13

Mikɛma mihiɛ akɛ mikɛ nilee baagbugbuu shi, kɛtao nɔ fɛɛ nɔ ni afeɔ yɛ jeŋ; ni naa, eko fɛɛ eko lɛ yakanii ni.

Jajelɔ 11:5

Bɔ ni onyɛŋ ole bɔ ni feɔ ni mumɔ baa bi ni yɔɔ yoohɔlɔ musuŋ lɛ, nakai nɔŋŋ onyɛŋ ole bɔ ni Nyɔŋmɔ tsɔ̃ɔ tsuɔ enii fɛɛ.

Jajelɔ 7:13

Susumɔ Nyɔŋmɔ nitsumɔ he. Namɔ baanyɛ ejaje nɔ ni Nyɔŋmɔ diɛŋtsɛ ekɔ̃dɔ̃ lɛ.

Jajelɔ 7:23

Mikɛ nilee eka enɛɛmɛi fɛɛ mikwɛ. Mitswa fai shi akɛ male nii; shi miyanyɛɛɛ.

Jajelɔ 7:29

Naa, nɔ ni kɛkɛ ni mina ji akɛ Nyɔŋmɔ bɔ gbɔmɔ adesa koni ehi shi krɔŋŋ; shi gbɔmɔ adesa ni eto ŋai srɔtoi.

Jajelɔ 8:17

mina mile Nyɔŋmɔ dɛŋ nitsumɔi fɛɛ; shi mina akɛ bɔ fɛɛ bɔ ni gbɔmɔ baagba ehe naa ehã lɛ, enuŋ nii ni yaa nɔ yɛ je nɛɛ mli lɛ shishi kɔkɔɔkɔ. Tsɛbelɛ nilelɔ aaakɛɛ akɛ ena ele nii fɛɛ nɛ, shi anɔkwale ji akɛ enyɛŋ ele nɔ fɛɛ nɔ.

Mateo 11:27

MiTsɛ etu nii fɛɛ ewo midɛŋ; ni mɔ ko mɔ ko leee Bi lɛ, akɛ ja Tsɛ lɛ kɛkɛ, asaŋ Tsɛ lɛ hu, mɔ ko mɔ ko leee lɛ, akɛ ja Bi lɛ, kɛ mɔ ni Bi lɛ sumɔɔ akɛ ejieɔ lɛ kpo etsɔ̃ɔ lɛ lɛ.”

Mateo 13:22

Ni ŋmei ateŋ he ni adu wu lɛ yɛ lɛ ji mɔ ni nuɔ wiemɔ lɛ, ni je nɛɛŋ henaagbamɔ kɛ nii pii ahe lakamɔ lɛ gbeɔ wiemɔ lɛ, ni ewooo yibii.

Marko 7:37

Ni amɛhe jɔ̃ amɛhe babaoo diɛŋtsɛ ni amɛkɛɛ, “Efee nii fɛɛ jogbaŋŋ! Ehãa toimulɔi nuɔ nii, ni mumuii hu wieɔ.”

Romabii 1:28

Ni akɛni amɛbuuu akɛ esa akɛ amɛleɔ Nyɔŋmɔ lɛ, Nyɔŋmɔ hu ŋmɛɛ amɛhe ehã jwɛŋmɔ ni esaaa koni amɛfee nibii ni esaaa;

Romabii 11:33

Ao, Nyɔŋmɔ nifalɛ kɛ ŋaa kɛ nilee mlikwɔlɛ! Ekojomɔi lɛ anyɛɛɛ shishi ana, ni egbɛi lɛ hu anyɛɛɛ sɛɛ mo aja!

5 Mose 32:4

“Tɛsaa ji lɛ, enitsumɔ hi pɛpɛɛpɛ, ejaakɛ nibii fɛɛ ni efeɔ lɛ ja. Nyɔŋmɔ anɔkwafo ji lɛ; nɔ sha ko bɛ ehe; jalɔ kɛ anɔkwafo ji lɛ.