Jajelɔ 2:8 - ŊMALƐ KRƆŊKRƆŊ LƐ

⁸ Mibua shika kɛ jwiɛtɛi kɛ mishishi maŋtsɛmɛi kɛ shikpɔji anɔ bii adɛŋ jwetri naa mihã mihe. Mina hii lalɔi kɛ yei lalɔi fɛɛ ni laa kɛjieɔ mihiɛtserɛ; ni miyɛ nuu tsuinaa nii ni ji shieŋnyɛmɛi babaoo hu.

Ṅmãle̱ Kroṅkroṅ Le̱

⁸ mibua dſie̱te̱i ke̱ šika hũ nā mihã mihe, ke̱ maṅtše̱mei ke̱ šikpõdši ano̱ dſetrii; miná hĩĩ lalo̱i ke̱ yei lalo̱i, ke̱ gbomei abii atšuinānii: ṅã ke̱ ṅãmei.

Jajelɔ 2:8 ပူးပေါင်းရင်းမြစ်များ

2 Samuel 19:35

Afii nyɔŋmai kpaanyɔ miye nɛɛ, ni amrɔ nɛɛ nɔ ko efeee mi akɔnɔ dɔŋŋ. Nii diɛŋtsɛ po ni miyeɔ jio aloo nii ni minuɔ jio, minuuu ŋɔɔmɔ ko he dɔŋŋ; ni kɛji nuu loo yoo miila po, minuuu kwraa. Jatsu moŋ miyatsɔ̃ mahã minuŋtsɔ maŋtsɛ.

1 Maŋtsɛmɛi 10:10

Agbɛnɛ Sheba Maŋnyɛ lɛ hã Maŋtsɛ Solomon shika ŋmiiŋmi ni tsiimɔ ji talentai oha kɛ nyɔŋmai enyɔ, kɛ tsofaikɛŋma pii diɛŋtsɛ kɛ tɛi ni jara wa. Kɛjɛ nomɛi asɛɛ lɛ akɛ tsofaikɛŋma lɛ eko bako dɔŋŋ ni fa babaoo tamɔ nɔ ni Sheba Maŋnyɛ lɛ kɛbahã Maŋtsɛ Solomon lɛ.

1 Maŋtsɛmɛi 10:14

Agbɛnɛ afi kome mli lɛ shika ni akɛbahã Maŋtsɛ Solomon lɛ tsiimɔ ji talentai ohai ekpaa kɛ nyɔŋmai ekpaa kɛ ekpaa.

1 Maŋtsɛmɛi 10:21

Maŋtsɛ Solomon kpuji fɛɛ ni ekɛnuɔ nii lɛ, shika sɔŋŋ akɛfee; ni nibii fɛɛ ni yɔɔ Lebanon Koo Asa lɛ nɔ lɛ, shika ŋmiiŋmi ni; jwiɛtɛi bɛ mli ejaakɛ abuuu no fɛifɛi yɛ Solomon bei amli.

1 Maŋtsɛmɛi 11:3

Maŋtsɛ Solomon kpee maŋtsɛmɛi abiyei ohai kpawo ni eto hemɛi ohai etɛ̃. Ni nɛkɛ maŋsɛɛ yei nɛɛ hã ekpa yɛ Israel Nyɔŋmɔ lɛ sɛɛ.

1 Maŋtsɛmɛi 14:27

No hewɔ lɛ, Maŋtsɛ Rehoboam hã afee akɔɔble tsɛŋi eto najiaŋ, ni etu fɛɛ ewo bulɔi ni buɔ maŋtsɛwe lɛ agbo lɛ naa lɛ asafoiatsɛmɛi lɛ adɛŋ.

1 Maŋtsɛmɛi 9:14

Shi Hiram emaje Maŋtsɛ Solomon shika ŋmiiŋmi ni tsiimɔ ji talentai oha kɛ nyɔŋmai enyɔ.

1 Maŋtsɛmɛi 9:28

Amɛtee Ofir shikpɔŋ lɛ nɔ, ni amɛyaŋɔ shika ni tsiimɔ ji talentai ohai ejwɛ kɛ nyɔŋmai enyɔ ni amɛkɛbahã Maŋtsɛ Solomon.

1 Kronika 25:1

Maŋtsɛ David kɛ Levibii lɛ ateiaŋ lumɛi lɛ hala mɛi komɛi yɛ Asafbii lɛ kɛ Hemanbii lɛ kɛ Yedutunbii lɛ ateŋ, ni amɛto amɛ akɛ amɛ amɛgba kɛji aaja, shi nakai be mli nɔŋŋ lɛ amɛmiitswa obenta kɛ saŋkui kɛ ŋmɛji, ni amɛmiikpã bɛji hu. Mɛi ni ahala kɛ nitsumɔi hu ni ahã amɛ lɛ baa nɛɛ.

1 Kronika 25:6

Heman bii nɛɛ fɛɛ yɛ lɛ eshishi, ni amɛtswaa ŋmɛji kɛ obentai yɛ Yehowa we amɛkɛwaa jamɔ lɛ yɛ Nyɔŋmɔ We lɛ mli. Shi Asaf kɛ Yedutun kɛ Heman lɛ, amɛ fɛɛ amɛyɛ maŋtsɛ lɛ shishi.

2 Kronika 9:11

Ni Maŋtsɛ Solomon kɛ tso lɛ fee atrakpoi yɛ Yehowa Sɔlemɔtsu lɛ mli kɛ maŋtsɛ we lɛ hu mli. Akɛ eko hu fee saŋkui kɛ obentai akɛhã lalɔi lɛ. Anako nibii nɛɛ ahenɔ yɛ Yuda shikpɔŋ lɛ nɔ dã.

Ezra 2:65

Esoro amɛtsuji hii kɛ amɛweyei. Mɛnɛɛmɛi hu anaa shiɔ akpei kpawo kɛ ohai etɛ̃ kɛ nyɔŋmai etɛ̃ kɛ kpawo. Amɛhiɛ hii lalatsɛmɛi kɛ yei lalatsɛmɛi ohai enyɔ,

Jajelɔ 1:2

“Yakanii amli yakanɔ!” Tsɔɔlɔ lɛ kɛɛ, “Yakanii amli yakanɔ! Fɛɛ lɛ yakanii ni.”

Daniel 3:15

Agbɛnɛ kɛji nyɛfee kralo nyɛto akɛ kɛji nyɛnu koofɛŋ lɛ kɛ blɛ kɛ saŋku kɛ kete kɛ obenta kɛ lalai srɔtoi lɛ agbɛɛmɔ lɛ, nyɛaaho nyɛkula shi, ni nyɛja amãgã ni mifee lɛ, belɛ no lɛ sane etã. Shi kɛji nyɛjaaa lɛ lɛ, amrɔ lɛ nɔŋŋ lɛ abaashɛrɛ nyɛ ashwie flɔnɔɔ kɛ emli la ni miitso grigri lɛ mli! Mɛɛ nyɔŋmɔ nyɛsusuɔ akɛ aaanyɛ nyɛyiwala ahere yɛ mi midɛŋ?”

Daniel 3:5

nyɛbaanu tɛtɛrɛmantɛrɛ gbɛɛmɔ he, kɛkɛ lɛ koofɛŋ kɛ saŋku kɛ kete kɛ obenta kɛ bɛji kɛ lalai srɔtoi baagbɛɛ kɛnyiɛ sɛɛ. Lalai lɛ he ni nyɛaanu nɔŋŋ lɛ, nyɛkulaa shi nyɛjaa amãgã lɛ ni Maŋtsɛ Nebukadnezar efee ema shi lɛ.

Daniel 3:7

No hewɔ lɛ, amrɔ pɛ ni asafo lɛ fɛɛ nu koofɛŋ kɛ saŋku kɛ kete kɛ obenta kɛ bɛji kɛ lalai srɔtoi lɛ agbɛɛmɔ lɛ, amɛho amɛkula shi, ni amɛja shika amãgã ni Maŋtsɛ Nebukadnezar kɛma shi lɛ.

Amos 6:5

Mɛi ni kɛ saŋku laa yakayaka lalai, ni amɛsɔ̃ɔ saŋkui tamɔ David nɔ lɛ amɛhãa amɛhe.