Jajelɔ 2:3 - ŊMALƐ KRƆŊKRƆŊ LƐ

³ Mikɛ mijwɛŋmɔ tao mli mikwɛ akɛ wain baahã mana miishɛɛ lo? Asaŋ mikɛ jwɛŋmɔ kɛ nilee tao mli bɔ ni mafee mamɔ buulufeemɔ koŋ mli kɛdamɔ shi kɛyashi beyinɔ ni mana nɔ ni hi hã gbɔmɛi abii akɛ amɛfee yɛ jeŋ, yɛ amɛwala be kukuoo lɛ mli.

Ṅmãle̱ Kroṅkroṅ Le̱

³ Mitao mli ye̱ mitšui mli ake̱ *mike̱ wein aahã mihelo aná mīše̱, ní mitšui ke̱ nilē atšõmi gbe̱, ní mamõ kolofemo̱ hũ mli, ke̱-yaši beyino̱ ní mana noni hĩ hã gbomei abii ake̱ ame̱afe ye̱ ṅwei šiši ye̱ ame̱wala gbĩĩ abo̱ fẽ mli. Abe̱i 31,4.

Jajelɔ 2:3 ပူးပေါင်းရင်းမြစ်များ

1 Mose 47:9

Ni Yakob hã hetoo akɛ, “Afii abɔ ni miye yɛ jeŋ shihilɛ mli ji afii oha kɛ nyɔŋmai etɛ̃. Mifii lɛ faaa ko moŋ nɛ, shi hejaramɔ ji nɔ ni yɔɔ amɛmli. Eshɛɛɛ wala afii babaoo ni mitsɛmɛi lɛ ye yɛ je nɛɛ mli lɛ.”

Hiob 14:14

Kɛji gbɔmɔ gbo lɛ, ehiɛ aaakã ekoŋŋ? Mibato mitsui shi mamɛ yɛ misɔ̃ɔmɔ be lɛ mli kɛyaashi be aaashɛ ni aaaŋmɛ̃ɛ mihe.

Lalai 104:15

kɛ wain ni hãa adesa tsui nyɔɔ emli, kɛ mu ni hãa gbɔmɔ hiɛ kpɛɔ; kɛ aboloo ni hãa gbɔmɔ adesa hewalɛ lɛ.

Abe̱i 20:1

Wain lɛ hefɛoyelɔ ni, ni dãa ni wa lɛ hoofeelɔ ni; ni mɔ fɛɛ mɔ ni dãa hãa eduɔ gbɛ lɛ, eleee nii.

Jajelɔ 1:17

Mikɛma mihiɛ akɛ mibatao male nɔ ni ji nilee kɛ nɔ ni ji sɛkɛyeli kɛ nɔ ni ji kwashiafeemɔ fɛɛ.

Jajelɔ 10:19

Ŋmaa hãa mɔ miishɛɛ, ni wain hãa mɔ mli filiɔ lɛ, shi eko fɛɛ eko lɛ shika akɛfeɔ.

Jajelɔ 12:13

Sane tso muu lɛ ni onu lɛ fɛɛ naagbee nɛ. She Nyɔŋmɔ gbeyei, ni oye ekitãi lɛ anɔ, ejaakɛ enɛ ji nitsumɔ kwraa ni gbɔmɔ yɔɔ tsumɔ.

Jajelɔ 2:24

Nɔ ko bɛ hã gbɔmɔ adesa fe akɛ nii ni egbo he deŋme ni ena lɛ, eye eko, ni enu eko, ni ena ehe miishɛɛ. Enɛ hu mina akɛ Nyɔŋmɔ dɛŋ ejɛ,

Jajelɔ 5:18

Naa, nɔ ni mikpa shi mina akɛ ehi, ni esa hã gbɔmɔ adesa feemɔ ji akɛ eye, ni enu; ni deŋme fɛɛ ni egboɔ yɛ ewala kukuoo ni Nyɔŋmɔ ehã lɛ yɛ je nɛɛ mli lɛ, eye emli ŋɔɔmɔ koni ena miishɛɛ, ejaakɛ no ji egbɛfaŋ nɔ.

Jajelɔ 6:12

Namɔ le nɔ ni hi hã gbɔmɔ adesa ni eyɔɔ yaka wala be kukuoo nɛɛ ni hoɔ tamɔ lamɔ nɛɛ mli? Ni namɔ baanyɛ egba gbɔmɔ nɔ ni baaba jeŋ yɛ egbele sɛɛ?

Jajelɔ 7:18

Ehi akɛ omɔɔ enɛ mli, ni kaajie onine yɛ he; ejaakɛ mɔ ni sheɔ Nyɔŋmɔ lɛ ebaaje fɛɛ mli shweshweeshwe.

Jajelɔ 7:25

Mikɛ mijwɛŋmɔ fɔ̃ nɔ akɛ mibagbɛlɛ shi matao nilee kɛ nɔ fɛɛ nɔ mli. Mitao akɛ male yitsoŋwalɛ ni yɔɔ buulufeemɔ mli, kɛ bɔ ni buulufeemɔ lɛ sɛkɛyeli ni.

Jajelɔ 8:15

Kɛkɛ ni mikafo miishɛɛ ejaakɛ nɔ kpakpa ko bɛ hã gbɔmɔ yɛ hulu shishi nɛɛ, fe akɛ eye nii ni enu nɔ ko, ni ena miishɛɛ. Eeenyɛ ekã he efee enɛ be mli ni eyɔɔ wala ni Nyɔŋmɔ ehã lɛ yɛ je nɛɛŋ.

Mateo 6:24

“Mɔ ko nyɛŋ nuŋtsɔmɛi enyɔ asɔ̃mɔ; ejaakɛ no lɛ eeenyɛ mɔ kome ni eeesumɔ mɔ kroko lɛ; aloo eeekpɛtɛ mɔ kome he, ni eeebu mɔ kroko lɛ akɛ ejeee mɔ ko. Nyɛnyɛŋ Nyɔŋmɔ kɛ mamona (ninamɔ) nyɛsɔ̃mɔ.

Efesobii 5:18

Ni nyɛkatɔrɔa dãa, nɔ mli ni yakayaka jeŋba yɔɔ lɛ, shi moŋ nyɛyimɔa obɔ̃ kɛ Mumɔ lɛ,

Kojolɔi 9:13

Shi waintso kɛɛ amɛ akɛ, ‘Ani mihã midãa ni shɛjeɔ nyɔŋmɔi kɛ gbɔmɛi amii lɛ abɔ mi, ni mayaye tsei anɔ lo?’

1 Samuel 25:36

Be ni Abigail ku esɛɛ ni eshɛɔ shĩa lɛ Nabal eŋmɛ okplɔ̃ yɛ ewe lɛ mli tamɔ maŋtsɛ. Nabal mii eshɛ ehe fe nine, ni etɔ dãa kpɔtɔɔ. No hewɔ lɛ, Abigail ebɔɔɔ lɛ amaniɛ ko kɛyashi je tsɛre nɔ leebi,