Jajelɔ 2:24 - ŊMALƐ KRƆŊKRƆŊ LƐ

²⁴ Nɔ ko bɛ hã gbɔmɔ adesa fe akɛ nii ni egbo he deŋme ni ena lɛ, eye eko, ni enu eko, ni ena ehe miishɛɛ. Enɛ hu mina akɛ Nyɔŋmɔ dɛŋ ejɛ,

Ṅmãle̱ Kroṅkroṅ Le̱

²⁴ Nõkpakpa ko be̱ hã gbomo *fè ene̱, ake̱ eye ni enu, ni ehã esusuma aye nii kpakpai amli ṅõmo̱ ye̱ edeṅmegbomo̱ le̱ mli. Ene̱ hũ mina, ake̱ Nyoṅmo̱ deṅ edše̱. *3,12. 22. 6,17. 8,15. 9,7.

Jajelɔ 2:24 ပူးပေါင်းရင်းမြစ်များ

1 Maŋtsɛmɛi 4:20

Yuda kɛ Israel yi fa babaoo diɛŋtsɛ tamɔ ŋshɔnaa shia. Amɛyeyeɔ nii, ni amɛnunuɔ dãi, ni amɛmii shɛɔ amɛhe.

Nehemia 8:10

Ezra kɛɛ amɛ akɛ, “Nyɛyaa ni nyɛyayea nii ni hi naakpa, ni nyɛnua wain ni ŋɔɔ dɔkɔdɔkɔ. Ni nyɛkɛ eko amajea mɛi ni afeko nɔ ko atoko amɛ lɛ, ejaakɛ ŋmɛnɛ gbi nɛɛ lɛ gbi krɔŋkrɔŋ ni hã wɔNuŋtsɔ lɛ. No hewɔ hu lɛ nyɛwerɛ akahoa nyɛhe, ejaakɛ Yehowa he nyamɔ lɛ ji nɔ ni baawo nyɛ hewalɛ.”

Jajelɔ 2:10

Nɔ fɛɛ nɔ ni fee mi akɔnɔ lɛ, mikamaaa mihe. Mitsiii mihe naa yɛ miishɛɛ ko miishɛɛ ko gbɛfaŋ, ejaakɛ mina nibii fɛɛ ni migbo amɛhe deŋme lɛ ahe miishɛɛ. Deŋme ni migbo lɛ he sɛɛnamɔ ji no.

Jajelɔ 2:25

ejaakɛ namɔ ji mɔ ni baanyɛ eye nii aloo ena miishɛɛ ko kɛji Nyɔŋmɔ nine bɛ mli?

Jajelɔ 2:3

Mikɛ mijwɛŋmɔ tao mli mikwɛ akɛ wain baahã mana miishɛɛ lo? Asaŋ mikɛ jwɛŋmɔ kɛ nilee tao mli bɔ ni mafee mamɔ buulufeemɔ koŋ mli kɛdamɔ shi kɛyashi beyinɔ ni mana nɔ ni hi hã gbɔmɛi abii akɛ amɛfee yɛ jeŋ, yɛ amɛwala be kukuoo lɛ mli.

Jajelɔ 3:22

No hewɔ lɛ, miyoo akɛ nɔ ko ehiii fe enɛ akɛ gbɔmɔ aye enitsumɔ mli ŋɔɔmɔ lɛ eko, ejaakɛ no ji egbɛfaŋ nɔ. Namɔ baanyɛ ekɛ adesa aku sɛɛ kɛba jeŋ koni ebana nɔ ni yaa nɔ yɛ egbele sɛɛ?

Jajelɔ 5:17

ni ewala gbii fɛɛ amli lɛ, ehi duŋ kɛ awerɛho kɛ mlila kpele kɛ hela mli, ni jeŋshihilɛ je etsine?

Jajelɔ 6:12

Namɔ le nɔ ni hi hã gbɔmɔ adesa ni eyɔɔ yaka wala be kukuoo nɛɛ ni hoɔ tamɔ lamɔ nɛɛ mli? Ni namɔ baanyɛ egba gbɔmɔ nɔ ni baaba jeŋ yɛ egbele sɛɛ?

Jajelɔ 6:2

Mɔ ko hiɔ shi, ni Nyɔŋmɔ hãa enaa shika kɛ nii kɛ anunyam bɔ ni nɔ ko bɛ ni eshweɔ ni enaaa; shi kɛ̃lɛ edurooo lɛ hewalɛ ni ekɛye eninamɔ lɛ mli ŋɔɔmɔ; shi moŋ mɔkpɔŋ ji mɔ ni bayeɔ eninamɔ lɛ mli ŋɔɔmɔ lɛ. Enɛ lɛ yakanii ni, ni eji hejaramɔ sane kpele.

Jajelɔ 8:15

Kɛkɛ ni mikafo miishɛɛ ejaakɛ nɔ kpakpa ko bɛ hã gbɔmɔ yɛ hulu shishi nɛɛ, fe akɛ eye nii ni enu nɔ ko, ni ena miishɛɛ. Eeenyɛ ekã he efee enɛ be mli ni eyɔɔ wala ni Nyɔŋmɔ ehã lɛ yɛ je nɛɛŋ.

Yesaia 56:12

Amɛkɛɔ akɛ, “Nyɛbaa, nyɛhaa wɔwoa wain wɔmaa shi ni wɔnua bɔ ni wɔɔnyɛ. Wɔ hu baatamɔ ŋmɛnɛ, ni eeeteke nɔ po.”

Maleaki 2:2

Kɛji nyɛbooo wiemɔ nɛɛ toi ni nyɛkɛaato nyɛtsui mli, bɔ ni afee ni nyɛkɛ nyɛjeŋba awo migbɛi hiɛ nyam lɛ, no lɛ mibalomɔ nyɛ; mibalomɔ nibii ni ahãa nyɛ ni nyɛkɛkwɛɔ nyɛhe lɛ fɛɛ. Anɔkwale mli lɛ, milomɔ nibii nɛɛ momo ejaakɛ nyɛbuuu mikitã lɛ.

Bɔfoi 14:17

Shi kɛ̃lɛ efɔɔɔ lɛ diɛŋtsɛ ehe odaseyeli, shi moŋ efeɔ ejurɔ ni ehãa nu jɛɔ ŋwɛi nɛɔ hãa nyɛ, kɛ bei ni nii baa pii hu, ni ehãa nyɛtɔrɔɔ, ni miishɛɛ yiɔ nyɛtsuiiaŋ obɔ̃bɔ̃.”

1 Korintobii 15:32

Kɛ, tamɔ bɔ ni akɛɔ lɛ, mikɛ “kooloi awuyelɔi” wu yɛ Efeso lɛ, no lɛ mɛɛ sɛɛ minaa? Kɛ gbohii eteee shi lɛ, “Nyɛhãa wɔyea nii ni wɔnua nii, ejaakɛ wɔ́ lɛ wɔbaagboi!”

5 Mose 12:12

Nyɛmii ashɛa nyɛhe yɛ Yehowa, nyɛNyɔŋmɔ lɛ hiɛ, nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii hu ni yɔɔ nyɛmaji lɛ amli lɛ. Ejaakɛ amɛ lɛ agbaŋ shikpɔŋ lɛ eko ahaŋ amɛ yɛ nyɛteŋ.

5 Mose 12:18

He pɛ ni nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii ni yɔɔ nyɛmaji lɛ amli lɛ aye afɔlei lɛ yɛ kɛkɛ ji Yehowa hiɛ, yɛ he ni lɛ Yehowa, nyɛNyɔŋmɔ lɛ, diɛŋtsɛ eŋɔ akɛ aja lɛ yɛ lɛ. Nyɛmii ashɛa nyɛhe yɛ Yehowa nyɛNyɔŋmɔ lɛ hiɛ, yɛ nitsumɔ fɛɛ nitsumɔ ni nyɛaatsu lɛ hewɔ.

1 Timoteo 6:17

Niiatsɛmɛi ni yɔɔ je nɛɛŋ lɛ, wo amɛ kitã ni amɛkabu amɛhe tsɔ̃, ni amɛkɛ amɛhiɛ akafɔ̃ ninamɔ ni anyɛ̃ɛɛ akɛ he afɔ̃ nɔ lɛ nɔ, shi moŋ amɛkɛfɔ̃ Nyɔŋmɔ, mɔ hu ni kɛ nibii fɛɛ hãa wɔ babaoo, akɛ wɔye mliŋɔɔmɔ lɛ nɔ.