Jajelɔ 2:23 - ŊMALƐ KRƆŊKRƆŊ LƐ

²³ Ejaakɛ ewala gbii fɛɛ lɛ piŋmɔ ni, ni enitsumɔ fɛɛ lɛ mlifu sɔŋŋ tɔ, ni nyɔɔŋnyɔɔŋ fɛɛ tete ewɔɔɔ kɛ jwɛŋmɔ sɔŋŋ. Enɛ hu yakanii ni.

Ṅmãle̱ Kroṅkroṅ Le̱

²³ Edšake̱ egbĩĩ le̱ fẽ le̱ aw̌ere̱hō soṅṅ ni, ni ehenāgbamo̱ le̱ nko̱moyeli ni; asaṅ nyōṅ tete le̱ etšui enyõõ emli. Ene̱ hũ yakayakanoko ni!

Jajelɔ 2:23 ပူးပေါင်းရင်းမြစ်များ

1 Mose 3:17

Ni Adam lɛ, ekɛɛ lɛ akɛ, “Akɛni obo oŋa lɛ toi ni oye tso lɛ ni miwo bo he kitã akɛ okaye eyibii lɛ eko lɛ hewɔ lɛ, alomɔ shikpɔŋ sũ yɛ ohewɔ. Hejaramɔ okɛaana enɔ nii oye owala gbii abɔ fɛɛ.

1 Mose 47:9

Ni Yakob hã hetoo akɛ, “Afii abɔ ni miye yɛ jeŋ shihilɛ mli ji afii oha kɛ nyɔŋmai etɛ̃. Mifii lɛ faaa ko moŋ nɛ, shi hejaramɔ ji nɔ ni yɔɔ amɛmli. Eshɛɛɛ wala afii babaoo ni mitsɛmɛi lɛ ye yɛ je nɛɛ mli lɛ.”

Ester 6:1

Nakai gbi lɛ nyɔɔŋ lɛ mli fɛɛ lɛ wɔ tse yɛ maŋtsɛ lɛ hiŋmɛiŋ. No hewɔ lɛ, efã akɛ ayakɔ yinɔi asaji ahe wolo lɛ kɛba koni abakane atsɔ̃ɔ lɛ.

Hiob 14:1

Gbɔmɔ ni yoo fɔ lɛ yɔɔ nɛɛ, kukuoo kɛkɛ ji ewala be lɛ; ni emli eyi tɔ kɛ haomɔ sɔŋŋ.

Hiob 5:7

shi gbɔmɔ lɛ, afɔ lɛ ahã haomɔ, tamɔ bɔ ni lalilɛi tsɛ̃rɛɔ kɛjɛɔ la mli kɛyaa ŋwɛi lɛ.

Lalai 127:2

Yakatswaa nyɛteɔ shi maŋkɛ mra, ni nyɛgboɔ deŋme aahu dani nyɛyawɔɔ. Nyɛgboɔ deŋme kɛtaoɔ nyɛdaaŋ ŋmaa; shi mɛi ni Yehowa sumɔɔ amɛ lɛ, ehãa amɛ amɛhiamɔ nibii kɛji amɛwɔ po tete.

Lalai 32:4

Ejaakɛ shwane kɛ nyɔɔŋ fɛɛ lɛ, onine tsii yɛ minɔ. Mimli hewalɛ fɛɛ tã tamɔ bɔ ni latsaa be mli jeŋ dɔlɛ hãa nii amli nu ŋaa lɛ.

Lalai 90:15

Hã wɔmii ashɛ wɔhe gbii babaoo; tamɔ ohao wɔ lɛ nɔŋŋ; ni wɔmii ashɛ wɔhe afii babaoo tamɔ gbii abɔ kɛ afii abɔ ni wɔye jaramɔ lɛ nɔŋŋ.

Jajelɔ 1:13

Mikɛma mihiɛ akɛ mikɛ nilee baagbugbuu shi, kɛtao nɔ fɛɛ nɔ ni afeɔ yɛ jeŋ; ni naa, eko fɛɛ eko lɛ yakanii ni.

Jajelɔ 1:18

Ejaakɛ nilee tuutu lɛ, ekɛ naagba nyiɛ, ni mɔ ni hãa nilee faa lɛ, ehaomɔi hu faa.

Jajelɔ 2:11

Shi be ni misusu nibii fɛɛ ni mikɛ minine etsu, kɛ tɔlɛ ni etɔ mi kɛtsu nii lɛ hu fɛɛ he lɛ, nɔ ni mina ji akɛ fɛɛ lɛ yakanii ni, ni etamɔ kɔɔyɔɔ abɔyeli. Anɔkwa, nɔ ko kwraa bɛ ni adesa naa he sɛɛ yɛ jeŋ.

Jajelɔ 5:12

Apaafonyo na nii babaoo eye jio, fioo ena eye jio, ewɔɔ kɛ miishɛɛ; shi niiatsɛ nii ni ena lɛ he jwɛŋmɔ hãaa ena wɔ ewɔ.

Jajelɔ 5:17

ni ewala gbii fɛɛ amli lɛ, ehi duŋ kɛ awerɛho kɛ mlila kpele kɛ hela mli, ni jeŋshihilɛ je etsine?

Jajelɔ 8:16

Be ni mikɛ mijwɛŋmɔ fɔ̃ nɔ akɛ matao male nii koni manu nii ni yaa nɔ, yɛ je nɛɛŋ shishi, hewɔ ni nyɔɔŋnyɔɔŋ kɛ shwaneshwane fɛɛ lɛ gbɔmɔ naaa wɔ ewɔ lɛ,

Daniel 6:18

Maŋtsɛ lɛ ku esɛɛ kɛtee emaŋtsɛ we lɛ mli. Ehi ŋmãa nyɔɔŋ lɛ mli fɛɛ, ni ehãaa akɛ hiɛtserɛjiemɔ nɔ ko abɛŋkɛ lɛ. Wɔ tserɛ kwrakwra yɛ ehiŋmɛiaŋ.

Bɔfoi 14:22

Amɛsaa amɛwo kaselɔi lɛ amumɔŋ hewalɛ, ni amɛwie amɛtsɔ̃ɔ amɛ, akɛ amɛhiɛ hemɔkɛyeli lɛ mli, ni asaŋ esa akɛ wɔtsɔ̃ɔ amanehului pii amli kɛboteɔ Nyɔŋmɔ Maŋtsɛyeli lɛ mli.