Jajelɔ 2:22 - ŊMALƐ KRƆŊKRƆŊ LƐ

²² Mɛni ji nɔ ni gbɔmɔ naa yɛ deŋme ni egboɔ kɛ etɔlɛ he yɛ je nɛɛ mli?

Ṅmãle̱ Kroṅkroṅ Le̱

²² Ši deṅme fẽ ni gbomo gboo̱ ke̱ etšui ní yeo̱ ye̱ hũlũ šiši ne̱, meni enáa ye̱ mli?

Jajelɔ 2:22 ပူးပေါင်းရင်းမြစ်များ

Lalai 127:2

Yakatswaa nyɛteɔ shi maŋkɛ mra, ni nyɛgboɔ deŋme aahu dani nyɛyawɔɔ. Nyɛgboɔ deŋme kɛtaoɔ nyɛdaaŋ ŋmaa; shi mɛi ni Yehowa sumɔɔ amɛ lɛ, ehãa amɛ amɛhiamɔ nibii kɛji amɛwɔ po tete.

Abe̱i 16:26

Nitsulɔ lɛ, nii ni baa etsine lɛ, no hãa etsuɔ nii waa, ni no nɔŋŋ woɔ lɛ ekãa.

Jajelɔ 1:3

Mɛni gbɔmɔ naa yɛ deŋme fɛɛ ni egboɔ yɛ jeŋ he?

Jajelɔ 2:11

Shi be ni misusu nibii fɛɛ ni mikɛ minine etsu, kɛ tɔlɛ ni etɔ mi kɛtsu nii lɛ hu fɛɛ he lɛ, nɔ ni mina ji akɛ fɛɛ lɛ yakanii ni, ni etamɔ kɔɔyɔɔ abɔyeli. Anɔkwa, nɔ ko kwraa bɛ ni adesa naa he sɛɛ yɛ jeŋ.

Jajelɔ 3:9

Mɛɛ sɛɛ gbɔmɔ naa yɛ deŋme ni egboɔ he?

Jajelɔ 4:6

Dɛ̃kɔkɔ kome mli nii ni toiŋjɔlɛ yɛ mli lɛ, ehi fe niji enyɔ ni akɛmiigbo yaka deŋme tamɔ ayeɔ kɔɔyɔɔ abɔ.

Jajelɔ 4:8

No ji mɔ ko ni ebɛ mɔ ko mɔ ko, ebɛ bi lɛ, ebɛ nyɛminuu hu, kɛ̃lɛ ekpaaa deŋmegbomɔ, ni nii ni ena hu esaaa ehiɛ. Gbɔmɔ nɛɛ biko ehe dã akɛ, “Kwɛ, namɔ kwraa hewɔ ni migboɔ deŋme, ni mikamaa mihe jeŋ ŋɔɔmɔ nɛɛ?” Enɛ hu yakanii ni, kɛ awerɛho sane fɛɛ.

Jajelɔ 5:17

ni ewala gbii fɛɛ amli lɛ, ehi duŋ kɛ awerɛho kɛ mlila kpele kɛ hela mli, ni jeŋshihilɛ je etsine?

Jajelɔ 8:15

Kɛkɛ ni mikafo miishɛɛ ejaakɛ nɔ kpakpa ko bɛ hã gbɔmɔ yɛ hulu shishi nɛɛ, fe akɛ eye nii ni enu nɔ ko, ni ena miishɛɛ. Eeenyɛ ekã he efee enɛ be mli ni eyɔɔ wala ni Nyɔŋmɔ ehã lɛ yɛ je nɛɛŋ.

Mateo 16:26

Ejaakɛ mɛɛ sɛɛ gbɔmɔ baana, kɛji enine shɛ jeŋ muu lɛ fɛɛ nɔ, shi elaaje esusuma lɛ? Aloo mɛni gbɔmɔ kɛaahã ni ekɛkpɔ̃ esusuma lɛ?

Mateo 6:11

Hã wɔ ŋmɛnɛ wɔdaaŋmaa;

Mateo 6:25

“No hewɔ lɛ, miikɛɛ nyɛ akɛ, Nyɛkafea yeyeeye yɛ nyɛwala he, yɛ nɔ ni nyɛaanu hewɔ, aloo yɛ nyɛgbɔmɔtso lɛ he, yɛ nɔ ni nyɛaawo hewɔ. Ani wala efeee ŋmaa, ni gbɔmɔtso efeee atade?

Mateo 6:34

No hewɔ lɛ, nyɛkahaoa nyɛhe nyɛtoa wɔ; ejaakɛ wɔ aaahao yɛ lɛ diɛŋtsɛ ehe. Gbi fɛɛ gbi nɔ efɔŋ lɛ fa hã lɛ.”

Luka 12:22

Ni Yesu kɛɛ ekaselɔi lɛ akɛ, “No hewɔ lɛ, miikɛɛ nyɛ akɛ Nyɛkahaoa yɛ nyɛwala he, yɛ nɔ ni nyɛaaye hewɔ, aloo yɛ nyɛgbɔmɔtso lɛ he, yɛ nɔ ni nyɛaawo hewɔ;

Luka 12:29

Shi nyɛ lɛ nyɛkadia nɔ ni nyɛaaye aloo nɔ ni nyɛaanu sɛɛ, ni asaŋ nyɛkafea yeyeeye;

1 Korintobii 16:16

koni nyɛ hu nyɛba nyɛhe shi nyɛhã mɛi ni tamɔ mɛnɛɛmɛi, kɛ mɔ fɛɛ mɔ ni tsuɔ nii lɛ eko ni egboɔ deŋme yɛ mli lɛ.

Filipibii 4:6

Nyɛkahaoa yɛ nɔ ko nɔ ko he, shi moŋ nɔ fɛɛ nɔ mli lɛ nyɛkɛ sɔlemɔ kɛ faikpamɔ kɛ shidaa atsĩa nyɛtaomɔnii lɛ atã yɛ Nyɔŋmɔ hiɛ.

1 Timoteo 6:8

Shi kɛ wɔyɛ ŋmaa kɛ hehaanii kɛkɛ lɛ, esa akɛ wɔmii ashɛ he.

1 Petro 5:7

Nyɛkɛ nyɛhaomɔ fɛɛ afɔ̃a enɔ, ejaakɛ nyɛsane kã etsui nɔ.