Jajelɔ 2:16 - ŊMALƐ KRƆŊKRƆŊ LƐ

¹⁶ Ejaakɛ bɔ ni akaiii kwashia kɛyaa naanɔ lɛ, nakai akaiii nilelɔ bei fɛɛ, ejaakɛ be ni wɔsɛɛ ko baashɛ lɛ hiɛ ekpa amɛ fɛɛ amɛnɔ jeeŋmɔ. Bɔ ni nilelɔ gboɔ lɛ, nakai nɔŋŋ kwashia hu gboɔ.

Ṅmãle̱ Kroṅkroṅ Le̱

¹⁶ Edšake̱ nilelo̱ ke̱ kwašia fẽ le̱, okaiiame̱ ke̱-yaä nāno̱, edšake̱ gbĩĩ ní baba le̱ amli le̱ hĩe ekpa ame̱fẽ ame̱no̱ momo; ni nilelo̱ gboo̱ tamo̱ kwašia noṅṅ! Lal. 49,11.

Jajelɔ 2:16 ပူးပေါင်းရင်းမြစ်များ

2 Samuel 3:33

Maŋtsɛ David kɛ lala fo Abner, ni ekɛɛ, “Esa akɛ Abner anyɔ tamɔ yakagbɔmɔ nyɔɔ lo?

Lalai 103:16

Kɛji kɔɔyɔɔ tswa nɔ kɛho pɛ, ebɛ dɔŋŋ; ni he ni ema lɛ leee lɛ dɔŋŋ.

Lalai 49:10

Hɛɛ! Mɔ fɛɛ mɔ naa akɛ nilelɔi tete gboiɔ; asaŋ kwashia kɛ buulu fɛɛ hu gboiɔ; ni amɛshĩɔ amɛjwetrii fɛɛ amɛhãa mɛi krokomɛi.

Lalai 88:12

Ani anaa onaakpɛɛnii yɛ he ni ewo duŋ lo? Aloo akaiɔ oyiwalaheremɔ lɛ yɛ shikpɔŋ ni hiɛ kpaa nii anɔ yɛ nɔ lɛ?

2 Mose 1:6

Fee sɛɛ lɛ Yosef kɛ enyɛmimɛi lɛ kɛ nakai yinɔbii lɛ fɛɛ bagboi.

2 Mose 1:8

Agbɛnɛ maŋtsɛ hee ko ni leee Yosef baye Ijipt nɔ.

Abe̱i 14:8

Mɔ ni yɔɔ jwɛŋmɔ ni ehiɛ tɛ̃ lɛ, ele he ni eyaa; shi kwashiai abuulufeemɔ hãa amɛduɔ gbɛ.

Jajelɔ 1:11

Akaiii blema nibii, ni akaiŋ nii ni baaba, ni yinɔi ni baaba lɛ kaiŋ ŋmɛnɛ kɛ wɔ mli sane.

Jajelɔ 2:14

ni nilelɔ lɛ enyiɛɔ kɛ hiɛshikãmɔ; shi kwashia lɛ, enyiɛɔ duŋduŋ tamɔ mɔ ni nyiɛ duŋ mli; shi kɛ̃lɛ amɛ fɛɛ amɛshɛɛ mli ekome.

Jajelɔ 2:15

Kɛkɛ ni mikɛɛ mihe akɛ, “Sane koome ni baa kwashia nɔ lɛ, no nɔŋŋ ni baaba minɔ. Nɛgbɛ mɔ mikɛ nilee pii nɛɛ yaa?” Mikɛɛ mihe akɛ, “Enɛ hu lɛ yakanii ni.”

Jajelɔ 6:8

Mɛni ji nɔ ni nilelɔ kɛfe kwashia? Ni mɛni ohiafo naa kɛji ele bɔ ni ahiɛɔ he ahãa yɛ mɛi ahiɛ?

Jajelɔ 7:2

Kɛji otee shĩa ni aafee yara yɛ mli lɛ, ehi fe nɔ ni otee shĩa ni aŋmɛ okplɔ̃ yɛ jɛi, ejaakɛ esa akɛ gbɔmɔ hiɛ ahi nɔ akɛ gbɔmɛi fɛɛ anaagbee ji gbele.

Jajelɔ 8:10

Mina mɛi fɔ̃ji ni egboi ni afu amɛ. Gbɔmɛi nɛɛ awalabeiaŋ lɛ, anaa amɛ amɛyaa amɛbaa yɛ Sɔlemɔ we lɛ; shi amɛgbele mli lɛ, ajie amɛyi yɛ maŋ lɛ mli, he nɔŋŋ ni amɛfee nakai efɔ̃ji lɛ yɛ lɛ. Enɛ hu shishinumɔ bɛ he.

Jajelɔ 9:15

Nuu ohiafo ko yɛ maŋ bibioo lɛ mli, ni lɛ etsɔ̃ enilee nɔ ehere maŋ lɛ yiwala. Shi mɔ ko mɔ ko kaiii nuu ohiafo nɛɛ.

Jajelɔ 9:5

Ejaakɛ hiɛkãalɔi lɛ amɛle akɛ amɛbaagboi, shi gbohii lɛ amɛleee nɔ ko nɔ ko, ni amɛbɛ nɔ ko hu ni amɛbaana dɔŋŋ, ni hiɛ kpaa amɛnɔ kwraa.

Maleaki 3:16

Kɛkɛ ni maŋbii lɛ ateŋ mɛi ni sheɔ Yehowa gbeyei lɛ kɛ amɛhe wie. Yehowa bo amɛ toi, ni enu nɔ ni amɛtao. Mɛi fɛɛ ni sheɔ Yehowa gbeyei, ni asaŋ amɛjwɛŋɔ egbɛi lɛ hiɛnyamwoo he lɛ aŋmala amɛgbɛii awo wolo mli koni akɛkai amɛ.

Hebribii 9:27

Gbii abɔ ni ekã shi ehã gbɔmɛi akɛ shi kome amɛgboiɔ, shi no sɛɛ lɛ abaakojo amɛ lɛ,