Jajelɔ 12:5 - ŊMALƐ KRƆŊKRƆŊ LƐ

⁵ Oooshe hei ni kwɔlɔ gbeyei, ni onyiɛmɔ tete baatsɔ̃ osharã ahã bo. Oyiteŋ baayɛ tamɔ odonti ni egba, ni ohetsimɔ baawa ahã bo, ni nɔ ko nɔ ko efeŋ bo akɔnɔ dɔŋŋ. Akɛni gbɔmɔ adesa miiya enaanɔ shĩa lɛ, no hewɔ ni yarafeelɔi foɔ shi yɛ blohuiaŋ lɛ.

Ṅmãle̱ Kroṅkroṅ Le̱

⁵ Asaṅ ašeo̱ nii ní kwŏ̱lo̱ agbeyei, ni gbeyeinii soṅṅ yo̱ gbe̱ le̱ no̱, ni ṅme̱tšo aagba afofro, ni agã aanyie šō̃, ni tšinebā se̱ aafo: e̱dšake̱ gbomo mīya enāno̱ šĩa le̱, ni yărafelo̱i mīfo ši ye̱ blohũiaṅ le̱;

Jajelɔ 12:5 ပူးပေါင်းရင်းမြစ်များ

1 Mose 42:38

Shi Yakob kɛɛ akɛ, “Mibi lɛ kɛ nyɛ eyaŋ ejaakɛ enyɛmi lɛ egbo, ni lɛ ekome pɛ eshwɛ; kɛji oshara ko yasharã lɛ yɛ gbɛ ni nyɛyaanyiɛ nɛɛ nɔ lɛ, no lɛ he ni miyi eyɛ kɛshɛ nɛɛ, nyɛbaahã magbo kɛ awerɛhoo sɔŋŋ.”

1 Mose 44:29

Kɛji nyɛŋɔ mɔ nɛ hu yɛ mihe kɛtee ni osharã ko yasharã lɛ lɛ, no lɛ he ni migbɔ kɛshɛ kɛ miyiteŋ waŋ nɛɛ, nyɛbaahã magbo kɛ awerɛhoo.’

1 Mose 44:31

kɛ ena akɛ gbekɛ lɛ bɛ wɔteŋ lɛ, eeetswa shi egbo; ni bɔ ni otsulɔ egbɔ kɛ eyiteŋ waŋ nɛɛ, otsuji aaahã egbo kɛ awerɛhoo.

Hiob 15:10

Wajiatsɛmɛi kɛ hiimeji fɛɛ yɛ wɔteŋ ni amɛye otsɛ ni fɔ bo onukpa kwraa.

Hiob 17:13

Kɛji miŋɔ miwe lɛ akɛ gbohiiaje, kɛ miŋmɛ misaa lɛ yɛ duŋ lɛ mli,

Hiob 30:23

Hɛɛ, mile akɛ okɛ mi baaya ayahã gbele, ni ji shĩa ni ato ahã hiɛkãalɔi fɛɛ lɛ.

Lalai 71:18

Belɛ migbɔlɛ kɛ miwaŋjee nɛɛ mli lɛ, Oo Nyɔŋmɔ, kaakwa mi, kɛyaashi majaje ohewalɛ lɛ matsɔ̃ɔ yinɔbii ni baa lɛ.

Abe̱i 16:31

Waŋ lɛ, anunyam akekre ni; jalɛ shihilɛ mli pɛ anaa yɛ.

Abe̱i 20:29

Oblahii anunyam ji amɛhewalɛ; shi hiimeji ahefɛo ji amɛyiteŋ waŋ lɛ.

Jajelɔ 9:10

Nɔ fɛɛ nɔ tsumɔ ni ooomɔ mli lɛ, tsu kɛ onyɛmɔ fɛɛ, ejaakɛ gbohiiaje he ni oyaa lɛ, nɔ ni atsɛɔ lɛ nitsumɔ loo yiŋshwiemɔ loo nilee loo jwɛŋmɔ lɛ eko bɛ jɛi.

Yesaia 46:4

ni kɛyaashi gbɔlɛ mli lɛ mi nɔŋŋ ni; ni kɛyaashi nyɛwaŋjee mli tete mi nɔŋŋ ni. Mi, mibɔ nyɛ, ni mi nɔŋŋ mahiɛ nyɛ; mi miwa nyɛ, ni mahere nyɛyiwala.

Yeremia 1:11

Kɛkɛ ni Yehowa bi mi akɛ, “Yeremia, mɛni onaa nɛɛ?” Mihere lɛ nɔ akɛ, “Blɔfoŋkatiɛtso nine ni.”

Yeremia 9:16

Mibagbɛ amɛ mashwã maji anɔ, hei ni amɛ kɛ amɛtsɛmɛi lɛ tete leee; mahã henyɛlɔi afã klante kɛnyiɛ amɛsɛɛ kɛyashi beyinɔ ni maplenee amɛ kwraa.”

3 Mose 19:32

“Ohiɛ asɔ mɛi ni egbɔlɔ, ni owo amɛ. She Nyɔŋmɔ gbeyei. Mi ji Yehowa.

Hebribii 9:27

Gbii abɔ ni ekã shi ehã gbɔmɛi akɛ shi kome amɛgboiɔ, shi no sɛɛ lɛ abaakojo amɛ lɛ,