Jajelɔ 11:9 - ŊMALƐ KRƆŊKRƆŊ LƐ

⁹ Oblanyo, nya yɛ oblahiiaŋ; hã omii ashɛ ohe yɛ oblahiiaŋ fɛɛ; ye otsui naa sane; feemɔ nɔ ni hi yɛ ohiɛ; shi moŋ kaimɔ akɛ Nyɔŋmɔ kɛ bo baakojo yɛ nibii fɛɛ ni ofee lɛ ahewɔ.

Ṅmãle̱ Kroṅkroṅ Le̱

⁹ Oblanyo, hã omī aše̱ ohe ye̱ oblahĩaṅ, ni oná tšuidšrŭrõ ye̱ oblahīaṅ gbĩī le̱ amli, ni onyie otšui gbè̱i le̱ ano̱, ke̱ nii ní ohĩṅme̱ii naä le̱ ase̱: ši ná ole ake̱ ene̱mei fẽ hewo̱ le̱ Nyoṅmo̱ ke̱o bakodšo. 8,15.

Jajelɔ 11:9 ပူးပေါင်းရင်းမြစ်များ

1 Mose 3:6

No hewɔ lɛ be ni yoo lɛ na akɛ tso lɛ hi hã yeli ni efeɔ hiŋmɛi akɔnɔ ni tso lɛ baa mɔ tsine ni ehãa mɔ leɔ nii lɛ, etse enɔ yibii lɛ eko ni eye ni ehã ewu lɛ ni kɛ lɛ yɔɔ lɛ hu eko ni eye.

1 Mose 6:2

Nyɔŋmɔ gbɔmɛi lɛ yana akɛ gbɔmɛi abiyei lɛ ahe yɛ fɛo, ni amɛŋɔŋɔɔ amɛteŋ yei fɛɛ ni amɛsumɔɔ.

1 Maŋtsɛmɛi 18:12

Amrɔ pɛ ni mibashi bo matee lɛ, Yehowa Mumɔ lɛ aaabakpla bo kɛya he ko ni mileee. Kɛji mitee miyakɛɛ Ahab, ni eba, ni ebaninaaa bo lɛ, bɔ fɛɛ bɔ ni fee lɛ, ebaagbe mi. Kaimɔ akɛ Yehowa jalɔ ji otsulɔ kɛjɛ migbekɛbiiashi beebe.

1 Maŋtsɛmɛi 18:27

Shwane mli lɛ Elia ye Baal gbalɔi lɛ ahe fɛo, ni ekɛɛ, “Nyɛbolɔa waa, ejaakɛ nyɔŋmɔ ji lɛ! Eko lɛ benɛ eeshwie eyiŋ, aloo eje kpo, aloo edom, aloo eko lɛ ewɔ koni ehiɛ atsɛ̃.”

1 Maŋtsɛmɛi 22:15

Be ni Mikaia shɛ Maŋtsɛ Ahab hiɛ lɛ, Ahab bi lɛ akɛ, “Ani mikɛ Maŋtsɛ Yehoshafat aya koni wɔyatua Ramot-Gilead, aloo wɔkaya?” Mikaia here nɔ akɛ, “Nyɛyaa; nyɛbaaye omanye. Yehowa baajɔɔ maŋ lɛ nɔ ahã nyɛ.”

Hiob 31:7

Kɛji migba afã yɛ minyiɛmɔŋ, ni mitsui eyadi mihiŋmɛi sɛɛ, ni muji ko kpɛtɛ miniji ahe lɛ,

Lalai 81:12

No hewɔ lɛ, miŋmɛɛ amɛhe koni amɛhi shi yɛ amɛtsuiwalɛ lɛ mli, koni amɛhi shi bɔ ni amɛ diɛŋtsɛ amɛsumɔɔ.

Jajelɔ 12:1

Kaimɔ obɔlɔ lɛ yɛ oblahiiaŋ, be ni gbii fɔ̃ji lɛ kɛ afii fɔ̃ji lɛ nako ashɛ, be mli ni obaakɛɛ akɛ, “Jeŋshihilɛ eŋɔɔɔ” lɛ.

Jajelɔ 12:14

Ejaakɛ Nyɔŋmɔ baakojo wɔ yɛ nɔ fɛɛ nɔ ni wɔfee gbɛfaŋ, ehi jio, ehiii jio, teemɔŋ nibii fɛɛ fata he.

Jajelɔ 2:10

Nɔ fɛɛ nɔ ni fee mi akɔnɔ lɛ, mikamaaa mihe. Mitsiii mihe naa yɛ miishɛɛ ko miishɛɛ ko gbɛfaŋ, ejaakɛ mina nibii fɛɛ ni migbo amɛhe deŋme lɛ ahe miishɛɛ. Deŋme ni migbo lɛ he sɛɛnamɔ ji no.

Jajelɔ 3:12

No hewɔ lɛ, mina akɛ nɔ ko nɔ ko bɛ ni hi hã gbɔmɛi, beiaŋ ni amɛyɔɔ wala mli, fe akɛ amɛmii ashɛ amɛhe, ni amɛye jeŋ ŋɔɔmɔ lɛ eko, ni amɛshwɛ amɛyinɔ;

Jajelɔ 3:17

Mikɛɛ mihe akɛ, “Nyɔŋmɔ baakojo jalɔ lɛ kɛ mɔ fɔŋ lɛ fɛɛ, ejaakɛ eto be ehã sane fɛɛ sane kɛ nitsumɔ fɛɛ nitsumɔ.”

Jajelɔ 6:9

Nɔ ni onaa kɛ ohiŋmɛii lɛ, ehi fe nɔ ni oshweɔ. Enɛ hu lɛ yakanii kɛ kɔɔyɔɔ abɔyeli ni.

Jajelɔ 7:14

Be ni nibii eshwere lɛ, nya; ni kɛji joomɔ be ba lɛ susumɔ he; ejaakɛ Nyɔŋmɔ dɛŋ enyɔ lɛ fɛɛ jɛ, bɔ ni afee ni gbɔmɔ adesa akanyɛ ele nɔ ni baaba wɔsɛɛ.

Yeremia 23:17

Nɔ ni amɛkɛɔ mɛi ni ebuuu mi, Yehowa, miwiemɔ lɛ ji, ‘Nɔ ko gbaŋ nyɛnaa;’ ni mɔ fɛɛ mɔ ni efee ehe kuɛŋtilɔ lɛ, amɛkɛɔ lɛ akɛ, ‘Nɔ fɔŋ ko nɔ fɔŋ ko bɛ ni baaba onɔ.’ ”

Yeremia 7:24

Shi amɛbooo mi toi lɛ, amɛyeee migbee nɔ hu; shi moŋ amɛyanyiɛ nɔ ni amɛ diɛŋtsɛ amɛjwɛŋmɔ kɛ amɛtsuii fɔ̃ji ni wa lɛ kɛɛ amɛ lɛ sɛɛ; ni no hewɔ lɛ, amɛ amɛjeŋba fite fe tsutsu lɛ.

Yāfó 3:27

Ehi hã gbɔmɔ akɛ etereɔ ekɔŋtso lɛ yɛ eblahiiaŋ.

4 Mose 15:30

“Shi mɔ fɛɛ mɔ ni ehiɛ kã he ni efee nɔ fɔŋ ko lɛ, Israel fɔmɔbi ni jio, gbɔ ni jio, ebɔ musu ejaakɛ ekwɛ Yehowa hiɛ, ni no hewɔ lɛ, nakai mɔ lɛ gbe agbe lɛ;

4 Mose 15:39

Ahwanyai nɛɛ atsɔ̃ kaimɔnii; ni be fɛɛ be ni hiŋmɛi aaagba nɔ lɛ ehã nyɛkai Yehowa kitãi lɛ fɛɛ koni nyɛye nɔ, bɔ ni afee ni nyɛkanyiɛ nyɛtsui kɛ nyɛhiŋmɛi akɔnɔ nibii lɛ asɛɛ, nibii asɛɛ ni nyɛyadiɔ ni nyɛkɛkwaa Yehowa lɛ.

4 Mose 22:32

Yehowa bɔfo lɛ kɛɛ Balaam akɛ, “Mɛɛ hewɔ ni oyi oteji lɛ shii etɛ̃ sɔŋŋ nɛɛ? Naa, miba koni mibasa onaa, ejaakɛ nyiɛmɔ nɔ ni onyiɛ nɛɛ ejaaa yɛ mihiɛ.

Mateo 5:28

Shi mi lɛ, miikɛɛ nyɛ akɛ, mɔ fɛɛ mɔ ni kwɛɔ yoo ni ehe feɔ lɛ akɔnɔ lɛ, ekɛ lɛ efite gbãlã momo yɛ etsui mli.

Luka 12:19

ni makɛɛ misusuma akɛ, susuma, oyɛ nii kpakpai babaoo ni akɛto ahã bo afii pii; jɔɔmɔ ohe, ye ni onu, ni ona tsuijurɔ.’

Bɔfoi 14:16

Yinɔi ni eho lɛ amli lɛ ehã jeŋmaji lɛ fɛɛ nyiɛ amɛ diɛŋtsɛ amɛgbɛi lɛ anɔ,

Bɔfoi 24:25

Shi be ni ewieɔ jalɛ kɛ henɔkwɛmɔ kɛ kojomɔ ni baaba lɛ he lɛ, Felike she gbeyei pam, ni ekɛɛ lɛ akɛ, “Agbɛnɛ yaa fɛɛ da; shi kɛ mina mihe dekã jiŋŋ, matsɛ bo ekoŋŋ.”

Romabii 14:10

Shi bo, mɛɛba okojoɔ onyɛmi? Aloo bo hu, mɛɛba ogbeɔ onyɛmi he guɔ? Ejaakɛ wɔ fɛɛ wɔbaadamɔ Nyɔŋmɔ kojomɔ sɛi lɛ hiɛ.

1 Korintobii 4:5

No hewɔ lɛ, nyɛkakojoa nɔ ko dani shɛ be lɛ, kɛyashi beyinɔ ni Nuŋtsɔ lɛ aaaba, mɔ ni kɛ dujiaŋ nibii ni akɛtee lɛ tete aaaba la hiɛ, ni eeejie tsuiiaŋ ajinai lɛ ashi lɛ. Ni no mli lɛ mɔ fɛɛ mɔ aaana eyijiemɔ kɛaajɛ Nyɔŋmɔ dɛŋ.

2 Korintobii 5:10

Ejaakɛ ja wɔ fɛɛ wɔpue faŋŋ yɛ Kristo kojomɔ sɛi lɛ hiɛ, koni mɔ fɛɛ mɔ ana nii ni efee yɛ gbɔmɔtso mli lɛ he nyɔmɔwobɔɔ ni efee lɛ, ekpakpa jio, efɔŋ jio.

5 Mose 29:19

Nɛkɛ gbɔmɔ baahã ehe tsui kɛji enu kitã ni ji kpãŋmɔ nɛɛ mli wiemɔi lɛ, ni ebaakɛɛ ehe akɛ, ‘Mikpliŋ mitsui kɛmiifee nɔ ni mi misumɔɔ moŋ nɛ, kɛ̃lɛ mibaye mihe.’ Enɛ baahã mɔ kpakpa kɛ mɔ fɔŋ hu fɛɛ hiɛ akpãtã.

Hebribii 9:27

Gbii abɔ ni ekã shi ehã gbɔmɛi akɛ shi kome amɛgboiɔ, shi no sɛɛ lɛ abaakojo amɛ lɛ,

Yoshua 7:21

Mina Babilon mama fɛɛfɛo ko kɛ jwiɛtɛi ni tsiimɔ ji shekeli ohai enyɔ kɛ agbɛnɛ shika ŋmiiŋmi antɛle kome ni tsiimɔ ji shekeli nyɔŋmai enumɔ yɛ ofɔ̃yeli nibii lɛ ateŋ; mihiɛ kɔ̃ nibii nɛɛ anɔ, ni mikɔlɔ. Mikɛ jwiɛtɛi lɛ hɔ nibii nɛɛ ashishi, ni mifu fɛɛ yɛ mibuu lɛ teŋ tuuŋtu.”

2 Petro 3:7

Shi ŋwɛi kɛ shikpɔŋ ni yɔɔ amrɔ nɛɛ, nakai wiemɔ lɛ nɔŋŋ nɔ etsɔ̃ ekɛ amɛ to hã là kɛyashi kojomɔ gbi lɛ ni aaakpãtã mɛi ni sheee Nyɔŋmɔ gbeyei lɛ ahiɛ lɛ.