Jajelɔ 10:8 - ŊMALƐ KRƆŊKRƆŊ LƐ

⁸ Mɔ ni tsaa bu lɛ, lɛ nɔŋŋ eeegbee mli, ni mɔ ni gbuɔ gbogbo ewoɔ mli lɛ, lɛ onufu aaakɔ̃.

Ṅmãle̱ Kroṅkroṅ Le̱

⁸ *Moni tšaä bu le̱, eegbē mli; ni moni kũmoo̱ afabaṅ le̱, onũfũ aakõle̱. Abe̱i 26,27.

Jajelɔ 10:8 ပူးပေါင်းရင်းမြစ်များ

2 Samuel 17:23

Be ni Ahitofel na akɛ ayeee ŋaa ni ewo lɛ nɔ lɛ, ewo eteji nɔ nii, kɛkɛ ni eshi kɛtee emaŋ; ni be ni eto enibii fɛɛ gbɛjianɔ lɛ, eyawo esɛ̃ kpãa, ni egbe ehe. Afu lɛ yɛ etsɛ gbonyo fuuhe lɛ mli.

2 Samuel 18:15

Oblahii nyɔŋma ni hiɛɔ Yoab tawuu nibii lɛ babɔle Absalom kɛkpe, ni amɛtswia lɛ nii, ni amɛgbe lɛ.

Ester 7:10

No hewɔ lɛ, atee ni ayasɛŋ Haman moŋ yɛ tso ni ekala akɛ ebaasɛŋ Mɔdekai yɛ nɔ lɛ nɔ. Kɛkɛ ni maŋtsɛ lɛ mlila lɛ jɔ.

Lalai 57:6

Mihenyɛlɔi ŋmɛ mi yaa koni amɛdu mi; misusuma edɔ kɔmɔɔ kɛ awerɛho. Amɛtsa bu yɛ migbɛ nɔ, shi amɛ diɛŋtsɛ moŋ amɛyagbee mli.

Abe̱i 11:6

Mɛi ni ja lɛ amɛjalɛ lɛ aajie amɛ, shi kutumpɔfoi lɛ, amɛkɔnɔ ŋɔɔ amɛ nom.

Abe̱i 26:27

Mɔ ni kɛ yiŋtoo fɔŋ tsaa bu lɛ, lɛ nɔŋŋ eeegbee mli; ni mɔ ni kɛ yiŋsha kokloɔ tɛ lɛ, lɛ nɔŋŋ enɔ tɛ lɛ aaaku sɛɛ agbee.

Jajelɔ 10:9

Mɔ ni tsaa tɛ lɛ, lɛ tɛ pilaa, ni mɔ hu ni gbaa lai lɛ, lɛ awui lai yeɔ.

Amos 5:19

nɔ ni baaba lɛ etamɔ mɔ ko ni joɔ jata naa foi, ni ekɛ oshishibrishi kpeɔ, loo be ni eba shĩa ni ekɛ enine mɔ gbogbo mli lɛ onufu kɔ̃ lɛ.

Amos 9:3

Kɛji amɛyatee amɛhe yɛ Karmel Gɔŋ lɛ yiteŋ tete lɛ, mibatao amɛ, ni mibamɔmɔ amɛ; ni kɛ amɛtee ŋshɔ shishi amɛyatee mi yɛ jɛi hu, mibafã ŋshɔŋ onufu gbeyeigbeyei lɛ, ni ebaakɔ̃mɔ amɛ.

Kojolɔi 9:5

Etee etsɛ we lɛ yɛ Ofra, ni eyagbe Gideon bihii nyɔŋmai kpawo lɛ ni ji enyɛmimɛi lɛ, yɛ tɛ kome nɔ. Shi Yotam ni ji Gideon nakutsoŋbi lɛ kome pɛ shwɛ, ejaakɛ etee ehe.