Jajelɔ 10:19 - ŊMALƐ KRƆŊKRƆŊ LƐ

¹⁹ Ŋmaa hãa mɔ miishɛɛ, ni wain hãa mɔ mli filiɔ lɛ, shi eko fɛɛ eko lɛ shika akɛfeɔ.

Ṅmãle̱ Kroṅkroṅ Le̱

¹⁹ Ṅmlõ hewo̱ aṅmẽo̱ okplŏ, ni *wein hàa hĩekãlo̱i amī še̱o̱ ame̱he, ni šika feo̱ nofẽno. *Kodš. 9,13. Lal. 104,15.

Jajelɔ 10:19 ပူးပေါင်းရင်းမြစ်များ

Lalai 104:15

kɛ wain ni hãa adesa tsui nyɔɔ emli, kɛ mu ni hãa gbɔmɔ hiɛ kpɛɔ; kɛ aboloo ni hãa gbɔmɔ adesa hewalɛ lɛ.

1 Petro 4:3

Ejaakɛ be ni eho momo lɛ mli lɛ, nyɛna be bɔ ni sa nyɛkɛtsu jeŋmajiaŋbii atsui naanii lɛ, ni nyɛba nyɛjeŋ yɛ nyɛnyɛŋtswibɔɔ, akɔnɔi, dãanumɔ mli basabasafeemɔ, ninumɔ kɛ wɔŋjamɔ ni ahiɔ lɛ amli.

Luka 12:19

ni makɛɛ misusuma akɛ, susuma, oyɛ nii kpakpai babaoo ni akɛto ahã bo afii pii; jɔɔmɔ ohe, ye ni onu, ni ona tsuijurɔ.’

Yesaia 24:11

Aabolɔ yɛ blohui lɛ amli yɛ wain hewɔ; miishɛɛ fɛɛ naa eba shi; afo miishɛɛ sɛɛ yɛ shikpɔŋ lɛ nɔ.

Lalai 112:9

Edɛŋ kpɔɔ pam hãa ohiafoi, ejalɛ lɛ hiɔ shi kɛyaa naanɔ; aaahã ena hewalɛ, ni ehiɛ aaaba nyam.

Bɔfoi 11:29

Shi kaselɔi lɛ kpɛ mli akɛ amɛaabua nɔ ko naa amɛkɛyahã nyɛmimɛi ni yɔɔ Yudea lɛ bɔ ni mɔ fɛɛ mɔ aaanyɛ.

Bɔfoi 2:45

amɛhɔ̃ɔhɔ̃ɔ amɛshikpɔji kɛ amɛhenii, ni amɛja shika lɛ amɛhã mɛi lɛ fɛɛ bɔ ni he hiaa mɔ fɛɛ mɔ.

Luka 16:9

“Ni mi hu miikɛɛ nyɛ akɛ, Nyɛŋɔa kutumpɔo ninamɔ lɛ nyɛkɛfea shieŋtsɛmɛi nyɛhãa nyɛhe, koni, be ni nyɛbɛ nɔ ko dɔŋŋ lɛ, amɛhere nyɛ yɛ naanɔ bui lɛ amli.

Luka 8:3

kɛ Yohana, Herode tsulɔnukpa Kusa ŋa lɛ, kɛ Susana, kɛ mɛi krokomɛi pii ni kɛ amɛnii ni amɛyɔɔ lɛ eko sɔ̃mɔɔ lɛ lɛ.

Mateo 19:21

Yesu kɛɛ lɛ akɛ, “Kɛji ootao akɛ ohi kɛwula shi lɛ, yaa ni oyahɔ̃ɔ nii ni oyɔɔ lɛ, ni okɛhã ohiafoi, ni ooona jwetri yɛ ŋwɛi; ni oba obanyiɛ misɛɛ.”

Mateo 17:27

Shi bɔ ni afee ni wɔkato amɛ pampi lɛ, yaa ŋshɔ lɛ naa oyafɔ̃ kpoŋ, ni loo klɛŋklɛŋ ni aaabakɔ kpoŋ lɛ, sha lɛ, ni kɛ ogbɛ edaaŋ lɛ, ooona shika ni naa shiɔ yii enyɔ; kɔ ni okɛhã amɛ, ohã mi kɛ bo fɛɛ.”

Yesaia 23:18

Tiro baajɔɔ ejarayeli mli nii kɛ apaa ni abaabɔ lɛ mli nii hu nɔ ehã Yehowa. Atĩaŋ esɛɛnamɔ lɛ naa amaŋ shi, shi ejarayeli lɛ mli nii baahã ana niyenii babaoo kɛ mamai fɛɛfɛji ahã mɛi ni sɔmɔɔ Yehowa lɛ.

Nehemia 5:8

ni mikɛɛ amɛ akɛ, “Wɔ lɛ, wɔkpɔ̃ wɔnyɛmimɛi Yudafoi ni ahɔ̃ɔ ahã jeŋmaji lɛ bɔ ni wɔɔnyɛ, shi nyɛ lɛ nyɛmiihɔ̃ɔ nyɛ diɛŋtsɛ nyɛnyɛmimɛi lɛ? Nyɛmiihɔ̃ɔ amɛ nyɛhã wɔ!” Amɛhãaa hetoo; amɛnãaa nɔ ni amɛkɛɔ.

Ezra 1:6

Mɛi ni kɛ amɛ je shwieka lɛ fɛɛ wa amɛ kɛ jwiɛtɛi okpolui pɛmpɛbii kɛ shika kɛ nibiinibii kɛ kooloi kɛ nibii ni jara wa; ni asaŋ amɛhã nikeenii yɛ tsuijurɔ naa.

1 Kronika 21:24

Shi Maŋtsɛ David here Ornan nɔ akɛ, “Dabida! Mahe mawo nyɔmɔ bɔ ni ji enaa pɛpɛɛpɛ. Miŋɔŋ nii ni ji onɔ mihaŋ Yehowa, ni asaŋ mikɛ nɔ ko ni mina lɛ yaka hu eshaŋ afɔle.”

2 Samuel 13:28

Absalom kɛɛ etsuji lɛ akɛ, “Kɛfee lɛ nyɛkwɛa Amnon, kɛji nyɛna akɛ wain lɛ ehã emli efili lɛ, ni mifã akɛ atswa lɛ nɔ lɛ, nyɛgbea lɛ. Nyɛkashea gbeyei ejaakɛ mi mifã nyɛ. Nyɛfea ekãa; nyɛfea hii!”

1 Samuel 25:36

Be ni Abigail ku esɛɛ ni eshɛɔ shĩa lɛ Nabal eŋmɛ okplɔ̃ yɛ ewe lɛ mli tamɔ maŋtsɛ. Nabal mii eshɛ ehe fe nine, ni etɔ dãa kpɔtɔɔ. No hewɔ lɛ, Abigail ebɔɔɔ lɛ amaniɛ ko kɛyashi je tsɛre nɔ leebi,

Kojolɔi 9:13

Shi waintso kɛɛ amɛ akɛ, ‘Ani mihã midãa ni shɛjeɔ nyɔŋmɔi kɛ gbɔmɛi amii lɛ abɔ mi, ni mayaye tsei anɔ lo?’

1 Mose 43:34

Ajie niyenii kɛjɛ niyenii ni ma Yosef okplɔ̃ lɛ nɔ lɛ mli ahã enyɛmimɛi lɛ; shi Benyamin nɔ lɛ fa fe amɛteŋ mɔ fɛɛ mɔ nɔ lɛ toi enumɔ. Amɛkɛ Yosef ye nii, ni amɛkɛ lɛ nu nii, ni amɛ fɛɛ amɛkɛ lɛ na miishɛɛ.

Jajelɔ 9:7

Yaa nɔ oye oboloo kɛ miishɛɛ, ni onu owain hu kɛ mliflimɔ, ejaakɛ Nyɔŋmɔ ejɔɔ nɔ ni ofeɔ lɛ nɔ momo.

Jajelɔ 2:3

Mikɛ mijwɛŋmɔ tao mli mikwɛ akɛ wain baahã mana miishɛɛ lo? Asaŋ mikɛ jwɛŋmɔ kɛ nilee tao mli bɔ ni mafee mamɔ buulufeemɔ koŋ mli kɛdamɔ shi kɛyashi beyinɔ ni mana nɔ ni hi hã gbɔmɛi abii akɛ amɛfee yɛ jeŋ, yɛ amɛwala be kukuoo lɛ mli.

Kojolɔi 14:10

Etsɛ yiŋ etee ni eyana yoo lɛ; ni Samson ŋmɛ okplɔ̃ yɛ jɛi, ejaakɛ nakai oblahii lɛ feɔ.

Ester 1:10

Gbi ni ji kpawo lɛ nɔ be ni dãa lɛ ehã maŋtsɛ lɛ mli efili lɛ lɛ, etsɛ epiafoi kpawo ni sɔmɔɔ lɛ diɛŋtsɛ lɛ. Amɛ ji Mehuman kɛ Bizta kɛ Harbona kɛ Bitha kɛ Abagta kɛ Zeter kɛ Karkas.