Jajelɔ 10:12 - ŊMALƐ KRƆŊKRƆŊ LƐ

¹² Nilelɔ daaŋ wiemɔ hãa ehiɛ baa nyam, shi kwashia naabu kpãtãa lɛ diɛŋtsɛ ehiɛ.

Ṅmãle̱ Kroṅkroṅ Le̱

¹² Nilelo̱ dāṅ wiemo̱i ye̱ nyam; ši kwašia nābu amĩ le̱dientše̱ ehe.

Jajelɔ 10:12 ပူးပေါင်းရင်းမြစ်များ

2 Samuel 1:16

Ni etswa oblanyo lɛ nɔ, ni egbo. Kɛkɛ ni David kɛɛ, “Oyi sɔ̃ atere bo diɛŋtsɛ, ejaakɛ bo diɛŋtsɛ onaabu eye odase eshi bo, ejaakɛ okɛɛ, ‘Migbe mɔ ni Yehowa efɔ lɛ mu lɛ.’ ”

Hiob 16:5

Nakai nɔŋŋ kulɛ mawo nyɛ hewalɛ kɛ midaaŋ wiemɔ, ni midaaŋ wiemɔ baahã nyɛwerɛho lɛ naa aba shi.

Lalai 140:9

Mɛi ni efo sa ewo mihe lɛ, hã efɔŋ ni jɛ amɛ diɛŋtsɛ amɛnaa lɛ abua amɛyiteŋ.

Lalai 37:30

Jalɔ naabu wieɔ nilee wiemɔ, ni elilɛi wieɔ nɔ ni ja.

Lalai 64:8

Ebaakpãtã amɛhiɛ yɛ amɛlilɛi hewɔ; ni mɛi fɛɛ ni aaana amɛ lɛ aaahoso amɛyitso.

Abe̱i 10:10

Mɔ ni bɛɔ mɔ hiŋmɛi lɛ ewoɔ bei; shi mɔ ni kɛ ekãa kãa mɔ lɛ hãa toiŋjɔlɛ baa.

Abe̱i 10:8

Nilelɔ kpɛlɛ̃ɔ kãmɔ; shi kwashia naafuutsɛ hiɛ kpãtãa.

Abe̱i 12:18

Mɔ ko yɛ ni ewiemɔ bambam dumɔɔ mɔ tamɔ kakla; shi nilelɔ daaŋ wiemɔ lɛ etsaa mɔ.

Abe̱i 15:2

Nilelɔi wieɔ nilee wiemɔi; shi buului awiemɔi jɛɔ kwashiai adaaŋ.

Abe̱i 15:23

Wiemɔ hetoohãmɔ ni sa lɛ, ehãa mɔ naa miishɛɛ; ni wiemɔ ni awie yɛ be ni sa mli lɛ, ehi pam.

Abe̱i 19:5

Amale odasefonyo yeŋ ehe; ni amalelɔ he ejeŋ sane mli.

Abe̱i 22:11

Mɔ ni tsui mli tse, ni ewiemɔ he tse lɛ, maŋtsɛ kɛ lɛ bɔɔ naanyo.

Abe̱i 26:9

Bɔ ni ŋmei tso yɔɔ yɛ dãatɔlɔ dɛŋ lɛ, nakai abɛ yɔɔ yɛ kwashia daaŋ.

Abe̱i 31:26

Ewieɔ nilee wiemɔ, ni etsɔseɔ mɔ kɛ mlihilɛ wiemɔ.

Jajelɔ 12:11

Nilelɔ daaŋ wiemɔi lɛ etamɔ kplamɔ tso. Tookwɛlɔ koome ni yɔɔ lɛ, ewiemɔi ni abua naa lɛ yɛ kpɛŋŋ tamɔ plɛkoo ni aka awo tso mli.

Jajelɔ 4:5

Kwashia kotaa eniji ekɛtaa shi, ni hɔmɔ gbeɔ lɛ.

Jajelɔ 5:2

Kaahã onaa miifee blɛblɛ, ni kaahã otsui miihã osha ohe owie yɛ Nyɔŋmɔ hiɛ. Ejaakɛ Nyɔŋmɔ lɛ ŋwɛi eyɔɔ, ni bo lɛ shikpɔŋ lɛ nɔ oyɔɔ; no hewɔ lɛ, kaahã owiemɔ miifa.

Jajelɔ 5:6

Kaaŋmɛ onaabu gbɛ ni ehã ofee esha; ni kaakɛɛ yɛ bɔfo lɛ hiɛ akɛ onaa ni etɛ shi. Mɛni hewɔ esa akɛ Nyɔŋmɔ mli afu yɛ owiemɔ hewɔ ni efite oninenaa nitsumɔ lɛ?

Jajelɔ 9:17

Nilelɔ wiemɔ ni ewieɔ lɛ ablɛbi lɛ, anuɔ, ni ehi fe bolɔmɔ ni nɔyelɔ bolɔɔ yɛ kwashiai ateŋ.

Mateo 12:35

Gbɔmɔ kpakpa jieɔ nikpakpai kɛjɛɔ etsuiŋ jwetri kpakpa lɛ mli; ni gbɔmɔ fɔŋ hu jieɔ nifɔɔji kɛjɛɔ etsuiŋ jwetri fɔŋ lɛ mli.

Luka 19:22

Shi ablade lɛ kɛɛ akɛ, ‘Tsulɔ fɔ̃ŋ, bo diɛŋtsɛ odaaŋ wiemɔ mikɛaakojo bo! Ni ole akɛ yiwalɔ ji mi, ni mikɔɔ nɔ ni mikɛfɔ̃ko shi, ni mikpaa nɔ ni miduko lɛ,

Luka 4:22

Ni mɛi fɛɛ ye ehe odase, ni amɛnaa kpɛ amɛhe yɛ dromɔ wiemɔi ni jɛ enaa lɛ hewɔ, ni amɛkɛɛ, “Ani jeee Yosef bi lɛ nɛ?”

Efesobii 4:29

Wiemɔ sha ko wiemɔ sha ko akaje nyɛnaa kwraa; shi moŋ wiemɔ ni hi ni ehia koni ehã mɔ nane amɔ shi ni akɛduro mɛi ni nuɔ lɛ.

Kolosebii 4:6

Nyɛhãa nyɛwiemɔ he abaa nyam daa ni ŋoo ahi mli, ni nyɛle bɔ ni sa akɛ nyɛhãa mɔ fɛɛ mɔ hetoo.