Daniel 9:7 - ŊMALƐ KRƆŊKRƆŊ LƐ

⁷ Ao! Nuŋtsɔ, bo lɛ onɔ ji jalɛ; shi wɔ lɛ wɔnɔ ji hiɛgbele tamɔ eyɔɔ wɔnɔ ŋmɛnɛ nɛɛ lɛ, wɔ mɛi ni ji Yudabii kɛ Yerusalɛmbii lɛ kɛ Israelbii fɛɛ, mɛi ni bɛŋkɛ kɛ mɛi hu ni eyaje shɔŋŋ yɛ shikpɔji anɔ ni ogbɛ amɛ oshwã, yɛ anɔkwa ni amɛyayeee bo hewɔ lɛ.

Ṅmãle̱ Kroṅkroṅ Le̱

⁷ Nuṅtšo̱, onõ dši dšale̱, ši wo̱ le̱ wo̱sa hĩegbĕle, take̱ bo̱ni eyo̱ ṅme̱ne̱ṅme̱ne̱ ne̱, wo̱ke̱ Iudabii ke̱ Ierusalembii ke̱ Israel fẽ, mei ní be̱ṅke̱ ke̱ mei ni yo̱ šoṅṅ ke̱-tšṍ šikpõdši ano̱ hei ní oſeame̱ ke̱-te ye̱ tõmo̱ ní ame̱tõ ono̱ ke-wo̱ le̱.

Daniel 9:7 ပူးပေါင်းရင်းမြစ်များ

Ezra 9:13

Nii ni ba wɔnɔ akɛ toigbalamɔ yɛ wɔnishaianii kɛ wɔfɔ kpeteŋkple ni wɔye lɛ hewɔ lɛ fɛɛ sɛɛ lɛ, bo wɔNyɔŋmɔ lɛ, owoko wɔ nyɔmɔ bɔ ni sa wɔnifɔ̃jianii lɛ, ni ohã wɔhiɛ kã.

Ezra 9:15

Yehowa, Israel Nyɔŋmɔ, jalɔ ji bo; ejaakɛ ashi wɔ akɛ mɛi ni eshwɛ ni eje hiɛkpãtãmɔ lɛ mli tamɔ bɔ ni eyɔɔ ŋmɛnɛ gbi nɛɛ. Naa, wɔyɛ ohiɛ akɛ mɛi ni eye fɔ. Ejaakɛ wɔfɔ ni wɔye lɛ hewɔ lɛ, wɔteŋ mɔ ko mɔ ko nyɛŋ ohiɛ adamɔ.”

Nehemia 9:33

Shi bo lɛ, saji ni eba wɔnɔ nɛɛ fɛɛ mli lɛ, onɔ ja, ejaakɛ bo lɛ oye anɔkwa, shi wɔ lɛ wɔfee efɔŋ.

Lalai 119:137

Oo Yehowa, jalɔ ji bo, ni okojomɔi lɛ hu ja kɛmɔ shi.

Lalai 44:15

Minaa mihiɛshishwiemɔ lɛ daa jenamɔ tuu; ni hiɛgbele hu emɔ mi,

Lalai 51:14

Oo Naa Nyɔŋmɔ, bo miyiwalaheremɔ Nyɔŋmɔ, kpɔ̃ mi kɛjɛ lashishwiemɔ he fɔyeli mli, ni mala waa kɛjaje okpɔ̃mɔ lɛ.

Lalai 51:4

Bo okoome pɛ mifee esha mishi, ni mifee efɔŋ yɛ ohiɛ. Oyeɔ bem kɛji ooobu mi fɔ, ni tɔ̃mɔ bɛ okojomɔ he.

Yesaia 11:11

Nakai be mli lɛ Nuŋtsɔ lɛ kɛ hewalɛ baakpɔ̃ ewebii ni eshwɛ lolo lɛ, nɔ ni ji shii enyɔ nɔ, kɛjɛ Asiria kɛ Ijipt kɛ Patros kɛ Kush kɛ Elam kɛ Babilon kɛ Hamat, asaŋ kɛ ŋshɔnaa shikpɔji lɛ anɔ kɛaaba.

Yesaia 45:16

Mɛi fɛɛ ni feɔ amãgãi lɛ, amɛhiɛ aaagboi, ni amɛhiɛ aaashwie shi, amɛ fɛɛ amɛaanyiɛ kɛ hiɛgbele.

Yeremia 12:1

Yehowa, kɛji mi kɛ bo taa naa tete lɛ onɔ jaa; kɛ̃lɛ mikɛ mi sane nɛɛ miifɔ̃ ohiɛ. Mɛni hewɔ mɛi fɔ̃ji agbɛ jaa hãa amɛ, ni kutumpɔfoi shwereɔ lɛ?

Yeremia 23:6

Lɛ eyinɔ lɛ abaahere Yuda yiwala, ni Israel baahi shi shweshweeshwe; ni gbɛi ni akɛbaatsɛ lɛ ji, ‘Yehowa ji wɔjalɛ.’ ”

Yeremia 24:9

Mibahã amɛtsɔ̃ gbeyei nɔ amɛhã shikpɔŋ lɛ nɔ maŋtsɛyelihei fɛɛ; ni abaaye amɛhe fɛo, ni abaabɔ amɛ ahora, ni amɛbaatsɔ̃mɔ mɛi ni alomɔ amɛ yɛ hei fɛɛ ni mibagbɛ amɛ mashwã kɛya lɛ.

Yeremia 3:25

Nyɛhãa wɔhiɛshishwiemɔ lɛ aha wɔnɔ tamɔ mama, ejaakɛ wɔ kɛ wɔtsɛmɛi lɛ, kɛjɛ wɔblahiiaŋ aahu kɛbashi ŋmɛnɛ gbi nɛɛ nɔ lɛ, wɔfee esha wɔshi Yehowa, wɔNyɔŋmɔ lɛ, ni wɔboko Yehowa, wɔNyɔŋmɔ lɛ, gbee toi.”

Yeremia 32:32

yɛ nifɔɔjianii fɛɛ ni Israelbii lɛ kɛ Yudabii lɛ kɛ amɛmaŋtsɛmɛi kɛ amɛlumɛi kɛ amɛsɔfoi kɛ amɛgbalɔi kɛ mɛi fɛɛ ni yɔɔ Yuda kɛ Yerusalɛm lɛ fɛɛ fee ni amɛkɛwo mimli la lɛ hewɔ.

Yeremia 33:16

Nakai be lɛ mli lɛ aaahere Yuda kɛ Yerusalɛm yiwala, ni amɛaahi shi shweshweeshwe; ni gbɛi ni akɛaatsɛ Yerusalɛm ji ‘Yehowa ji wɔjalɛ.’

Yeremia 4:17

Amɛbaabɔle Yerusalɛm he kɛkpe tamɔ ŋmɔ he bulɔi, ejaakɛ Yerusalɛm tse mihiɛ atua.

Yeremia 7:19

Shi mi, Yehowa, miibi akɛ, ‘Aso mi, mimli la amɛwoɔ lɛ lo?’ Ani jeee amɛ diɛŋtsɛ amɛhe mlila amɛwoɔ, ni amɛkɛwoɔ amɛ diɛŋtsɛ amɛhe hiɛgbele lo?

Ezekiel 16:63

Oookai enɛ ni ohiɛ aaagbo, ni okatswa odaaŋ dɔŋŋ yɛ ohiɛgbele lɛ hewɔ, be ni mikɛ nifɔɔjianii ni ofee lɛ fɛɛ efa bo lɛ,” Yehowa kɛɛ.

Ezekiel 36:31

Enɛ baahã nyɛkai nyɛjeŋba fɔŋ ni nyɛba kɛ nii gbohii ni nyɛfee lɛ; ni nyɛ diɛŋtsɛ nyɛhe aaafe nyɛ nyaŋemɔ yɛ eshai ni nyɛfee lɛ kɛ musubɔɔ nii ni nyɛfeefee lɛ ahewɔ.

Ezekiel 5:10

No hewɔ lɛ, tsɛmɛi baagbe amɛbii amɛye yɛ nyɛteŋ, ni bihii baagbe amɛtsɛmɛi amɛye; magbala nyɛtoi! Hiɛkãalɔi ni baashwɛ lɛ, magbɛ amɛ mashwã jeŋ koji ejwɛ lɛ fɛɛ.

Ezekiel 6:12

Mɔ ni yɔɔ sɛɛ shɔŋŋ lɛ gbele hela baagbe lɛ, ni mɔ ni bɛŋkɛ hu baagbo yɛ klante naa, ni mɔ ni abaa eyi ni eshwɛ lɛ hu, hɔmɔ baagbe lɛ. Bɔ ni mimlifu ni naawa lɛ baatsu amɛhe nii kɛyata nɛ.

Daniel 9:14

No hewɔ lɛ, Yehowa, wɔNyɔŋmɔ, enɛ hewɔ ni ohã efɔŋ nɛɛ eba wɔnɔ nɛɛ, ejaakɛ bo lɛ jalɔ ji bo yɛ nii fɛɛ ni ofeɔ gbɛfaŋ; shi wɔ lɛ wɔbooo bo toi.

Daniel 9:18

Ao! MiNyɔŋmɔ, ofainɛ ni obo mi toi; wo ohiɛ nɔ koni okwɛ wɔmaŋfɔ̃i lɛ kɛ maŋ ni akɛ ogbɛi ewo lɛ lɛ. Ejaakɛ wɔbaaa ohiɛ kɛ wɔfaikpamɔ yɛ wɔjalɛ naa; shi moŋ wɔmiikpa bo fai yɛ omusuŋtsɔlɛ kpeteŋkple lɛ hewɔ.

Daniel 9:8

Nuŋtsɔ, hiɛgbele nɛɛ sa wɔ, wɔ kɛ wɔmaŋtsɛmɛi lɛ kɛ wɔlumɛi lɛ kɛ wɔtsɛmɛi lɛ, ejaakɛ wɔfee esha wɔshi bo.

Amos 9:9

“Naa, mibafã, ni mibasha Israelbii lɛ amli yɛ je lɛ mli maji lɛ ateŋ tamɔ akɛ shaanii shaa ŋmaa mli lɛ, ni ŋmaa kuli nɛkɛ egbeŋ shi.

Romabii 6:21

Ni mɛni nyɛna kɛjɛ mli yɛ nakai be lɛ mli? Yibii ni nyɛhiɛ egboi yɛ he agbɛnɛ, ejaakɛ nomɛi anaagbee ji gbele.

5 Mose 32:4

“Tɛsaa ji lɛ, enitsumɔ hi pɛpɛɛpɛ, ejaakɛ nibii fɛɛ ni efeɔ lɛ ja. Nyɔŋmɔ anɔkwafo ji lɛ; nɔ sha ko bɛ ehe; jalɔ kɛ anɔkwafo ji lɛ.

5 Mose 4:27

Yehowa aaagbɛ nyɛ ashwã maji krokomɛi anɔ, ni nyɛyi fioo kɛkɛ aaashwɛ yɛ maji ni Yehowa aaagbɛ nyɛ ashwã kɛaatee lɛ anɔ.