Daniel 9:5 - ŊMALƐ KRƆŊKRƆŊ LƐ

⁵ “Wɔfee esha, ni wɔtɔ̃; wɔfee yitsoŋwalɛ nibii, ni wɔtse ohiɛ atua, ni wɔyeee okitãi kɛ omlai lɛ anɔ.

Ṅmãle̱ Kroṅkroṅ Le̱

⁵ Wo̱fe eša ni wo̱tõ, ni wo̱fe nifõdšianii ni wo̱tše atũa, ni wo̱dše okitãi le̱ ke̱ omlai le̱ ahe wo̱gbá afã,

Daniel 9:5 ပူးပေါင်းရင်းမြစ်များ

2 Maŋtsɛmɛi 18:12

Samaria gbee shi ejaakɛ amɛbooo Yehowa, amɛNyɔŋmɔ lɛ toi, ni amɛtɔ̃ ekpãŋmɔ lɛ kɛ kitãi fɛɛ ni Yehowa tsulɔ Mose wo amɛ lɛ nɔ; amɛbooo toi, ni amɛyeee nɔ hu.

2 Maŋtsɛmɛi 21:15

Ejaakɛ amɛfee efɔŋ ni mihiɔ lɛ yɛ mihiɛ, ni amɛwowoo mimli la kɛjɛ gbi nɔ ni amɛtsɛmɛi lɛ je Ijipt lɛ aahu kɛbashi ŋmɛnɛ gbi nɛɛ.”

Ezra 9:6

ni mikɛɛ “Ao, miNyɔŋmɔ, mihiɛ egbo, ni eefee mi hiɛgbele akɛ mawo mihiɛ nɔ makwɛ ohiɛ, miNyɔŋmɔ; ejaakɛ wɔtɔ̃mɔi lɛ esu wɔ, ni wɔfɔ ni wɔye lɛ da ni ekwɔ tamɔ ŋwɛi.

Lalai 106:6

Wɔ kɛ wɔtsɛmɛi fɛɛ lɛ, wɔfee esha; wɔfee efɔŋ, ni wɔye yiwalɛ sane.

Lalai 119:102

Migbako afã kɛjeko owiemɔi lɛ ahe, ejaakɛ bo otsɔ̃ɔ mi nii.

Lalai 119:176

Midu gbɛ tamɔ too ni elaaje; blɛ baatao mi, otsulɔ, ejaakɛ okitãi lɛ mihiɛ kpako nɔ.

Lalai 18:21

Ejaakɛ miba mijeŋ yɛ Yehowa hiɛ, ni mijeko miNyɔŋmɔ lɛ sɛɛ yɛ gbɛ fɔŋ ko nɔ.

Yesaia 53:6

Wɔ fɛɛ tswɛm wɔtamɔ toi ni edu gbɛ. Wɔteŋ mɔ fɛɛ mɔ ekɔ lɛ diɛŋtsɛ egbɛ, ni Yehowa kɛ wɔ fɛɛ wɔnɔsha lɛ fɔ̃ enɔ.

Yesaia 59:13

Wɔtɔ̃, ni wɔkwa Yehowa, ni wɔkpale yɛ wɔNyɔŋmɔ lɛ sɛɛ. Yiwalɛ kɛ atuatsemɔ wiemɔi wɔwieɔ; amale wiemɔi ni wɔtoɔ yɛ wɔtsuiiaŋ lɛ jeɔ kpo yɛ wɔnaa.

Yesaia 64:4

Ejaakɛ kɛjɛ teteete lɛ anuko dã, ni efoko mɔ ko mɔ ko toi naa dã, ni hiŋmɛi hu enako Nyɔŋmɔ ko yɛ bo osɛɛ ni feɔ nɔ ehaa mɛi ni hiɛ kã enɔ lɛ!

Yeremia 14:20

Ao! Yehowa, wɔmiikpɛ̃lɛ wɔnifɔ̃ɔjianii kɛ wɔtsɛmɛi lɛ hu anifɔ̃ɔjianii lɛ anɔ, ejaakɛ wɔfee esha wɔshi bo.

Yeremia 14:7

‘Wɔnishaianii lɛ miibu wɔ fɔ moŋ; shi Yehowa, ogbɛi lɛ hewɔ lɛ, feemɔ he eko ohã wɔ; tsɛbelɛ wɔsɛɛsɛɛyaa lɛ fa tsɔ̃, ni wɔfee esha wɔshi bo.

Yeremia 3:25

Nyɛhãa wɔhiɛshishwiemɔ lɛ aha wɔnɔ tamɔ mama, ejaakɛ wɔ kɛ wɔtsɛmɛi lɛ, kɛjɛ wɔblahiiaŋ aahu kɛbashi ŋmɛnɛ gbi nɛɛ nɔ lɛ, wɔfee esha wɔshi Yehowa, wɔNyɔŋmɔ lɛ, ni wɔboko Yehowa, wɔNyɔŋmɔ lɛ, gbee toi.”

Yeremia 30:14

Nyɛsuɔlɔi lɛ fɛɛ ahiɛ ekpa nyɛnɔ, jeee amɛhe sane ko ji nyɛ dɔŋŋ, ejaakɛ mitswa nyɛ nɔ tamɔ bɔ nɔŋŋ ni henyɛlɔ baatswa nyɛ nɔ; ejaakɛ nyɛtɔ̃mɔ lɛ da.

Yeremia 44:3

yɛ nifɔɔjianii ni amɛfee amɛkɛwo mimli la lɛ hewɔ. Ejaakɛ amɛtee, ni amɛyashãshãa tsofakɛŋma, ni amɛsɔ̃mɔ nyɔŋmɔi ni amɛ kɛ nyɛ kɛ nyɛtsɛmɛi lɛ fɛɛ leee.

Yāfó 1:18

“Yehowa sane ja, ejaakɛ miyeee ewiemɔ nɔ. Nyɛ majimaji fɛɛ, nyɛboa mi toi, ni nyɛkwɛa nɔnaa mli ni miyɔɔ. Miblahii kɛ miblayei lɛ, aŋɔ amɛ nom kɛtee.

Yāfó 1:20

“Ao! Yehowa, kwɛmɔ mi, ejaakɛ miyɛ hejaramɔ mli; misusuma miina nɔ, ni mitsui miitse yɛ mimli ejaakɛ mitse ohiɛ atua fe nine. Klante miikpãtã mɛi ahiɛ yɛ blohuŋ, ni shĩa teŋ hu, gbele miimɛ.

Yāfó 3:42

“Wɔtɔ̃, ni wɔtse atua, ni, Nyɔŋmɔ, okɛfako wɔ.

Ezekiel 5:6

Yerusalɛm eku mimlai lɛ amli fe majimaji krokomɛi fɛɛ; eku mimlai wuji lɛ hu amli fe shikpɔji krokomɛi ni bɔle ehe kɛkpe lɛ. Ekwa mimlai lɛ ni eyeee mikpɔi lɛ hu anɔ.

Ezekiel 6:9

no lɛ nyɛteŋ mɛi ni eje gbele mli lɛ aaakai mi yɛ majimaji lɛ ateŋ hei ni aŋɔ amɛ nom kɛtee lɛ. Kɛji mikumɔ amɛyiŋ flɛflɛ tsuii ni hã amɛkɛ yiŋ flɛflɛ yanyiɛ amɛmãgãi lɛ asɛɛ lɛ, amɛaanyaŋe amɛ diɛŋtsɛ amɛhe yɛ nifɔɔjianii kɛ musubɔɔ nii ni amɛfee lɛ fɛɛ ahewɔ.

Daniel 9:11

Israel tso muu fɛɛ etɔ̃ omla lɛ, ni amɛyeee omla lɛ nɔ; no hewɔ lɛ, amɛgba afã. Enɛ ehã amɛloo musu ni aŋmã yɛ Mose, otsulɔ lɛ, Mla Wolo lɛ mli lɛ, ejaakɛ wɔfee esha wɔshi bo.

Daniel 9:15

“Ao! Nuŋtsɔ, wɔNyɔŋmɔ ni okɛ nineshiwalɛ jie wɔ, omaŋ lɛ, kɛje Ijipt shikpɔŋ lɛ nɔ, ni okɛna gbɛi kɛbashi ŋmɛnɛ, wɔfee esha, ni wɔwa yi.

Daniel 9:9

Nuŋtsɔ, wɔNyɔŋmɔ, musuŋtsɔlɔ ji bo, ni okɛ esha faa tsɛbelɛ wɔtse ohiɛ atua,

Hosea 1:2

Be ni Yehowa kɛ Hosea bɔ̃i wiemɔ lɛ, ekɛɛ Hosea akɛ, “Yaa ni oyaŋɔ yoo ajwamãŋ koni okɛ lɛ afee oŋa; ni bii ni okɛ lɛ baafɔ lɛ baafee ajwamãŋ bii tamɔ bɔ ni shikpɔŋ lɛ nɔ bii lɛ ekwa mi, ni amɛyeee mi anɔkwa lɛ.”

Maleaki 3:7

Nyɛgba afã yɛ mikpɔi lɛ agbɛfaŋ, tamɔ nyɛtsɛmɛi lɛ hu fee kɛjɛ blema lɛ, ni nyɛyeee amɛnɔ. Nyɛkpalea kɛbaa miŋɔɔ, ni mi hu mibakpale kɛba nyɛŋɔɔ.” Yehowa kɛɛ. “Shi nyɛbiɔ akɛ, ‘Mɛɛ gbɛ nɔ wɔɔtsɔ̃ wɔkpale?’

Hebribii 3:12

Nyɛkwɛa ni ahia, anyɛmimɛi, koni nyɛteŋ mɔ ko akahi tsui fɔŋ ni heee yeee ni ekpale kɛje Nyɔŋmɔ, hiɛkãalɔ lɛ, he.