Daniel 9:3 - ŊMALƐ KRƆŊKRƆŊ LƐ

³ Mihi ŋmãa, ni mibu kpekpe, ni mita lamlu mli kɛmiitao Nuŋtsɔ Nyɔŋmɔ lɛ hiɛgbɛ yɛ sɔlemɔ kɛ faikpamɔ mli.

Ṅmãle̱ Kroṅkroṅ Le̱

³ Ni mitšṍ mihĩe mihã Nuṅtšo̱ Nyoṅmo̱ le̱, koni mike̱ buadayeli ke̱ kpekpe ke̱ lamlu atao so̱lemo̱ ke̱ faikpamo̱ se̱gbe̱.

Daniel 9:3 ပူးပေါင်းရင်းမြစ်များ

2 Samuel 12:16

David sɔle ekpa Nyɔŋmɔ fai ehã gbekɛ lɛ koni ehe awa lɛ; David hi ŋmaa, ni eho ekã shikpɔŋ yɛ etsu lɛ mli nyɔɔŋnyɔɔŋ fɛɛ.

Ezra 10:6

Kɛkɛ ni Ezra te shi yɛ Nyɔŋmɔ We lɛ hiɛ, ni eyiŋ etee Yehohanan, ni ji Eliashib bi lɛ, sɛɛtsu lɛ mli. Ehi jɛi ni eyeee nii lɛ, asaŋ enuuu nu hu, ejaakɛ eeye ŋkɔmɔ yɛ mla ni mɛi ni jɛ nomŋɔɔ mli ba lɛ etɔ̃ lɛ hewɔ.

Ezra 8:21

Kɛkɛ ni mishiɛ yɛ jɛi akɛ ahi ŋmãa yɛ Ahawa Faa lɛ naa, koni wɔba wɔhe shi wɔhã wɔNyɔŋmɔ lɛ ni wɔkpa lɛ fai koni ehã wɔ kɛ wɔbii kɛ wɔnabii fɛɛ afee shweshweeshwe yɛ wɔgbɛfãa lɛ mli.

Ezra 9:5

Be ni gbɛkɛ afɔleshãa be lɛ shɛ lɛ, mite shi kɛ ŋkɔmɔ ni miyeɔ lɛ kɛ mihe atade kɛ mihebo ni etserɛ lɛ, ni miho mikula minakutsei anaa. Migbɛ minijiaŋ mitsɔ̃ɔ Yehowa, miNyɔŋmɔ lɛ,

Nehemia 9:1

Nakai nyɔŋ lɛ nɔ gbi ni ji nyɔŋmai enyɔ kɛ ejwɛ lɛ nɔ lɛ, Israelbii lɛ bakpe. Amɛhi ŋmãa; amɛbumɔ kpekpe, ni amɛkɛ mlu wo amɛyiteŋ.

Ester 4:16

“Yaa ni oyabua Yudafoi ni yɔɔ Susa maŋ lɛ mli fɛɛ anaa kɛkpe; ni nyɛhia ŋmãa, ni nyɛsɔlea nyɛhãa mi. Nyɛkayea nii, ni nyɛkanua nu hu shwaneshwane kɛ nyɔɔŋnyɔɔŋ gbii etɛ̃. Mi hu mi kɛ miblayei lɛ baahi ŋmãa nakai nɔŋŋ. Enɛ sɛɛ lɛ mibaya mayana maŋtsɛ lɛ, tsɛbelɛ mla eŋmɛɛɛ gbɛ nakai. Kɛji miyagbo yɛ no hewɔ po jiŋŋ efeee nɔ ko.”

Hiob 42:6

No hewɔ lɛ, eedɔ mi, ni miishwa mihe yɛ sũ kɛ lamlu mli.”

Lalai 35:13

Shi mi lɛ, be ni amɛhe yeɔ lɛ, mibu kpekpe; mikɛ ŋmaahilɛ wa mihe yi, ni mima miyi shi misɔle,

Yesaia 22:12

Nakai gbi lɛ Nuŋtsɔ Nyɔŋmɔ, Taiatsɛ lɛ, tsɛ koni nyɛfo ni nyɛye ŋkɔmɔ ni nyɛshɛshɛɛ nyɛyi ni nyɛmia kɛ kpekpe.

Yeremia 33:3

“Tsɛ mi, ni mahere bo nɔ, ni magba bo teemɔŋ nibii ni oleee.

Ezekiel 36:37

“Bɔ ni Nuŋtsɔ Yehowa kɛɔ nɛ, mahã Israel we lɛ abi mi enɛ hu ni mafee mahã amɛ; no ji akɛ mahã amɛyi afa tamɔ toiku.

Daniel 6:10

Be ni Daniel na ele akɛ maŋtsɛ lɛ kɛ enine ewo akpɔ ni aŋmã lɛ shishi lɛ, eyiŋ etee ewe. Eŋwɛi pia lɛ he samfɛji lɛ kwɛɔ Yerusalɛm gbɛ kɛji agbele. Ekulaa shi esɔleɔ shii etɛ̃ daa gbi, ni edaa eNyɔŋmɔ lɛ shi. Gbi ko lɛ Daniel yasɔle nakai nɔŋŋ.

Daniel 9:2

Eklɛŋklɛŋ afi lɛ mli, be ni, mi Daniel, mihiɛ woji amli kwɛmɔ lɛ, mina akɛ afii abɔ ni Yehowa kɛɛ Gbalɔ Yeremia akɛ Yerusalɛm baakã shi amaŋfɔ̃ kɛyashi lɛ ji afii nyɔŋmai kpawo.

Daniel 9:20

Be ni misɔleɔ, ni mijajeɔ mihe eshai lɛ kɛ mimaŋbii, Israelbii lɛ, hu ahe eshai lɛ, ni mikpaa Yehowa, miNyɔŋmɔ lɛ, fai yɛ gɔŋ krɔŋkrɔŋ lɛ hewɔ lɛ,

Daniel 9:4

Mikpa Yehowa miNyɔŋmɔ lɛ fai, ni mijaje tɔ̃mɔi mikɛɛ, “Ao! Nuŋtsɔ, bo ji Nyɔŋmɔ kpeteŋkple ni he yɔɔ gbeyei ni yeɔ ekpãŋmɔ nɔ, mɔ ni suɔmɔ sɛɛ efooo hã mɛi ni sumɔɔ lɛ, ni amɛyeɔ ekitãi lɛ anɔ lɛ.

Yoel 1:13

Osɔfoi, nyɛbua kpekpe, ni nyɛwoa yara; Nyɛ afɔleshãa latɛ lɛ he sɔ̃ɔlɔi, nyɛwɔa lele. Nyɛbotea Sɔlemɔ we lɛ, ni nyɛyea ŋkɔmɔ nyɔɔŋnyɔɔŋ fɛɛ, nyɛ miNyɔŋmɔ lɛ sɔ̃ɔlɔi, ejaakɛ niyenii afɔle kɛ dãa afɔle ni akɛyaa nyɛNyɔŋmɔ lɛ we lɛ, atsi naa.

Yoel 2:12

“Shi amrɔ nɛɛ po Yehowa kɛɛ, nyɛshwaa nyɛhe anɔkwale mli, ni nyɛkpalea kɛbaa miŋɔɔ kɛ ŋmaahilɛ kɛ yaafo kɛ ŋkɔmɔyeli.”

Yona 3:5

Ninevebii lɛ he Nyɔŋmɔ nɔ amɛye; ni no hewɔ lɛ, amɛfã akɛ, kɛjɛ mɔ wulu nɔ aahu kɛyashi mɔ bibioo nɔ lɛ, ahi ŋmaa, ni abu kpekpe kɛtsɔ̃ɔ akɛ amɛje amɛhe sɛɛ.

Mateo 17:21

Shi nɛkɛ henɔ nɛɛ, anyɛɛɛ lɛ afã akɛ ja sɔlemɔ kɛ ŋmaahilɛ naa kɛkɛ.]”

Luka 2:37

ni agbɛnɛ okulafo ji lɛ, ni eye afii nyɔŋmai kpaanyɔ kɛ ejwɛ ni ejeee Sɔlemɔ we lɛ kwraa, ejaa Nyɔŋmɔ kɛ ŋmaahilɛ kɛ faikpamɔ nyɔɔŋ kɛ shwane.

Bɔfoi 10:30

Ni Kornelio kɛɛ akɛ, “Ŋmɛnɛ ji gbii ejwɛ aaafee ŋmɛji etɛ̃ mli nɛkɛ pɛ, miisɔle yɛ mishĩa nɛɛ; ni naa, nuu ko ni wo atade kaŋkaŋ badamɔ mihiɛ,