Daniel 9:27 - ŊMALƐ KRƆŊKRƆŊ LƐ

²⁷ Lumɔ nɛɛ kɛ mɛi babaoo baakpãŋ kɛyashi afii kpawo; shi afii etɛ̃ kɛ fã sɛɛ lɛ, lumɔ nɛɛ baagu shãa afɔle kɛ niyenii afɔle shãa kwraa. Abaafee amãgã ni buleɔ He Krɔŋkrɔŋ lɛ ama he ni yɔɔ grɔŋŋ fe fɛɛ yɛ Sɔlemɔ we lɛ mli; ni amãgã nɛɛ baama jɛi kɛyaashi beyinɔ ni Nyɔŋmɔ eto kɛbaagbala mɔ ni kɛ amãgã lɛ bama jɛi lɛ toi aaashɛ.”

Ṅmãle̱ Kroṅkroṅ Le̱

²⁷ Ni eewadše kpãṅmo̱ ehã mei pī otši kome; ni otši le̱ teṅ le̱ eehã afo̱le ke̱ niyenii-afo̱le te̱ afo; ni fĩne no̱ amaṅfõ *nihīnii te aahī, ke̱-yaši beyino̱ ní aafo̱se nyõmo̱wo ta kodšomo̱ aſie fitelo̱ le no. *12,11. Mat. 25,15.

Daniel 9:27 ပူးပေါင်းရင်းမြစ်များ

Yesaia 28:15

Akɛni nyɛkɛɔ akɛ, “Wɔ kɛ gbele ekpãŋ, ni wɔ kɛ gbohiiaje hu eye efua, no hewɔ lɛ, kɛji ekpelebii ni naa wa lɛ miigwao mɛi kɛmiiho lɛ, ebaŋ he ni wɔyɔɔ, ejaakɛ wɔkɛ amale efee wɔbobaahe, ni wɔkɛ wɔhiɛ teɔ kutumpɔo sɛɛ.”

Yesaia 28:22

No hewɔ lɛ, agbɛnɛ nyɛkɛkafea fɛoyeli dɔŋŋ koni akamia kpãi ni fimɔ nyɛ lɛ amli kpɛŋŋ moŋ; ejaakɛ minu akpɔ ni Nuŋtsɔ Nyɔŋmɔ, Taiatsɛ, wo yɛ shikpɔŋ tso muu lɛ fɛɛ hiɛkpãtãmɔ he lɛ.

Yesaia 42:6

“Mi ji Yehowa; mi mitsɛ bo yɛ jalɛ naa. Mimɔ onine mli, ni mibaa oyi; miŋɔ bo mifee kpãŋmɔ mihã maŋ lɛ kɛ la hã majimaji lɛ,

Yesaia 53:11

Esusuma haomɔ lɛ hewɔ lɛ, eeena nii ni aaahã etsui anyɔ emli. Kɛtsɔ̃ mitsulɔ jalɔ lɛ nilee nɔ lɛ, eeehã aŋɔ mɛi babaoo akɛ jalɔi, ni eeetere amɛnishaianii lɛ.

Yesaia 55:3

“Nyɛfea toi, ni nyɛbaa miŋɔɔ! Nyɛboa mi toi, ni nyɛyi aaana wala. Mi kɛ nyɛ baakpãŋ naanɔ kpãŋmɔ, ni ji mimɔbɔnalɛ ni sɛɛ efooo ni mikɛwo David shi lɛ.

Yeremia 7:30

“Ejaakɛ Yudabii lɛ efee nɔ fɔŋ yɛ mihiɛ. Mi, Yehowa, mikɛɛ. Amɛkɛ amɛmãgãi ni mihiɔ lɛ eyamamɔ miSɔlemɔ we ni ajaa mi yɛ mli lɛ mli, ni amɛkɛbule jɛi.

Daniel 11:31

Ebaawo etabilɔi lɛ ekomɛi agbɛ koni amɛyabule Sɔlemɔ we Krɔŋkrɔŋ lɛ kɛ mɔɔ lɛ hu. Amɛbaagu daa gbi afɔlei ni ashãa lɛ, ni amɛkɛ amãgã ni buleɔ Sɔlemɔ we lɛ baama jɛi.

Daniel 11:36

“Siria maŋtsɛ lɛ baafee nɔ ni lɛ etsui taoɔ, ni ebaawo ehe nɔ. Ebaatsɛ ehe agbo fe nyɔŋmɔ fɛɛ nyɔŋmɔ, ni eeewie hepupuumɔ wiemɔ tete eshi nyɔŋmɔi aNyɔŋmɔ Ofe lɛ. Ebaaya nɔ nɛkɛ aahu kɛyaashi Nyɔŋmɔ emiŋ ŋɔɔ dɔŋŋ, ni agbɛnɛ Nyɔŋmɔ baagbala etoi. Nɔ ni Nyɔŋmɔ eto akɛ ebaafee lɛ lɛ, ebaana efee lɛ.

Daniel 12:11

“Kɛji agu daa gbi afɔle ni ashãa lɛ, be ni akɛ amãgã ni buleɔ Sɔlemɔ we lɛ baama shi lɛ, gbii akpe kɛ ohai enyɔ kɛ nyɔŋmai nɛɛhu baaho.

Daniel 7:25

Maŋtsɛ nɛɛ baawie eshi Nyɔŋmɔ Ofe lɛ, ni ebaahã etɔ Ŋwɛi Flooflonyo lɛ mɛi krɔŋkrɔŋi lɛ jogbaŋŋ. Eeeto eyiŋ po akɛ eeetsake Ŋwɛi Flooflonyo lɛ mɛi krɔŋkrɔŋi lɛ ajamɔ mlai lɛ kɛ gbii juji ni amɛyeɔ lɛ fɛɛ, ni ebaaye amɛnɔ kɛyashi afii etɛ̃ kɛ fã.

Daniel 8:13

Kɛkɛ ni minu mɔ krɔŋkrɔŋ ko gbee miiwie, ni minu ni mɔ krɔŋkrɔŋ kroko hu bi mɔ krɔŋkrɔŋ ni wie lɛ akɛ, “Mɛɛ beyinɔ nɔŋŋ ninaa nɛɛ baakã he kɛyashi? Mɛɛ be mlatɔ̃mɔ nɛɛ baatsĩ daa gbi afɔleshãa krɔŋŋ lɛ naa kɛyashi? Ni mɛɛ be nɔŋŋ abaanaanaa ŋwɛi asafo lɛ nɔ, ni abaabule He Krɔŋkrɔŋ lɛ kɛyashi.”

Hosea 3:4

Ejaakɛ nakai pɛ Israel baahi shi gbii pii ni amɛbɛ maŋtsɛ lɛ, amɛbɛ lumɛi hu; asaŋ amɛshãaa afɔle; ni amɛbɛ shiu lɛ amɛbɛ efod kɛ terafim hu ni akɛbiɔ nii.

4 Mose 7:62

Nikeenii lɛ ekomɛi hu ji shika okpolu pɛmpɛoo kome ni tsiimɔ ji shekeli nyɔŋma ni eyi obɔ̃ kɛ tsofakɛŋma

Mateo 24:15

“No hewɔ lɛ, kɛ nyɛna ‘Amaŋfɔ̃ nihiinii lɛ’ ni gbalɔ Daniel wie he lɛ akɛ ema he krɔŋkrɔŋ lɛ (mɔ ni kaneɔ lɛ eyoo sɛɛ!)

Mateo 26:28

Ejaakɛ enɛ ji mila ni ji kpãŋmɔ hee lɛ nɔ lɛ, ni afɔse ashwie shi yɛ mɛi pii ahewɔ hã eshaifaa lɛ.

Mateo 27:51

Ni naa, Sɔlemɔtsu lɛ mli muhɔɔ lɛ mli gba enyɔ kɛjɛ ŋwɛi kɛbayi shi, ni shikpɔŋ hoso, ni tɛsai gbala;

Marko 13:14

“Shi kɛ nyɛna amaŋfɔ̃ nihiinii lɛ akɛ ema he ni esaaa akɛ emaa lɛ, (mɔ ni kaneɔ lɛ, ayoo sɛɛ), no lɛ mɛi ni yɔɔ Yudea lɛ ajo foi aya gɔji lɛ anɔ;

Luka 21:20

“Shi kɛ nyɛna akɛ tai ebɔle Yerusalɛm lɛ, belɛ nyɛnaa nyɛlea akɛ efitemɔ lɛ eshɛ.

Luka 21:24

Ni amɛaanyɔnyɔɔ yɛ klante naa, ni aaaŋɔ amɛ nom kɛaatee jeŋmaji fɛɛ mli, ni jeŋmaji lɛ aaanaanaa Yerusalɛm nɔ kɛyashi beyinɔ ni jeŋmaji abe lɛ aaashɛ.”

Romabii 11:26

Ni nɛkɛ gbɛ nɔ aaatsɔ̃ ahere Israel fɛɛ yiwala, tamɔ bɔ ni aŋma lɛ akɛ, “Jielɔ lɛ aaajɛ Zion aba ni eeebajie nɔshafeemɔ yɛ Yakob he eshɛ efɔ̃;

Romabii 5:15

Shi Nyɔŋmɔ dromɔ nɔkeenɔ lɛ tamɔɔɔ shigbeemɔnɔ lɛ. Ejaakɛ, kɛ mɔ kome lɛ shigbeemɔ lɛ hewɔ ni mɛi pii lɛ gboi lɛ, Nyɔŋmɔ dromɔ lɛ kɛ nɔkeenɔ ni tsɔ̃ gbɔmɔ kome ni ji Yesu Kristo lɛ dromɔ nɔ ba lɛ fa kɛteke nɔ hã mɛi pii lɛ aahu.

Romabii 5:19

Ejaakɛ tamɔ bɔ ni atsɔ̃ gbɔmɔ kome lɛ toigbele lɛ nɔ ahã mɛi pii tsɔ̃mɔ eshafeelɔi lɛ, nakai nɔŋŋ aaatsɔ̃ mɔ kome lɛ toiboo lɛ nɔ ahã mɛi pii hu atsɔ̃mɔ jalɔi.

Hebribii 9:28

nakai nɔŋŋ Kristo hu, akɛni aŋɔ lɛ ahã shi kome koni etere mɛi pii ahe eshai kɛya lɛ, nɔ ni ji shii enyɔ lɛ eeeshi esha ebapue ehã mɛi ni kwɛɔ lɛ gbɛ lɛ ni ehere amɛyiwala.