Daniel 9:26 - ŊMALƐ KRƆŊKRƆŊ LƐ

²⁶ Nɛkɛ be nɛɛ naagbee mli lɛ, abaagbe hiɛnyiɛlɔ ni Nyɔŋmɔ efɔ lɛ mu lɛ trukaa, ni enaŋ mɔ ko; ni lumɔ ni baa abaye nɔ lɛ webii lɛ baafite Yerusalɛm maŋ lɛ kɛ He Krɔŋkrɔŋ lɛ. Ta kɛ nibii ahiɛkpãtãmɔ baaba tamɔ nu afua yɛ be lɛ naagbee nɛɛ mli, tamɔ bɔ ni Nyɔŋmɔ ewo shi eto lɛ.

Ṅmãle̱ Kroṅkroṅ Le̱

²⁶ Ni otšii nyoṅmai-ekpa ke̱ enyo̱ le̱ se̱ le̱ aafo moni afo̱le̱ mū le̱ aše̱ afõ, ni enáṅ moko; ši lumo̱ ní baba le̱ maṅbii te aafite maṅ te ko hekroṅkroṅ te, ni enāgbē le̱ aatamo̱ nu afua, ni ta aakã he *ke̱-yaši nāgbē; amā amaṅfõfemo̱ no̱ mĩ́. *Luk. 21,25.

Daniel 9:26 ပူးပေါင်းရင်းမြစ်များ

2 Samuel 21:5

Gibeonbii lɛ to he akɛ, “Saul tao akɛ ekpãtã wɔhiɛ kɛbule wɔshishi kwraa yɛ Israel,

Lalai 22:15

Misɛŋ egbi tamɔ ŋɛsuko mli, mililɛi ekpɛtɛ midaaŋ; ni oshi mi oŋmɛ su mli tamɔ gbonyo.

Yesaia 28:2

Naa, Nuŋtsɔ lɛ yɛ hewalɔ kɛ kãkãlɔ ko; etamɔ nyɔŋmɔŋtɛ ni miinɛ kɛ ahum ni kpãtãa nii ahiɛ; etamɔ nu ni eje ŋa ni eeho boboobo, ni ekɛ ehewalɛ baaloo nibii etswia shi.

Yesaia 28:22

No hewɔ lɛ, agbɛnɛ nyɛkɛkafea fɛoyeli dɔŋŋ koni akamia kpãi ni fimɔ nyɛ lɛ amli kpɛŋŋ moŋ; ejaakɛ minu akpɔ ni Nuŋtsɔ Nyɔŋmɔ, Taiatsɛ, wo yɛ shikpɔŋ tso muu lɛ fɛɛ hiɛkpãtãmɔ he lɛ.

Yesaia 53:8

Aye lɛ toikɔdɔmɔ sane, ni aŋɔ lɛ kɛtee. Namɔ aaanyɛ asusu nɔ ni aaaba enɔ? Ejaakɛ asha lɛ kɛje hiɛkãalɔi ashikpɔŋ lɛ nɔ kɛtee. Mimaŋbii lɛ atɔ̃mɔi ahewɔ apiŋ lɛ lɛ!

Yesaia 8:7

No hewɔ lɛ, naa, Nuŋtsɔ lɛ kɛ Asiria maŋtsɛ kɛ eta lɛ fɛɛ miiba koni amɛbatua amɛ.

Yeremia 46:7

Namɔ po ji mɔ ni efã kɛbaa tamɔ Nilo Faa nɛɛ, ni tamɔ faa ni esram nɔ nɛɛ?

Yeremia 51:42

Ŋshɔ tete egri ewo Babilon, ni ŋshɔkei wujiwuji ni gbɛɔ lɛ ebaha enɔ.

Daniel 11:10

“Siria maŋtsɛ lɛ bihii baabua tabilɔi babaoo anaa amɛkɛsaa amɛhe amɛhã ta. Ta ku lɛ eko baafã, ni ebaakpãtã nɔ fɛɛ nɔ ni yɔɔ egbɛ nɔ hiɛ, tamɔ faa ni eyi kɛteke nɔ. Abaawu ta lɛ aahu kɛyanina Ijipt maŋtsɛ mɔɔ lɛ diɛŋtsɛ.

Daniel 11:17

Siria maŋtsɛ lɛ baato eyiŋ akɛ ekɛ emaŋtsɛyeli lɛ mli tabilɔi bluublu baaba abatua Ijipt. Shi ebaatsɔ̃ ŋaa, ni ekɛ Ijipt baakpãŋ, ni ebaaŋɔ ebiyoo ehã Ijipt maŋtsɛ lɛ gbãlã koni ekɛgbɔjɔ Ijipt maŋtsɛyeli lɛ; shi moŋ eyiŋtoo nɛɛ yeŋ omanye.

Daniel 11:22

Tabilɔi fɛɛ ni aaate shi awo lɛ lɛ, ebaabɛɛ amɛ eshwie. Nakai nɔŋŋ ebaafee kpãŋmɔ lɛ lumɔ lɛ diɛŋtsɛ.

Daniel 11:36

“Siria maŋtsɛ lɛ baafee nɔ ni lɛ etsui taoɔ, ni ebaawo ehe nɔ. Ebaatsɛ ehe agbo fe nyɔŋmɔ fɛɛ nyɔŋmɔ, ni eeewie hepupuumɔ wiemɔ tete eshi nyɔŋmɔi aNyɔŋmɔ Ofe lɛ. Ebaaya nɔ nɛkɛ aahu kɛyaashi Nyɔŋmɔ emiŋ ŋɔɔ dɔŋŋ, ni agbɛnɛ Nyɔŋmɔ baagbala etoi. Nɔ ni Nyɔŋmɔ eto akɛ ebaafee lɛ lɛ, ebaana efee lɛ.

Daniel 9:27

Lumɔ nɛɛ kɛ mɛi babaoo baakpãŋ kɛyashi afii kpawo; shi afii etɛ̃ kɛ fã sɛɛ lɛ, lumɔ nɛɛ baagu shãa afɔle kɛ niyenii afɔle shãa kwraa. Abaafee amãgã ni buleɔ He Krɔŋkrɔŋ lɛ ama he ni yɔɔ grɔŋŋ fe fɛɛ yɛ Sɔlemɔ we lɛ mli; ni amãgã nɛɛ baama jɛi kɛyaashi beyinɔ ni Nyɔŋmɔ eto kɛbaagbala mɔ ni kɛ amãgã lɛ bama jɛi lɛ toi aaashɛ.”

Hosea 1:9

Kɛkɛ ni Yehowa kɛɛ Hosea akɛ, “Wo abifao lɛ gbɛi akɛ, Lo-Ammi ‘Nyɛjeee mimaŋ,’ ejaakɛ Israelbii jeee mimaŋ dɔŋŋ, ni mi hu jeee amɛNyɔŋmɔ ji mi.”

Amos 8:8

Ni no hewɔ lɛ, shikpɔŋ lɛ baahoso, ni enɔ gbɔmɛi fɛɛ baaye awerɛhoo. Shikpɔŋ lɛ nɔ baafee hamahama tamɔ bɔ ni Nilo Faa lɛ yiɔ, ni ekuɔ, ni asaŋ ekpɔŋɔ lɛ.”

Amos 9:5

Nuŋtsɔ Nyɔŋmɔ lɛ, mɔ ni kɛ́ enine sa je lɛ he kɛkɛ lɛ je lɛ miihoso, ni emli gbɔmɛi fɛɛ yeɔ awerɛhoo, mɔ ni hãa je lɛ yiɔ ni ekpɔ̃ŋɔ tamɔ Nilo Faa lɛ,

Nahum 1:8

Shi ebaa tamɔ faa ni eje ŋã, ni ebakpãtãa ehenyɛlɔi ahiɛ; etiuɔ ehenyɛlɔi kɛyashiɔ egbeɔ amɛ.

Mateo 22:2

“Ŋwɛi maŋtsɛyeli lɛ tamɔ maŋtsɛ ko ni kpee yoo ehã ebinuu.

Mateo 22:7

Shi be ni maŋtsɛ lɛ nu lɛ, emli fu, ni etsu etabilɔi, ni amɛyagbe nɛkɛ gbɔmɔgbelɔi nɛɛ, ni ashã amɛmaŋ lɛ.

Mateo 23:38

Naa, ashi nyɛwe lɛ amaŋfɔ̃ ahã nyɛ!

Mateo 24:2

Shi Yesu kɛɛ amɛ akɛ, “Te nyɛmiina nii nɛɛ fɛɛ? Anɔkwale mikɛɔ nyɛ akɛ, ashiŋ tɛ kome yɛ eko nɔ yɛ biɛ ni akpãŋ aluŋ shi.”

Marko 13:2

Ni Yesu here nɔ ni ekɛɛ lɛ akɛ, “Oona nɛkɛ tsui kpeteŋkplei nɛɛ? Ashiŋ tɛ kome yɛ ekroko nɔ ni atsiŋ atswaŋ shi.”

Marko 13:7

Shi kɛ nyɛnu tai kɛ tai asaji ahe lɛ, nyɛkahaoa, ejaakɛ ja nɛkɛ nibii nɛɛ ba mli, shi asaŋ naagbee lɛ shɛko.

Marko 9:12

Eto he ekɛɛ amɛ akɛ, “Elia baaba dã lɛɛlɛŋ ni ebato nibii fɛɛ gbɛjianɔ ekoŋŋ. Shi mɛɛba mɔ ni aŋma yɛ Gbɔmɔ Bi lɛ he akɛ eeena amanehulu pii, ni aaaŋɔ lɛ akɛ mɔ ko ni abuuu lɛ lɛ?

Luka 21:24

Ni amɛaanyɔnyɔɔ yɛ klante naa, ni aaaŋɔ amɛ nom kɛaatee jeŋmaji fɛɛ mli, ni jeŋmaji lɛ aaanaanaa Yerusalɛm nɔ kɛyashi beyinɔ ni jeŋmaji abe lɛ aaashɛ.”

Luka 21:6

“Enɛɛmɛi fɛɛ ni nyɛnaa nɛɛ, gbii aaaba ni ashiŋ emli tɛ kome yɛ ekroko nɔ ni atsiŋ atswaŋ shi.”

Luka 24:26

Ani jeee sa esa akɛ Kristo lɛ ana nɛkɛ amanehului nɛɛ ni ebote enunyam lɛ mli?”

Luka 24:46

Ni ekɛɛ amɛ akɛ, “Nɛkɛ aŋma, ni nɛkɛ esa akɛ Kristo lɛ ana amanehulu ni ete shi kɛjɛ gbohii ateŋ yɛ gbi ni ji etɛ̃ lɛ nɔ;

Yohane 14:30

Mikɛ nyɛ ewieŋ nibii pii dɔŋŋ, ejaakɛ je lɛ mli lumɔ lɛ miiba, ni ebɛ hewalɛ ko yɛ minɔ;

2 Korintobii 5:21

Ejaakɛ mɔ ni leee esha lɛ, wɔhewɔ lɛ ehã etsɔ̃ esha, koni wɔ lɛ wɔtsɔ̃mɔ Nyɔŋmɔ jalɛ yɛ emli.

Galatabii 3:13

Kristo kpɔ̃ wɔ kɛjɛ Mla lɛ loomɔ lɛ mli, akɛni etsɔ̃ loomɔ ehã wɔ lɛ, ejaakɛ aŋma akɛ, “Alomɔ mɔ fɛɛ mɔ ni tsotsoro tso nɔ lɛ;”

1 Petro 2:21

Ejaakɛ enɛ hewɔ atsɛ nyɛ, ejaakɛ Kristo hu na amanehulu ehã nyɛ ni ekɛfee nɔkwɛmɔnɔ ehã nyɛ, koni nyɛnyiɛ enanemaahei lɛ asɛɛ.

1 Petro 2:24

Kristo diɛŋtsɛ etere wɔhe eshai lɛ yɛ egbɔmɔtso lɛ mli kɛtee sɛŋmɔtso lɛ nɔ, koni wɔfee tamɔ mɛi ni egboi yɛ esha gbɛfaŋ ni wɔhiɛ akamɔ yɛ jalɛ gbɛfaŋ lɛ; lɛ ehe faji akɛtsa nyɛ lɛ.

1 Petro 3:18

Ejaakɛ Kristo hu na amanehulu yɛ eshai ahewɔ shi kome, lɛ jalɔ lɛ yɛ mɛi ni ejaaa lɛ anajiaŋ, koni ekɛ wɔ aya Nyɔŋmɔ ŋɔɔ. Ni agbe lɛ yɛ heloo gbɛfaŋ moŋ, shi ahã lɛ wala yɛ mumɔ gbɛfaŋ.