Daniel 9:24 - ŊMALƐ KRƆŊKRƆŊ LƐ

²⁴ “Be ni Nyɔŋmɔ eto ni ekɛbaafo omaŋbii lɛ kɛ omaŋ krɔŋkrɔŋ lɛ eshai kɛ nifɔɔjianii ni afee lɛ sɛɛ lɛ ji afii nyɔŋmai kpawo toi kpawo; abaafo eshafeemɔ sɛɛ; abaakpãtã eshafeelɔ kɛ Nyɔŋmɔ teŋ; ni jalɛ saneyeli aaabaye nɔ kɛya naanɔ; abaawo ninaa kɛ gbalɛ fɛɛ obɔ̃; ni abaasaa ajɔɔ He Krɔŋkrɔŋ lɛ nɔ ekoŋŋ.

Ṅmãle̱ Kroṅkroṅ Le̱

²⁴ Otšii nyoṅmai-kpawo ato ahã omaṅbii le̱ ke̱ omaṅ kroṅkroṅ le̱, ní ake̱-gbe mlatšõmo̱ le̱ nā, ní ake̱-so̱o ešai anā, ní ake̱-kpãtã ye̱ nišaianii ahewo̱, ní ake̱ nāno dšale aba, ní ake̱-so̱o ninā ke̱ gbale̱ nā, ní ake̱-fo̱ hekroṅkroṅ fè fẽ le̱ mũ.

Daniel 9:24 ပူးပေါင်းရင်းမြစ်များ

2 Kronika 29:24

No sɛɛ lɛ, osɔfoi lɛ gbe too kpakpoi lɛ, ni akɛ amɛlã lɛ fee Israel he esha hefaikpamɔ afɔle yɛ afɔleshãa latɛ lɛ nɔ. Ejaakɛ maŋtsɛ lɛ efã akɛ shãa afɔle lɛ kɛ esha he afɔle lɛ ashã fɛɛ ahã Israel akutsei lɛ fɛɛ.

Lalai 2:6

Ekɛɛ, “Miwo mimaŋtsɛ yɛ Zion, migɔŋ krɔŋkrɔŋ lɛ nɔ.”

Lalai 45:7

Osumɔɔ jalɛ saneyeli, ni onyɛɔ efɔŋfeemɔ. No hewɔ ni Nyɔŋmɔ, oNyɔŋmɔ lɛ, ehã oyi obɔ̃ kɛ miishɛɛ fe onanemɛi maŋtsɛmɛi fɛɛ lɛ.

Yesaia 42:4

Enitsumɔ naa baŋ shi, ni enijiaŋ ejeŋ wui kɛyaashi beyinɔ ni eeehã jalɛ saneyeli amã shi yɛ shikpɔŋ lɛ nɔ. Ŋshɔnaa maji lɛ miikwɛ emla gbɛ.”

Yesaia 51:6

Nyɛwoa nyɛhiɛ nɔ nyɛkwɛa ŋwɛi; ni nyɛkwɛa shikpɔŋ ni yɔɔ ŋwɛi shishi hu. Ejaakɛ ŋwɛi baalaaje tamɔ lasu, ni shikpɔŋ lɛ baasuu tamɔ atade ni enɔ gbɔmɛi aaagboi tamɔ adɔdɔji; shi miyiwalaheremɔ lɛ aaahi shi kɛaatee naanɔ, ni mikpɔmɔ lɛ bɛ naagbee.

Yesaia 51:8

Ejaakɛ amɛhiɛ aaakpãtã tamɔ mama ni omlɛgɛ eye, loo kuŋtu ni gɔgɔmii eye. Shi mikpɔmɔ lɛ aaahi shi kɛaatee naanɔ; ni miyiwalaheremɔ lɛ aaahi shi yinɔi fɛɛ.

Yesaia 56:1

Bɔ ni Yehowa kɛɛ nɛ, “Nyɛyea jalɛ sane, ni nyɛfea nɔ ni ja, ejaakɛ midɛŋ yiwalaheremɔ lɛ eshɛ shi etã, ni abaajie lɛ kpo atsɔ̃ɔ.

Yesaia 61:1

Nuŋtsɔ Yehowa mumɔ lɛ yɛ minɔ. Efɔ mi mu, ni etsu mi koni mibashiɛ Sanekpakpa lɛ mitsɔ̃ɔ ohiafoi. Etsu mi koni mibashɛje mɛi ni efee bliboo kɛ awerɛho lɛ amii, koni mishiɛ heyeli mitsɔ̃ɔ nomii lɛ, kɛ mɛi ni awo amɛ tsuŋ lɛ.

Yāfó 4:22

Ao! Zion, agbe otoigbalamɔ yɛ onishaianii lɛ ahewɔ lɛ naa. Nuŋtsɔ lɛ haŋ ohi nomŋɔɔ mli dɔŋŋ; shi moŋ bo Edom, ebaagbala otoi yɛ onishaianii lɛ ahewɔ; ebaahã ohe eshai lɛ abakã kpo nɔ.

Ezekiel 28:12

“Gbɔmɔ Adesa, ye Tiro maŋtsɛ lɛ ŋkɔmɔ, koni okɛɛ lɛ akɛ bɔ ni Nuŋtsɔ Yehowa kɛɔ nɛ: bo lɛ, osɛɛ lɛ mɔ ko bɛ, ole nii jogbaŋŋ, ni ohe yɛ fɛo kɛwula shi.

Ezekiel 4:5

Miiŋɔ amɛ afii ohai etɛ̃ kɛ nyɔŋmai nɛɛhu toigbalamɔ be lɛ mafee gbii ohai etɛ̃ kɛ nyɔŋmai nɛɛhu mahã bo. Nɛkɛ be nɛɛ fɛɛ lɛ obaatere Israelbii lɛ atɔ̃mɔ lɛ.

Ezekiel 4:6

Kɛ ogbe nakai gbii lɛ anaa lɛ, obaakã shi ekoŋŋ, nɔ ni ji shii enyɔ, agbɛnɛ lɛ kã oninejurɔ nɔ, ni okɛtere Yuda we lɛ tɔ̃mɔ lɛ. Mihao gbii nyɔŋmai ejwɛ ni okɛkã shi, ni gbi kome lɛ afi ni.

3 Mose 25:8

“Nyɛkanea shikpɔŋ lɛ hejɔɔmɔ afi nɛɛ toi kpawo, no ji afii kpawo kpawo toi kpawo. Enɛ feɔ afii nyɔŋmai ejwɛ kɛ nɛɛhu.

3 Mose 8:15

Mose gbe tsinanuu lɛ. Ekɛ ewao tsɔ lá lɛ eko, ni ekɛkpa afɔleshãa latɛ lɛ koji lɛ ahe kɛkpe, koni ekɛtsuu he. Mose tsi lá ni eshwɛ lɛ eshwie afɔleshãa latɛ lɛ shishi. Efee enɛ ekɛtsuu afɔleshãa latɛ lɛ he, ni ejɔɔ nɔ ehã Yehowa.

Zakaria 4:14

Kɛkɛ ni ekɛɛ mi akɛ, “Nibii nɛɛ damɔ shi hã mɛi enyɔ ni ahala amɛ, ni afɔ amɛ mu koni amɛsɔmɔ Yehowa mɔ ni ji jeŋ fɛɛ Nuŋtsɔ lɛ.”

4 Mose 14:34

Gbii nyɔŋmai ejwɛ lɛ ni nyɛye nyɛkɛsara shikpɔŋ lɛ, emli gbi kome fɛɛ gbi kome baatsɔ afi ahã nyɛ, ni nyɛbaana nɔ afii nyɔŋmai ejwɛ yɛ nyɛtoigbele lɛ hewɔ koni nyɛkɛna akɛ mikwa nyɛ.

Mateo 1:21

ebaafɔ binuu, ni ooowo lɛ gbɛi akɛ Yesu, ejaakɛ lɛ ebaahere emaŋ lɛ yiwala kɛjɛ amɛhe eshai lɛ amli.”

Mateo 11:13

Shi gbalɔi lɛ fɛɛ kɛ Mla lɛ gba kɛbashi Yohane nɔ.

Mateo 4:5

Kɛkɛ ni abonsam lɛ ŋɔ lɛ kɛtee maŋ krɔŋkrɔŋ lɛ mli, ni ekɛ lɛ yadamɔ Sɔlemɔ we lɛ yiteŋ he ni yɔɔ shɔ̃shɔ̃ɔshɔ̃ lɛ,

Marko 1:24

“Mɛɛ sane wɔkɛ bo yɔɔ, Yesu Nazarenyo? Oba wɔhiɛ kpãtãmɔ? Mile mɔ ni ji bo. Bo ji Nyɔŋmɔ Mɔ krɔŋkrɔŋ lɛ!”

Luka 1:35

Ni bɔfo lɛ to he ekɛɛ lɛ akɛ, “Mumɔ Krɔŋkrɔŋ aaaba onɔ. Ni Ŋwɛinyo lɛ hewalɛ aaabaha onɔ, No hewɔ lɛ, nakai bi krɔŋkrɔŋ lɛ hu ni ooofɔ lɛ, aaatsɛ lɛ Nyɔŋmɔ Bi.

Luka 21:22

Ejaakɛ oweletɔɔ gbii lɛ nɛ, koni nibii fɛɛ ni aŋma lɛ aba mli.

Yohane 1:41

Lɛ eyana lɛ diɛŋtsɛ enyɛmi Simon tsutsu, ni ekɛɛ lɛ akɛ, “Wɔna Mesia (ni eshishi ji Kristo,) loo (mɔ ni afɔ lɛ mu) lɛ.”

Yohane 3:34

Ejaakɛ mɔ ni Nyɔŋmɔ tsu lɛ, Nyɔŋmɔ wiemɔi ewieɔ; ejaakɛ jeee susumɔ Nyɔŋmɔ susuɔ Mumɔ lɛ ehãa lɛ.

Bɔfoi 3:14

Shi nyɛ lɛ, nyɛkwa Mɔ Krɔŋkrɔŋ kɛ Jalɔ lɛ, ni nyɛkpa fai akɛ akɛ gbɔmɔ awuyelɔ moŋ ake nyɛ,

Bɔfoi 3:22

Ejaakɛ Mose kɛɛ akɛ, ‘Nuŋtsɔ, nyɛNyɔŋmɔ lɛ, aaatee gbalɔ ko ni tamɔ mi shi kɛaajɛ nyɛnyɛmimɛi lɛ ateŋ ahã nyɛ; nyɛboa lɛ toi yɛ nibii fɛɛ ni eeewie etsɔ̃ɔ nyɛ lɛ mli.

Bɔfoi 4:26

Shikpɔŋ nɔ maŋtsɛmɛi lɛ ete shi edamɔ shi, ni lumɛi lɛ hu anaa ebakpe shi ewo Nuŋtsɔ lɛ kɛ mɔ ni efɔ lɛ mu lɛ!’

Romabii 5:10

Ejaakɛ kɛ be mli ni wɔji henyɛlɔi lɛ ni akɛ Nyɔŋmɔ Bi lɛ gbele lɛ bakpãtã wɔ kɛ Nyɔŋmɔ teŋ lɛ, agbɛnɛ ni akpãtã wɔteŋ nɛɛ, aaahere wɔyiwala yɛ ewala lɛ mli aahu.

1 Korintobii 1:30

Shi lɛ ejɛ ni nyɛyɔɔ Kristo Yesu, mɔ ni tsɔ̃ nilee ni jɛ Nyɔŋmɔ ŋɔɔ kɛ jalɛ kɛ hetsuumɔ kɛ kpɔ̃mɔ ehã wɔ lɛ mli;

Filipibii 3:9

ni ana mi yɛ emli, akɛ mibɛ mi diɛŋtsɛ mijalɛ ni jɛ Mla mli, shi moŋ jalɛ ni tsɔ̃ Kristo nɔ hemɔkɛyeli nɔ ni jɛ Nyɔŋmɔ dɛŋ yɛ hemɔkɛyeli naa miyɔɔ,

Kolosebii 1:20

Nyɔŋmɔ tsɔ̃ esɛŋmɔtso nɔ lá lɛ nɔ ekɛ hejɔlɛ ba, ni etsɔ̃ enɔ ekɛ nibii fɛɛ kpãtã, nii ni yɔɔ shikpɔŋ lɛ nɔ kɛ nii ni yɔɔ ŋwɛi lɛ.

Kolosebii 2:14

Ni egbe wɔnyɔmɔ ni wɔhiɛ ni aŋma kɛ ekpɔi lɛ, ni ejie kɛtee, ni ekala ekpɛtɛ sɛŋmɔtso lɛ he.

Hebribii 10:14

Ejaakɛ afɔle kome ni eshã lɛ, ekɛhã mɛi ni atsuu amɛhe lɛ ehi kɛwula shi nyɔŋlo.

Hebribii 2:17

No hewɔ lɛ, nibii fɛɛ gbɛfaŋ lɛ esa akɛ etamɔ enyɛmimɛi lɛ, koni etsɔ̃ mɔbɔnalɔ kɛ anɔkwa osɔfonukpa yɛ Nyɔŋmɔ hiɛ, koni ekpãtã ehã maŋ lɛ yɛ amɛhe eshai lɛ ahewɔ.

Hebribii 7:26

Ejaakɛ Yesu lɛ Osɔfonukpa ni sa wɔ pɛ nɛ. Mɔ ni he tse, ni efɔŋ ko bɛ ehe, ni ehe bɛ kpa ko, ni etse ehe kɛjɛ esha he, ni awo enɔ ahã ekwɔ fe ŋwɛii.

Hebribii 9:26

ejaakɛ nakai ni kulɛ, esa akɛ ena amanehulu kpitiokpitio kɛjɛ jeŋ shishijee beebe; shi agbɛnɛ lɛ shi kome kɛkɛ ajie lɛ kpo yɛ bei lɛ anaagbee lɛ mli, koni ekɛ lɛ diɛŋtsɛ ehe ni ekɛshã afɔle lɛ ajie esha lɛ.

2 Petro 1:1

Simon Petro ni ji Yesu Kristo tsulɔ kɛ bɔfo lɛ ŋma yahã mɛi ni nine eshɛ hemɔkɛyeli ni jara wa tamɔ wɔnɔ lɛ nɔŋŋ nɔ kɛtsɔ̃ wɔNyɔŋmɔ kɛ wɔyiwalaherelɔ Yesu Kristo jalɛ lɛ nɔ lɛ.

1 Yohane 3:8

Mɔ ni feɔ esha lɛ, ejɛ abonsam mli; ejaakɛ kɛjɛ shishijee beebe lɛ, abonsam feɔ esha. Enɛ hewɔ Nyɔŋmɔ Bi lɛ jie ehe kpo koni efite abonsam nitsumɔi lɛ.

Kpojiemɔ 14:6

Ni mina bɔfo kroko miifiliki yɛ ŋwɛi teŋ, ni ehiɛ naanɔ Sanekpakpa ni eyaajaje etsɔ̃ɔ mɛi ni yɔɔ shikpɔŋ lɛ nɔ kɛjɛ jeŋmaŋ fɛɛ jeŋmaŋ kɛ akutso fɛɛ akutso kɛ maji anɔ wiemɔi fɛɛ kɛ maŋ fɛɛ maŋ mli.

Kpojiemɔ 3:7

“Ni Filadelfia asafo lɛ bɔfo lɛ; ŋmaa oyahã lɛ akɛ, “Nii ni mɔ krɔŋkrɔŋ lɛ, anɔkwafo lɛ, mɔ ni hiɛ David samfee lɛ, mɔ ni gbeleɔ ni mɔ ko ŋaaa, ni eŋaa hu ni mɔ ko gbeleee lɛ kɛɛ nɛ,