Daniel 9:20 - ŊMALƐ KRƆŊKRƆŊ LƐ

²⁰ Be ni misɔleɔ, ni mijajeɔ mihe eshai lɛ kɛ mimaŋbii, Israelbii lɛ, hu ahe eshai lɛ, ni mikpaa Yehowa, miNyɔŋmɔ lɛ, fai yɛ gɔŋ krɔŋkrɔŋ lɛ hewɔ lɛ,

Ṅmãle̱ Kroṅkroṅ Le̱

²⁰ Ni beni miwieo̱ lolo, ni miso̱leo̱, ni midšadšeo̱ mihe ešai le̱ ke̱ mimaṅ Israel he ešai le̱, ni mike̱ mifaikpamo̱ le̱ ſieo̱ Iehowa; mi-Nyoṅmo̱ le̱, hĩe mihãa mi-Nyoṅmo̱ le̱ goṅ kroṅkroṅ le̱, —

Daniel 9:20 ပူးပေါင်းရင်းမြစ်များ

Ezra 10:1

Shi be mli ni Ezra sɔleɔ ekpaa fai ni ekɛ ehe tswiaa shi yɛ Nyɔŋmɔ We lɛ hiɛ, ni ejajeɔ eshai ni Israel efee lɛ, Israelbii lɛ ateŋ mɛi babaoo diɛŋtsɛ, hii kɛ yei kɛ gbekɛbii, babua amɛhe naa kɛbɔle lɛ. Amɛmiifo blobloblo.

Nehemia 1:6

Kwɛmɔ, ni oka otoi ohã fai ni mi, otsulɔ, mikpaa bo nyɔɔŋ kɛ shwane mihãa otsuji Israelbii lɛ. Miijaje akɛ wɔ, Israelbii, wɔfee esha wɔshi bo; ni mi kɛ mitsɛwe lɛ fɛɛ yeɔ fɔ yɛ enɛ mli.

Lalai 145:18

Yehowa bɛŋkɛ mɛi fɛɛ ni tsɛɔ lɛ lɛ; ebɛŋkɛɔ mɛi fɛɛ ni tsɛɔ lɛ yɛ anɔkwale mli lɛ.

Lalai 32:5

Mijaje mihe esha lɛ mitsɔ̃ɔ bo, ni minifɔɔjianii lɛ mitsimɔ̃ɔɔ nɔ. Mikɛɛ akɛ, “Majaje mitɔmɔi lɛ matsɔ̃ɔ Yehowa.” Kɛkɛ ni okɛ mihe esha kɛ tɔ̃mɔ lɛ fa mi.

Jajelɔ 7:20

Anɔkwa, adesa ko bɛ shikpɔŋ nɛɛ nɔ ni ekpakpa sɔŋŋ kɛkɛ efeɔ, ni efeee esha.

Yesaia 56:7

amɛ ji mɛi ni mikɛaaba Zion, ni ji migɔŋ krɔŋkrɔŋ lɛ nɔ, ni maha amɛnya yɛ miSɔlemɔ we lɛ. Amɛshãa afɔlei lɛ kɛ amɛfɔlei krokomɛi lɛ aaasa mihiɛ yɛ mifɔleshãa latɛ lɛ nɔ. Ejaakɛ aaatsɛ miwe lɛ akɛ gbɔmɛi fɛɛ aSɔlemɔ we.

Yesaia 58:9

Kɛkɛ lɛ ooobo otsɛ, ni Yehowa aaahere bo nɔ; ooobo otsɛ yelikɛbuamɔ, ni eeekɛɛ akɛ ‘Naa mi!’ “Kɛji nyɛkpa mɛi gboklɛwoo yɛ nyɛteŋ, ni nyɛkpa wao kɛmɔtsɔɔmɔ kɛ mɔ he efɔŋ wiemɔ,

Yesaia 6:5

Kɛkɛ ni mikɛɛ akɛ, “Kpoo hã mi, shi milaaje! Ejaakɛ gbɔmɔ ni naabu he tseee ji mi; ni miyɛ maŋ ni emli bii awiemɔi ahe tseee ateŋ, ejaakɛ mihiŋmɛii ena maŋtsɛ ni ji Yehowa, Taiatsɛ lɛ!”

Yesaia 65:24

Ni aaaba mli akɛ dani amɛaatsɛ mi lɛ mahere amɛ nɔ, ni be ni amɛwieɔ lolo lɛ, mabo amɛtoi.

Daniel 10:12

Kɛkɛ ni ekɛɛ mi akɛ, “Daniel, kaashe gbeyei! Ejaakɛ Nyɔŋmɔ enu sɔlemɔi ni osɔle kɛjɛ klɛŋklɛŋ gbi nɔ ni okpɛ oyiŋ akɛ obaaba ohe shi ohã Nyɔŋmɔ. Anu osɔlemɔ lɛ, ni no hewɔ miba nɛɛ.

Daniel 10:2

Nakai be lɛ mli lɛ, mi Daniel, mina otsii etɛ̃ sɔŋŋ ni miiye ŋkɔmɔ.

Daniel 11:45

Ebaamamɔ abladei abui ni eyɔɔ lɛ yɛ ŋshɔ lɛ kɛ Gɔŋ Krɔŋkrɔŋ lɛ teŋ shikpɔŋ lɛ nɔ; shi moŋ jɛi enaagbee baaba yɛ, ni mɔ ko mɔ ko yeŋ ebuaŋ lɛ.”

Daniel 9:16

Ao! Nuŋtsɔ, yɛ ojalɛ saneyeli hewɔ lɛ, ofainɛ, foo omli ni efu Yerusalɛm kɛ omli ni ewo lɛ la lɛ sɛɛ. Bo diɛŋtsɛ omaŋ kɛ gɔŋ krɔŋkrɔŋ ni. Eshai ni wɔfee kɛ eshai hu ni wɔtsɛmɛi lɛ fee lɛ hewɔ lɛ, omaŋ Yerusalɛm kɛ omaŋbii lɛ ahiɛ eshwie shi yɛ majimaji ni bɔle wɔ lɛ ahiɛ.

Zakaria 8:3

Bɔ ni Yehowa kɛɛ ekoŋŋ nɛ, mibaku misɛɛ kɛba Zion, ni mibahi Yerusalɛm maŋ lɛ mli, ni abaatsɛ Yerusalɛm akɛ anɔkwale maŋ, kɛ Yehowa Taiatsɛ lɛ gɔŋ lɛ hu akɛ, ‘Krɔŋkrɔŋ.’

Bɔfoi 4:31

Ni be ni amɛsɔle nɛkɛ lɛ, he ni amɛnaa ebakpe shi yɛ lɛ hoso, ni Mumɔ Krɔŋkrɔŋ yimɔ amɛ fɛɛ obɔ̃bɔ̃; ni amɛkɛ ekãa jaje Nyɔŋmɔ wiemɔ lɛ.

Romabii 3:23

ejaakɛ mɛi fɛɛ efee esha, ni Nyɔŋmɔ anunyam lɛ ebɔ amɛ,

Yakobo 3:2

Ejaakɛ wɔ fɛɛ wɔtɔ̃ɔ babaoo. Kɛji mɔ ko tɔ̃ɔɔ yɛ wiemɔ mli lɛ, lɛ lɛ gbɔmɔ ni hi kɛwula shi ji lɛ, ni eyɛ hewalɛ akɛ ekɛaawo gbɔmɔtso muu lɛ fɛɛ manyoflɛ.

Kpojiemɔ 21:10

Ni eŋɔ mi yɛ mumɔ mli kɛtee gɔŋ kpele ni kwɔ ko nɔ, ni etsɔ̃ɔ mi maŋ kpeteŋkple ni ji Yerusalɛm krɔŋkrɔŋ lɛ ni ejɛ Nyɔŋmɔ ŋɔɔ yɛ ŋwɛi eekpleke shi,

Kpojiemɔ 21:2

Ni mina Maŋ Krɔŋkrɔŋ lɛ ni ji Yerusalɛm hee lɛ jɛ Nyɔŋmɔ ŋɔɔ yɛ ŋwɛi miikpeleke shi, ni asaa lɛ ato tamɔ ayɛmforo ni awula lɛ ahã ewu.