Daniel 9:2 - ŊMALƐ KRƆŊKRƆŊ LƐ

² Eklɛŋklɛŋ afi lɛ mli, be ni, mi Daniel, mihiɛ woji amli kwɛmɔ lɛ, mina akɛ afii abɔ ni Yehowa kɛɛ Gbalɔ Yeremia akɛ Yerusalɛm baakã shi amaŋfɔ̃ kɛyashi lɛ ji afii nyɔŋmai kpawo.

Ṅmãle̱ Kroṅkroṅ Le̱

² emaṅtše̱yeli le̱ mli kleṅkleṅ afi le̱ no̱ le̱ mi, Daniel, midwe̱ wodši le̱ amli, ní mina ake̱ afii le̱ ni Iehowa wiemo̱ ba gbalo̱ Ieremia ṅō ye̱ hewo̱, ake̱ eegbe Ierusalem amaṅfõ le̱ nā le̱, dši afii *nyoṅmai-kpawo. *Ier. 25,11. 12.

Daniel 9:2 ပူးပေါင်းရင်းမြစ်များ

2 Kronika 36:21

No hewɔ lɛ, Yehowa wiemɔ ni ekɛtsɔ̃ Gbalɔ Yeremia nɔ lɛ ba mli akɛ, “Shikpɔŋ lɛ baakã shi akɛ amaŋfɔ̃ afii nyɔŋmai kpawo koni ehe ni kulɛ esa akɛ ejɔɔ ni enaaa ejɔɔ lɛ ena ejɔɔ.” Ejaakɛ gbii abɔ fɛɛ ni shikpɔŋ lɛ kã shi amaŋfɔ̃ ni ahuuu nɔ lɛ, eeeye hejɔɔmɔ gbii lɛ kɛyaashi afii nyɔŋmai kpawo lɛ aaashɛ.

Ezra 1:1

Koresh, Persia maŋtsɛ lɛ, yinɔ klɛŋklɛŋ afi lɛ nɔ lɛ, bɔ ni afee ni Yehowa wiemɔ ni ewie kɛtsɔ̃ Yeremia nɔ lɛ aba mli hewɔ lɛ, Yehowa kanya Koresh yɛ mumɔ mli, ni ehã aŋmã, ni ashiɛ yɛ emaŋtsɛyeli lɛ mli he fɛɛ he akɛ,

Lalai 119:24

Otsɔ̃ɔmɔi lɛ hãa mimli filiɔ mi, nomɛi woɔ mi ŋaa.

Yesaia 64:10

Omaji krɔŋkrɔŋi lɛ etsɔmɔ ŋa nɔ: Zion etsɔ ŋa nɔ, Yerusalɛm etsɔ amaŋfɔ̃.

Yeremia 1:1

Yeremia, Osɔfo Hilkia ni hi shi yɛ Anatot yɛ Benyamin shikpɔŋ lɛ nɔ lɛ bi lɛ, wiemɔi nɛ:

Yeremia 25:18

Yerusalɛm kɛ Yuda shikpɔŋ lɛ nɔ maji wuji lɛ kɛ amɛmaŋtsɛmɛi kɛ lumɛi lɛ fɛɛ koni amɛtsɔ̃mɔ amaŋfɔ̃ kɛ shiaŋa kɛ nɔ ni aboɔ lɛ ‘tsia!’ Kɛ loomɔnɔ tamɔ bɔ ni eyɔɔ ŋmɛnɛ gbi nɛɛ.

Yeremia 26:18

“Be ko lɛ Mika ni jɛ Moreshet lɛ gba yɛ Yuda Maŋtsɛ Hezekia yinɔ, ni ekɛɛ Yudabii fɛɛ akɛ, ‘Nɔ ni Yehowa, Taiatsɛ lɛ, kɛɛ ji,’ ‘Abaahu Zion tamɔ ahuɔ ŋmɔ, Yerusalɛm baatsɔ̃ koikoi, ni Sɔlemɔ we lɛ gɔŋ lɛ baatsɔ̃ koo ni etsa sulaŋŋ.’

Yeremia 26:6

hewɔ lɛ mafee Sɔlemɔ we nɛɛ tamɔ mifee Shilo lɛ, ni mahã maŋ nɛɛ atsɔ̃ loomɔ nɔ̃ ahã shikpɔŋ lɛ nɔ maji fɛɛ.’ ”

Yeremia 27:7

Majimaji fɛɛ aaasɔ̃mɔ lɛ kɛ ebinuu kɛ enabi nuu tete kɛyaashi beyinɔ ni lɛ Babilon Maŋtsɛ lɛ diɛŋtsɛ hu, eshikpɔŋ lɛ be aaashɛ; kɛkɛ lɛ maji babaoo kɛ maŋtsɛmɛi wuji baaye lɛ nyɔŋ.

Yeremia 29:10

“Ejaakɛ Yehowa kɛɛ akɛ, ‘Kɛji Babilon ye afii nyɔŋmai kpawo lɛ etã lɛ, mibakwɛ nyɛsane lɛ maye mahã nyɛ, ni mibahã shiwoo jurɔ ni miwo yɛ nyɛhe, akɛ mibahã nyɛku nyɛsɛɛ kɛba biɛ nɛɛ lɛ, aba mli.’

Yeremia 7:34

Mafo nyamɔ kɛ miishɛɛ sɛɛ yɛ Yuda maji lɛ kɛ Yerusalɛm blohui fɛɛ amli. Anuŋ ayɛmforo kɛ ayɛmforo wu gbee dɔŋŋ, ejaakɛ shikpɔŋ lɛ baatsɔ̃ amaŋfɔ̃.”

Yāfó 1:1

Kwɛ bɔ ni maŋ ni kulɛ emli bii fa babaoo lɛ, ta shi ekometoo! Kwɛ bɔ ni etsɔ̃ tamɔ okulafo; lɛ maŋ ni kulɛ eje agbo yɛ majimaji ateŋ lɛ. Lɛ ni kulɛ lumɔ ji lɛ yɛ maji ateŋ lɛ, ŋmɛnɛ, etsɔ̃ mɔ ni atsuɔ lɛ onia.

Ezekiel 29:11

Gbɔmɔ adesa ko tsɔŋ jɛi kɛhoŋ ni kooloo ko hu tsɔŋ jɛi kɛhoŋ. Ahiŋ nɔ afii nyɔŋmai ejwɛ sɔŋŋ.

Daniel 9:3

Mihi ŋmãa, ni mibu kpekpe, ni mita lamlu mli kɛmiitao Nuŋtsɔ Nyɔŋmɔ lɛ hiɛgbɛ yɛ sɔlemɔ kɛ faikpamɔ mli.

Mika 3:12

No hewɔ lɛ, yɛ nyɛhewɔ lɛ, aaatsa Zion ashwie shi tamɔ atsaa ŋa akɛfeɔ ŋmɔ. Yerusalɛm aaatsɔ̃ tsu koi ni bua shi tamɔ gɔŋ, ni Sɔlemɔ we lɛ gɔŋ lɛ nɔ aaatsa atsɔ̃ koo hayii.

Zakaria 1:12

Kɛkɛ ni Yehowa bɔfo lɛ wo egbee nɔ ekɛɛ, “Ao, Yehowa, afii nyɔŋmai kpawo sɔŋŋ nɛ ni omli fu Yerusalɛm kɛ Yuda maji lɛ. Mɛɛbe omusuŋ aaatsɔ̃ bo yɛ amɛhe?”

Zakaria 7:5

“Bi shikpɔŋ muu lɛ nɔ bii lɛ kɛ osɔfoi lɛ akɛ, be ni nyɛhi ŋmãa ni nyɛye ŋkɔmɔ yɛ nyɔŋ ni ji enumɔ lɛ nɔ kɛ nyɔŋ ni ji kpawo lɛ hu nɔ, yɛ afi nyɔŋmai kpawo nɛɛ mli lɛ, ani mi, Yehowa nyɛhi ŋmãa lɛ nyɛhã lo?

Mateo 24:15

“No hewɔ lɛ, kɛ nyɛna ‘Amaŋfɔ̃ nihiinii lɛ’ ni gbalɔ Daniel wie he lɛ akɛ ema he krɔŋkrɔŋ lɛ (mɔ ni kaneɔ lɛ eyoo sɛɛ!)

Marko 13:14

“Shi kɛ nyɛna amaŋfɔ̃ nihiinii lɛ akɛ ema he ni esaaa akɛ emaa lɛ, (mɔ ni kaneɔ lɛ, ayoo sɛɛ), no lɛ mɛi ni yɔɔ Yudea lɛ ajo foi aya gɔji lɛ anɔ;

Bɔfoi 8:34

Ni piafonyo lɛ bi Filipo akɛ, “Miikpa bo fai, namɔ he gbalɔ lɛ wieɔ nɛɛ, lɛ diɛŋtsɛ loo mɔ kroko?”

1 Timoteo 4:13

Okɛ ojwɛŋmɔ afɔ̃ ŋmalɛi lɛ akanemɔ kɛ asafo lɛ hamɔ kɛ ŋaawoo kɛ nitsɔɔmɔ nɔ kɛyashi beyinɔ ni maba.

Kpojiemɔ 1:3

Ajɔɔ mɔ ni kaneɔ gbalɛ wiemɔi lɛ kɛ mɛi ni nuɔ lɛ, kɛ mɛi ni yeɔ nibii ni aŋma yɛ mli lɛ anɔ lɛ; ejaakɛ be lɛ eshɛ etã.