Daniel 9:19 - ŊMALƐ KRƆŊKRƆŊ LƐ

¹⁹ Ao! Yehowa, bo wɔ toi koni ofee he eko ohã wɔ. Ao! MiNyɔŋmɔ, ofainɛ, kaatsɛ kwraa ni ofee he eko ohã wɔ yɛ ogbɛi lɛ hewɔ, ejaakɛ ogbɛi kpɛtɛ omaŋ lɛ kɛ omaŋbii lɛ ahe.”

Ṅmãle̱ Kroṅkroṅ Le̱

¹⁹ Nuṅtšo̱, bo toi! Nuṅtšo̱, ṅõ-fa! Nuṅtšo̱, ka toi, ní ofe, kātše̱ kwrā, ye̱ bodientše̱ ohewo̱, mi-Nyoṅmo̱;, edšake̱ ake̱ *ogbe̱i ewo omaṅ ke̱ omaṅbii le̱! Ier. 14,9.

Daniel 9:19 ပူးပေါင်းရင်းမြစ်များ

2 Kronika 6:21

Ni obo otsulɔ kɛ omaŋ Israel sɔlemɔi ni amɛaasɔle be mli ni amɛtsɔ̃ amɛhiɛ amɛhã biɛ lɛ toi. Ni kɛji onu sɔlemɔ lɛ he yɛ ŋwɛi, oshihilɛhe lɛ, lɛ okɛfa wɔ.

2 Kronika 6:39

jɛɛ ŋwɛi ni ji oshihilɛ lɛ obo amɛsɔlemɔ kɛ faikpamɔ lɛ toi koni okɛ tɔ̃mɔ lɛ afa omaŋ lɛ.

Yesaia 43:7

mɔ fɛɛ mɔ ni aŋɔ mi, migbɛi awo lɛ lɛ, mɔ fɛɛ mɔ ni mi, mibɔ lɛ, koni ehã mihiɛ aba nyam lɛ.”

Yeremia 14:7

‘Wɔnishaianii lɛ miibu wɔ fɔ moŋ; shi Yehowa, ogbɛi lɛ hewɔ lɛ, feemɔ he eko ohã wɔ; tsɛbelɛ wɔsɛɛsɛɛyaa lɛ fa tsɔ̃, ni wɔfee esha wɔshi bo.

Yeremia 14:9

Mɛɛba ofee tamɔ nuu ni elu tamɔ kãkãlɔ ni nyɛɛɛ mɔ yiwala ehere nɛɛ? Ao! Yehowa oyɛ wɔteŋ tuuŋtu ni ogbɛi akɛwo wɔ; kaashi wɔ.’ ”

Yeremia 25:29

Ejaakɛ naa, kɛ mije shishi miifee maŋ wulu ni akɛ mi diɛŋtsɛ migbɛi ewo lɛ lɛ efɔŋ lɛ, te feɔ tɛŋŋ ni nyɛ lɛ ni nyɛŋɔɔ nyɛhe nyɛyeɔ tswaa hu?’ Nyɛŋɔŋ nyɛhe nyɛyeŋ nakai, ejaakɛ miihã afã ta kɛbatua nyɛ shikpɔŋ lɛ nɔ bii fɛɛ. Mi Yehowa Taiatsɛ lɛ mikɛɛ.

Ezekiel 20:14

Shi kɛ̃lɛ, mitsake miyiŋtoo lɛ, bɔ ni afee ni akagbe migbɛi lɛ he guɔ yɛ jeŋmaji ni amɛyɔɔ amɛteŋ lɛ ahiɛ; mɛi ahiɛ ni mi mijie Israel kɛjɛ Ijipt shikpɔŋ lɛ nɔ lɛ.

Ezekiel 20:22

Shi kɛ̃lɛ, mitsake miyiŋtoo lɛ, bɔ ni afee ni akagbe migbɛi lɛ he guɔ yɛ jeŋmaji ni amɛyɔɔ amɛteŋ lɛ ahiɛ; mɛi ahiɛ ni mi, mijie Israelbii lɛ yɛ, kɛje Ijipt shikpɔŋ lɛ nɔ lɛ.

Ezekiel 20:9

Shi kɛ̃lɛ, mifeee; mitsake miyiŋtoo lɛ yɛ migbɛi hewɔ, bɔ ni afee ni mikagbe migbɛi lɛ he guɔ yɛ jeŋmaji ni amɛyɔɔ amɛteŋ lɛ ahiɛ, mɛi ahiɛ ni mihã amɛle mi yɛ, be ni mijie amɛ kɛjɛ Ijipt shikpɔŋ lɛ nɔ lɛ.

Ezekiel 36:22

“No hewɔ lɛ, kɛɛmɔ Israel we lɛ akɛ bɔ ni Nuŋtsɔ Yehowa kɛɔ nɛ, nyɛ Israel we, jeee nyɛhewɔ mafee nɔ ko, shi moŋ, migbɛi krɔŋkrɔŋ ni nyɛgbe he guɔ yɛ majimaji lɛ ateŋ, hei ni nyɛyahi lɛ, hewɔ.

Ezekiel 39:25

“No hewɔ lɛ, bɔ ni Nuŋtsɔ Yehowa kɛɔ nɛ, agbɛnɛ lɛ makpale Yakob shwiei ni aŋɔ amɛ nom lɛ kɛba ekoŋŋ, ni mana Israel we lɛ fɛɛ mɔbɔ. Maye migbɛi krɔŋkrɔŋ lɛ he awuŋã.

Daniel 9:18

Ao! MiNyɔŋmɔ, ofainɛ ni obo mi toi; wo ohiɛ nɔ koni okwɛ wɔmaŋfɔ̃i lɛ kɛ maŋ ni akɛ ogbɛi ewo lɛ lɛ. Ejaakɛ wɔbaaa ohiɛ kɛ wɔfaikpamɔ yɛ wɔjalɛ naa; shi moŋ wɔmiikpa bo fai yɛ omusuŋtsɔlɛ kpeteŋkple lɛ hewɔ.

Amos 7:2

Be ni baalabii lɛ eye shikpɔŋ lɛ nɔ jwɛfɔ lɛ amɛgbe naa lɛ, mikɛɛ akɛ, “Ao! Yehowa Ofe, ofainɛ, okɛ Israelbii ahe ake amɛ. Te aaafee tɛŋŋ ni amɛyi aaana wala hu? Ejaakɛ amɛhe waaa.”

4 Mose 14:19

No hewɔ lɛ, okɛ maŋ nɛɛ tɔ̃mɔ afa amɛ yɛ osuɔmɔ kpeteŋkple lɛ naa tamɔ bɔ ni okɛfa nɛkɛ maŋ nɛɛ kɛjɛ Ijipt aahu kɛbashi bianɛ lɛ.”

4 Mose 6:27

“Kɛji amɛtsɛ migbɛi nɛkɛ amɛkɛjɔɔ Israelbii lɛ, mibajɔɔ maŋbii lɛ.”

Luka 11:8

Miikɛɛ nyɛ akɛ, kɛ ka eshieŋtsɛ ni ji lɛ hewɔŋ kulɛ eteŋ shi ni ehã lɛ, shi enaagbamɔ lɛ hewɔ lɛ eeete shi kɛ̃ ni eeehã lɛ bɔ fɛɛ bɔ ni etaoɔ.

Bɔfoi 15:17

Bɔ ni afee ni gbɔmɛi ni eshwɛ lɛ kɛ jeŋmaji lɛ fɛɛ ni akɛ migbɛi ewo amɛ lɛ atao Nuŋtsɔ lɛ sɛɛgbɛ.’

Efesobii 1:12

bɔ ni afee ni wɔ mɛi ni wɔtsɔ̃ hiɛ wɔkɛ wɔhiɛ efɔ̃ Kristo nɔ lɛ, wɔtsɔ̃mɔ enunyam lɛ yijiemɔ.

Efesobii 1:6

koni akɛjie edromɔ ni ekɛduro wɔ yɛ mɔ ni esumɔɔ lɛ lɛ mli lɛ anunyam lɛ yi.

Efesobii 3:10

koni agbɛnɛ atsɔ̃ asafo lɛ nɔ ahã onukpai kɛ mɛi ni yɔɔ hegbɛ yɛ ŋwɛiniiaŋ lɛ ale Nyɔŋmɔ nilee ni jieɔ ehe kpo yɛ gbɛi srɔtoi pii anɔ lɛ.