Daniel 9:18 - ŊMALƐ KRƆŊKRƆŊ LƐ

¹⁸ Ao! MiNyɔŋmɔ, ofainɛ ni obo mi toi; wo ohiɛ nɔ koni okwɛ wɔmaŋfɔ̃i lɛ kɛ maŋ ni akɛ ogbɛi ewo lɛ lɛ. Ejaakɛ wɔbaaa ohiɛ kɛ wɔfaikpamɔ yɛ wɔjalɛ naa; shi moŋ wɔmiikpa bo fai yɛ omusuŋtsɔlɛ kpeteŋkple lɛ hewɔ.

Ṅmãle̱ Kroṅkroṅ Le̱

¹⁸ Ba otoi ši, mi-Nyoṅmo̱; ní obo toi! Gblemo̱ ohĩṅme̱ii, ní okwe̱ wo̱maṅfõi le̱ ke̱ maṅ le̱ ní ake̱ ogbe̱i ewole̱ le̱! Edšake̱ *dšee wo̱dšale̱ nitšimo̱i ahewo̱ wo̱ke̱ wo̱faikpamo̱i le̱ ſieo̱ ohĩe ne̱, ši moṅ ye̱ omũsũṅtšõle̱ babaō le̱ hewo̱. *Lal. 115,1.

Daniel 9:18 ပူးပေါင်းရင်းမြစ်များ

1 Maŋtsɛmɛi 8:29

Ofainɛ, ohiŋmɛi ahi nɛkɛ tsu nɛɛ he nyɔɔŋ kɛ shwane, he ni okɛɛ yɛ he akɛ, ‘Migbɛi aaahi jɛi lɛ’, koni obo mi, otsulɔ, mifai ni mikpaa bo yɛ biɛ nɛɛ toi.

2 Maŋtsɛmɛi 19:16

Gboo otoi shi ni obo mi toi. Gbɛɛ ohiŋmɛiŋ Yehowa, ni okwɛ! Onu wiemɔi ni Sankerib kɛtsu ni akɛbaye bo Nyɔŋmɔ hiɛkãalɔ lɛ ohe fɛo lɛ.

Lalai 116:1

Miisumɔ Yehowa, ejaakɛ ebo migbee kɛ mifaikpamɔ lɛ toi.

Lalai 25:6

Oo Yehowa, kaimɔ omɔbɔnalɛ kɛ omlihilɛ ni sɛɛ efooo lɛ, ejaakɛ amɛyɛ kɛjɛ blema beebe.

2 Mose 3:7

Yehowa kɛɛ akɛ, “Naa, mina amanehulu mli ni miwebii lɛ yɔɔ yɛ Ijipt lɛ, ni minu ŋkɔmɔ blɔmɔ ni amɛbolɔɔ koni abahere amɛ yɛ amɛkpalalɔi lɛ adɛŋ lɛ hu. Amɛnidɔɔ nii lɛ kã mitsui nɔ pam.

Yesaia 37:17

Ao Yehowa, ba otoi shi ni obo toi. Ao Yehowa, gbɛɛ ohiŋmɛiŋ ni okwɛ nɔ ni yaa nɔ lɛ. Bo wiemɔi fɛɛ ni Sankerib kɛtsu kɛba koni akɛbabɔ bo, Nyɔŋmɔ hiɛkãalɔ lɛ, ahora lɛ toi.

Yesaia 43:7

mɔ fɛɛ mɔ ni aŋɔ mi, migbɛi awo lɛ lɛ, mɔ fɛɛ mɔ ni mi, mibɔ lɛ, koni ehã mihiɛ aba nyam lɛ.”

Yesaia 64:12

Ao Yehowa, aso enɛɛmɛi fɛɛ sɛɛ lɛ, ooosu ohe lo, ooofee diŋŋ, ni ooowa wɔ yi tuutu lo?

Yesaia 64:6

Wɔ fɛɛ wɔtsɔmɔ tamɔ mɔ ko ni he tseee, ni wɔjalɛ nifeemɔnii lɛ tamɔ takoshwɛ. Wɔnishaianii lɛ ehã wɔfee tamɔ baa gbiŋ, ni kɔɔyɔɔ tswaa wɔ kɛyaa.

Yeremia 14:7

‘Wɔnishaianii lɛ miibu wɔ fɔ moŋ; shi Yehowa, ogbɛi lɛ hewɔ lɛ, feemɔ he eko ohã wɔ; tsɛbelɛ wɔsɛɛsɛɛyaa lɛ fa tsɔ̃, ni wɔfee esha wɔshi bo.

Yeremia 14:9

Mɛɛba ofee tamɔ nuu ni elu tamɔ kãkãlɔ ni nyɛɛɛ mɔ yiwala ehere nɛɛ? Ao! Yehowa oyɛ wɔteŋ tuuŋtu ni ogbɛi akɛwo wɔ; kaashi wɔ.’ ”

Yeremia 15:16

Ao! Yehowa, Taiatsɛ, be ni minu owiemɔi lɛ mimɔ mli, ni ehã mina miishɛɛ, ni mimli fili mi, ejaakɛ akɛ ogbɛi ewo mi.

Yeremia 25:29

Ejaakɛ naa, kɛ mije shishi miifee maŋ wulu ni akɛ mi diɛŋtsɛ migbɛi ewo lɛ lɛ efɔŋ lɛ, te feɔ tɛŋŋ ni nyɛ lɛ ni nyɛŋɔɔ nyɛhe nyɛyeɔ tswaa hu?’ Nyɛŋɔŋ nyɛhe nyɛyeŋ nakai, ejaakɛ miihã afã ta kɛbatua nyɛ shikpɔŋ lɛ nɔ bii fɛɛ. Mi Yehowa Taiatsɛ lɛ mikɛɛ.

Yeremia 36:7

Eko lɛ amɛfaikpamɔ aaashɛ Yehowa hiɛ, ni amɛteŋ mɔ fɛɛ mɔ aaakpa enifɔɔji anii ni efeɔ, ejaakɛ Yehowa mli ni efu kɛ emli ni ewo la lɛ naa wa naakpa.”

Yeremia 37:20

Agbɛnɛ, minuŋtsɔ Maŋtsɛ, ofainɛ ni ona tsui fioo ohã mi koni omɔ fai ni mikpaa bo nɛɛ mli ohã mi, koni okahã akɛmi ku sɛɛ kɛtee woloŋmalɔ Yonatan we lɛ dɔŋŋ koni mikayagbo yɛ jɛi.”

Ezekiel 36:22

“No hewɔ lɛ, kɛɛmɔ Israel we lɛ akɛ bɔ ni Nuŋtsɔ Yehowa kɛɔ nɛ, nyɛ Israel we, jeee nyɛhewɔ mafee nɔ ko, shi moŋ, migbɛi krɔŋkrɔŋ ni nyɛgbe he guɔ yɛ majimaji lɛ ateŋ, hei ni nyɛyahi lɛ, hewɔ.

Ezekiel 36:32

Nuŋtsɔ Yehowa kɛɛ akɛ, bo Israel we, nyɛnaa nyɛlea akɛ jeee nyɛhewɔ mafee enɛ nɛɛ; nyɛhiɛ agboia ni nyɛhiɛ ashwiea shi yɛ nyɛjeŋba hewɔ.

Daniel 9:7

Ao! Nuŋtsɔ, bo lɛ onɔ ji jalɛ; shi wɔ lɛ wɔnɔ ji hiɛgbele tamɔ eyɔɔ wɔnɔ ŋmɛnɛ nɛɛ lɛ, wɔ mɛi ni ji Yudabii kɛ Yerusalɛmbii lɛ kɛ Israelbii fɛɛ, mɛi ni bɛŋkɛ kɛ mɛi hu ni eyaje shɔŋŋ yɛ shikpɔji anɔ ni ogbɛ amɛ oshwã, yɛ anɔkwa ni amɛyayeee bo hewɔ lɛ.

4 Mose 6:27

“Kɛji amɛtsɛ migbɛi nɛkɛ amɛkɛjɔɔ Israelbii lɛ, mibajɔɔ maŋbii lɛ.”

1 Korintobii 1:2

ŋma wolo nɛɛ yahã Nyɔŋmɔ asafo ni yɔɔ Korinto lɛ, ni ji mɛi ni atsuu amɛhe yɛ Kristo Yesu mli lɛ. Mɛi krɔŋkrɔŋi ni atsɛ amɛ kɛ mɛi fɛɛ ni yɔɔ he fɛɛ he ni tsɛɔ wɔNuŋtsɔ Yesu Kristo ni ji wɔ kɛ amɛ fɛɛ Nuŋtsɔ lɛ gbɛi lɛ.