Daniel 9:12 - ŊMALƐ KRƆŊKRƆŊ LƐ

¹² Ekɛ amanehulu kpeteŋkple ni eba wɔnɔ nɛɛ lɛ ema wiemɔ ni ewie eshi wɔ lɛ nɔ mi. Ogbalako maŋ ko toi nɛkɛ pɛŋ dã, yɛ je nɛɛ mli fɛɛ, tamɔ ogbala Yerusalɛm toi nɛɛ.

Ṅmãle̱ Kroṅkroṅ Le̱

¹² Ni eye ewiemo̱i le̱ ni ewie ešiwo̱ ke̱ wo̱kodšolo̱i le̱ ní kodšowo̱ le̱ ano̱, ake̱-ni eke̱ efõṅ kpeteṅkple eba wo̱no̱ le̱; edšake̱ ṅwei šiši fẽ le̱ afeko noni afe Ierusalem ne̱ eko pẽṅ.

Daniel 9:12 ပူးပေါင်းရင်းမြစ်များ

1 Maŋtsɛmɛi 3:9

No hewɔ lɛ, dromɔ mi, otsulɔ, nilee koni mikɛye omaŋ lɛ nɔ yɛ jalɛ mli. Hã mayoo srɔto ni yɔɔ nɔ ni hi kɛ nɔ ni ehiii teŋ; kɛjeee nakai lɛ te mafee tɛŋŋ manyɛ maye omaŋ kpeteŋkple nɛɛ nɔ hu?”

2 Maŋtsɛmɛi 22:16

‘Naa, mahã nɔ fɔŋ aba biɛ nɛɛ kɛ biɛbii lɛ anɔ, tamɔ bɔ ni aŋma yɛ wolo ni Yuda maŋtsɛ lɛ kane lɛ mli lɛ.

Hiob 12:17

Ehãa nilee ŋmɛɔ ajinafoi, ni ehãa kojolɔi tsɔ̃ɔ kwashiai.

Lalai 148:11

Shikpɔŋ nɔ majiatsɛmɛi kɛ majimaji anɔ bii fɛɛ, lumɛi kɛ shikpɔŋ lɛ nɔ kojolɔi fɛɛ,

Lalai 2:10

No hewɔ lɛ, Oo, nyɛ maŋtsɛmɛi, nyɛlea nii; Oo, nyɛ shikpɔŋ lɛ nɔ nɔyelɔi, nyɛkwɛa jogbaŋŋ.

Abe̱i 8:16

Minɔ lumɛi tsɔ̃ɔ yeɔ lumɔ, ni abladei yeɔ shikpɔŋ lɛ nɔ.

Yesaia 43:28

No hewɔ lɛ, mibule He Krɔŋkrɔŋ lɛ mli lumɛi lɛ. Mikɛ Israel hã ni akpãtã ehiɛ, Israel he guɔ gbo.”

Yesaia 44:26

Emaa etsulɔ wiemɔ nɔ mi, ni ehãa ebɔfoi agbalɛ baa mli taakɛ ekɛɛ yɛ Yerusalɛm he akɛ, ‘Mɛi baahi mli ekoŋŋ’, ni ekɛɛ yɛ Yuda maji wuji lɛ ahe akɛ, ‘Abaasaa amãmɔ amɛ, ni maha tsui ni akumɔ ate shi ekoŋŋ’ lɛ.

Yeremia 30:7

Ao! Nakai gbi lɛ, gbi wulu ni; ehenɔ bako pɛŋ. Yakob hejaramɔ gbi ni, kɛ̃lɛ abaahere eyiwala yɛ gbele mli.”

Yeremia 32:23

Amɛba ni amɛbaŋɔ ni amɛkɛfee amɛnɔ. Shi amɛyeee ogbee nɔ, ni amɛbaaa amɛjeŋ yɛ omla lɛ naa. Nibii fɛɛ ni owo amɛ kitã yɛ he akɛ amɛfee lɛ, amɛfeee ekome folo nɛkɛ. No hewɔ ni ohã nɛkɛ sane fɔŋ nɛɛ ba amɛnɔ nɛɛ.

Yeremia 39:16

“Yaa koni oyakɛɛ Ebed-Melek, Kushnyo lɛ, akɛ, bɔ ni Yehowa Taiatsɛ, Israel Nyɔŋmɔ lɛ, kɛɔ nɛ, ‘Naa, mibahã nɔ ni mikɛɛ yɛ maŋ nɛɛ he lɛ aba mli, ebaana nɔ fɔŋ, shi jeee nɔ kpakpa; ni nɔ fɛɛ nɔ baaba mli, ni okɛ ohiŋmɛi baana.

Yeremia 44:23

Nɛkɛ amanehulu nɛɛ eba nyɛnɔ tamɔ bɔ ni eyɔɔ ŋmɛnɛ nɛɛ, ejaakɛ nyɛshãshãa tsofakɛŋma, ni nyɛfee esha nyɛshi Yehowa; ni nyɛbooo Yehowa toi lɛ, nyɛbaaa nyɛjeŋ yɛ emlai kɛ ekpɔi kɛ ehe odasei ni aye lɛ anaa.”

Yāfó 1:12

“Nyɛ mɛi fɛɛ ni tsɔ̃ɔ biɛ kɛhoɔ, ani jeee nyɛhe sane ko ni lo? Nyɛkwɛa akɛ nyɛaana akɛ awerɛho ko yɛ ni etamɔ miwerɛho ni kã minɔ nɛɛ, awerɛho ni Yehowa ehã eba minɔ yɛ emlifu ni naa wa gbi lɛ nɔ lɛ.

Yāfó 2:13

Ao! Yerusalɛm biyoo, mɛni makɛɛ yɛ ohe, ni mɛni he mikɛ bo baato? Ao! Zion biyoo, oblayoo foro, mɛni he mikɛ bo aaato bɔ ni afee ni manyɛ omii mashɛje? Ejaakɛ ohiɛkpãtãmɔ lɛ falɛ lɛɛ tamɔ ŋshɔ dalɛ, ni namɔ po aaanyɛ bo atsa?

Yāfó 2:17

Yehowa etsu eyiŋtoo lɛ he nii; nɔ ni ekɛɛ lɛ efee tamɔ bɔ ni eto jeeŋmɔ ko lɛ. Ekpãtã nibii ahiɛ ni mɔbɔnalɛ bɛ mli; ehã henyɛlɔ lɛ eye bo yɔɔ. Ni ehã ohenyɛlɔi lɛ ena onɔ hewalɛ.

Yāfó 4:6

Ejaakɛ mimaŋbii ahe esha lɛ da fe Sodom he esha lɛ, Sodom ni abutu lɛ hiŋmɛitswaa mli ni gbɔmɔ adesa nine bɛ mli lɛ.

Ezekiel 13:6

Amɛfoɔ amale saji amɛtãa, ni amɛgbaa amale gbalɛi. Amɛkɛɔ akɛ, ‘Yehowa kɛɛ,’ be mli ni Yehowa tsuko amɛ; ni kɛ̃lɛ amɛkpaa gbɛ akɛ amɛwiemɔi lɛ aba mli.

Ezekiel 5:9

Musubɔɔnii ni ofee lɛ hewɔ lɛ, mafee bo nɔ ko ni mifeko dã, ni asaŋ mifeŋ enɔ eko dɔŋŋ.

Daniel 12:1

Bɔfo lɛ tsa ewiemɔ lɛ nɔ akɛ, “Ni nakai be lɛ mli lɛ Mikael, lumɔ kpeteŋkple ni buɔ omaŋbii lɛ ahe lɛ, aaate shi adamɔ shi; kɛkɛ lɛ fimɔ be ko aaaba ni anako ehenɔ dã kɛjɛ beyinɔ ni aje maŋtoo shishi kɛbashi nakai be lɛ mli. Nakai be lɛ mli lɛ, aaahere omaŋ lɛ mli mɔ fɛɛ mɔ ni aaana akɛ aŋma egbɛi yɛ wala wolo lɛ mli lɛ yiwala.

Yoel 2:2

Duŋ kɛ jeŋ tuutuufeemɔ gbi ni, atatu kɛ oblɔtu kpii gbi ni. Baalabii ta muu miiba tamɔ duŋ gbɛɔ shwãa gɔji anɔ lɛ. Nɔ ko ni tamɔ enɛ bako dã, ni asaŋ esɛɛ lɛ eko baŋ dɔŋŋ kɛaatee yinɔi ayinɔ.

Amos 3:2

“Jeŋ maji fɛɛ ateŋ lɛ, nyɛ pɛ ji maŋ ni mile, ni no hewɔ lɛ, mibawo nyɛ nibii gbohii ni nyɛfee lɛ ahe nyɔmɔ.”

Zakaria 1:6

Shi miwiemɔi kɛ mikpɔi lɛ ni mikɛhã nyɛtsɛmɛi lɛ kɛtsɔ̃ mitsuji gbalɔi lɛ anɔ lɛ shɛ amɛdɛŋ, shi amɛyabuuu, ni amɛna he toigbalamɔ hu. No hewɔ lɛ, amɛshwa amɛhe ni amɛkɛɛ akɛ, Mi Yehowa, Taiatsɛ, bɔ ni mito akɛ mikɛ amɛ baaye yɛ amɛjeŋba kɛ nifeemɔnii hewɔ lɛ, nakai pɛpɛɛpɛ mikɛ amɛ eye nɛɛ.’ ”

Zakaria 1:8

“Mina ninaa ko nyɔɔŋ ni nuu ko ta okpɔŋɔ tsuru nɔ, ni edamɔ shi yɛ mirto tsei ateŋ yɛ jɔɔ ko mli. Ni okpɔŋɔi tsuji kɛ okpɔŋɔi okɔbɛŋi kɛ okpɔŋɔi yɛji hu damɔ shi yɛ esɛɛ.”

Zakaria 7:12

Amɛkpliŋ amɛtsui koni amɛkabo mla lɛ kɛ wiemɔ ni Yehowa, Taiatsɛ lɛ, kɛtsɔ̃ emumɔ lɛ nɔ ekɛtsu eklɛŋklɛŋ gbalɔi lɛ ni eŋɔ hã lɛ toi. No hewɔ ni Yehowa, Taiatsɛ lɛ mlifu amɛ naakpa lɛ.

Mateo 24:21

Ejaakɛ nakai be lɛ mli lɛ amanehulu kpele aaaba ni anako enɔ dã kɛjɛ je lɛ shishijee mli kɛbashi ŋmɛnɛ, ni asaŋ anaŋ enɔ gbi ko gbi ko dɔŋŋ.

Mateo 5:18

Anɔkwale mikɛɔ nyɛ akɛ, gbii abɔ ni ŋwɛi kɛ shikpɔŋ hoko nɛɛ, yota kome loo kuli kome ejeŋ Mla lɛ mli hoŋ, ja fɛɛ eba mli.

Marko 13:19

Ejaakɛ nakai bei lɛ amli lɛ amanehulu aaaba ni anãko enɔ dã kɛjɛ jeŋ ni Nyɔŋmɔ bɔ lɛ shishijee mli aahu kɛbashi ŋmɛnɛ, ni asaŋ anaŋ enɔ dɔŋŋ.

Luka 21:22

Ejaakɛ oweletɔɔ gbii lɛ nɛ, koni nibii fɛɛ ni aŋma lɛ aba mli.

Romabii 15:8

Shi miikɛɛ akɛ Yesu Kristo tsɔ̃ sɔ̃ɔlɔ ehã Yudafoi lɛ yɛ Nyɔŋmɔ anɔkwale lɛ hewɔ, koni ekɛmã shiwoi ni awo tsɛmɛi lɛ anɔ mi;