Daniel 9:11 - ŊMALƐ KRƆŊKRƆŊ LƐ

¹¹ Israel tso muu fɛɛ etɔ̃ omla lɛ, ni amɛyeee omla lɛ nɔ; no hewɔ lɛ, amɛgba afã. Enɛ ehã amɛloo musu ni aŋmã yɛ Mose, otsulɔ lɛ, Mla Wolo lɛ mli lɛ, ejaakɛ wɔfee esha wɔshi bo.

Ṅmãle̱ Kroṅkroṅ Le̱

¹¹ ši Israel fẽ etõ omla le̱, ni ame̱gbá afã, koni ame̱kabo ogbē toi; nohewo̱ le̱ afo̱se lōmo̱ ke̱ kitãkãmo̱ ni *aṅmã ye̱ Nyoṅmo̱ tšũlo̱ Mose mla le̱ mli le̱ aſie wo̱no̱, edšake̱ wo̱fe eša wo̱šile̱. 5 Mose 28,15-68. 3 Mose 26,14-39.

Daniel 9:11 ပူးပေါင်းရင်းမြစ်များ

2 Maŋtsɛmɛi 18:12

Samaria gbee shi ejaakɛ amɛbooo Yehowa, amɛNyɔŋmɔ lɛ toi, ni amɛtɔ̃ ekpãŋmɔ lɛ kɛ kitãi fɛɛ ni Yehowa tsulɔ Mose wo amɛ lɛ nɔ; amɛbooo toi, ni amɛyeee nɔ hu.

2 Maŋtsɛmɛi 22:16

‘Naa, mahã nɔ fɔŋ aba biɛ nɛɛ kɛ biɛbii lɛ anɔ, tamɔ bɔ ni aŋma yɛ wolo ni Yuda maŋtsɛ lɛ kane lɛ mli lɛ.

Yesaia 1:3

Tsina le mɔ nɔ̃ ni ji lɛ, ni teji hu le he ni enuŋtsɔ eto eniyenii adeka yɛ. Shi Israel lɛ, lɛ lɛ eleee enɛ mli ekoeko; miwebii lɛ bɛ niiashishinumɔ.”

Yesaia 43:28

No hewɔ lɛ, mibule He Krɔŋkrɔŋ lɛ mli lumɛi lɛ. Mikɛ Israel hã ni akpãtã ehiɛ, Israel he guɔ gbo.”

Yeremia 16:11

no lɛ okɛɛ amɛ akɛ, mi Yehowa, mikɛɛ akɛ, ‘Nyɛtsɛmɛi lɛ kwa mi, ni amɛtee amɛyanyiɛ nyɔŋmɔi krokomɛi asɛɛ, ni amɛsɔ̃mɔ amɛ, ni amɛja amɛ; amɛkwa mi ni amɛyeee mimla lɛ nɔ.

Yeremia 2:29

Mɛɛba mɔ nyɛwieɔ nyɛshiɔ mi lɛ? Nyɛ fɛɛ tswɛm nyɛtse mihiɛ atua.” Yehowa kɛɛ.

Yeremia 30:14

Nyɛsuɔlɔi lɛ fɛɛ ahiɛ ekpa nyɛnɔ, jeee amɛhe sane ko ji nyɛ dɔŋŋ, ejaakɛ mitswa nyɛ nɔ tamɔ bɔ nɔŋŋ ni henyɛlɔ baatswa nyɛ nɔ; ejaakɛ nyɛtɔ̃mɔ lɛ da.

Yeremia 32:23

Amɛba ni amɛbaŋɔ ni amɛkɛfee amɛnɔ. Shi amɛyeee ogbee nɔ, ni amɛbaaa amɛjeŋ yɛ omla lɛ naa. Nibii fɛɛ ni owo amɛ kitã yɛ he akɛ amɛfee lɛ, amɛfeee ekome folo nɛkɛ. No hewɔ ni ohã nɛkɛ sane fɔŋ nɛɛ ba amɛnɔ nɛɛ.

Yeremia 40:3

ni Yehowa ehã ena eba mli hu, ni efee nɔ ni ekɛɛ lɛ. Nɛkɛ sane nɛɛ eba nyɛnɔ, ejaakɛ nyɛfee esha nyɛshi Yehowa, ni nyɛbooo lɛ toi.

Yeremia 44:22

No hã be ni Yehowa nyɛɛɛ nifɔɔji kɛ musubɔɔ nibii ni nyɛfeɔ lɛ dɔŋŋ lɛ, ehã nyɛshikpɔŋ lɛ tsɔ̃ amaŋfɔ̃, shikpɔŋ ni hiɛ ekpãtã, ni mɔ ko mɔ ko bɛ jɛi, ni atsɛɔ egbɛi akɛlomɔɔ kɛ ŋmɛnɛ nɛɛ lɛ.

Yeremia 44:23

Nɛkɛ amanehulu nɛɛ eba nyɛnɔ tamɔ bɔ ni eyɔɔ ŋmɛnɛ nɛɛ, ejaakɛ nyɛshãshãa tsofakɛŋma, ni nyɛfee esha nyɛshi Yehowa; ni nyɛbooo Yehowa toi lɛ, nyɛbaaa nyɛjeŋ yɛ emlai kɛ ekpɔi kɛ ehe odasei ni aye lɛ anaa.”

Yeremia 6:19

Shikpɔŋ, bo toi! Miihã hiɛkpãtãmɔ abanina gbɔmɛi nɛɛ, ejaakɛ no ji yibii ni amɛjeŋba ewo; ejaakɛ miwiemɔi lɛ amɛboko toi, ni amɛkwa mimlai lɛ.

Yeremia 9:26

Mibagbala Ijipt kɛ Yuda kɛ Edombii kɛ Amonbii kɛ Moabbii kɛ shiaŋa lɛ nɔ bii ni shɛɔ amɛyitsei ahe lɛ hu atoi, ejaakɛ maji nɛɛ fɛɛ lɛ foolɔi ni, ni Israelbii lɛ hu tsuiŋ foolɔi ji amɛ.”

Daniel 9:13

Nɛkɛ efɔŋ nɛɛ eba wɔnɔ tamɔ bɔ ni aŋma yɛ Mose Mla lɛ mli lɛ. Kɛ̃lɛ wɔkpako bo Yehowa fai, ni wɔkpaleko kɛjeko wɔnifɔ̃ɔjianii lɛ ahe, ni wɔboko anɔkwale wiemɔ lɛ toi.

Daniel 9:5

“Wɔfee esha, ni wɔtɔ̃; wɔfee yitsoŋwalɛ nibii, ni wɔtse ohiɛ atua, ni wɔyeee okitãi kɛ omlai lɛ anɔ.

Zakaria 1:6

Shi miwiemɔi kɛ mikpɔi lɛ ni mikɛhã nyɛtsɛmɛi lɛ kɛtsɔ̃ mitsuji gbalɔi lɛ anɔ lɛ shɛ amɛdɛŋ, shi amɛyabuuu, ni amɛna he toigbalamɔ hu. No hewɔ lɛ, amɛshwa amɛhe ni amɛkɛɛ akɛ, Mi Yehowa, Taiatsɛ, bɔ ni mito akɛ mikɛ amɛ baaye yɛ amɛjeŋba kɛ nifeemɔnii hewɔ lɛ, nakai pɛpɛɛpɛ mikɛ amɛ eye nɛɛ.’ ”

Zakaria 7:12

Amɛkpliŋ amɛtsui koni amɛkabo mla lɛ kɛ wiemɔ ni Yehowa, Taiatsɛ lɛ, kɛtsɔ̃ emumɔ lɛ nɔ ekɛtsu eklɛŋklɛŋ gbalɔi lɛ ni eŋɔ hã lɛ toi. No hewɔ ni Yehowa, Taiatsɛ lɛ mlifu amɛ naakpa lɛ.

Zakaria 8:13

Naa, Yuda we kɛ Israel we, bɔ ni atsɔ̃ɔ nyɛ gbɛ akɛ majimaji, ni amɛkɛ nyɛgbɛi lomɔ lɛ, nakai nɔŋŋ mahere nyɛyiwala, ni nyɛaatsɔ̃ jɔɔmɔ ni akɛ nyɛgbɛi baajɔɔ. Nyɛkashea gbeyei, shi moŋ nyɛwajea nyɛhe ni nyɛfea ekãa kɛkɛ.”

5 Mose 8:20

Bɔ ni Yehowa baahã maji ni nyɛkɛaakpe lɛ ahiɛ akpãtã lɛ, nakai nɔŋŋ nyɛ hu nyɛhiɛ aaakpãtã kɛji nyɛbooo Yehowa, nyɛNyɔŋmɔ lɛ wiemɔ toi lɛ.”