Daniel 8:5 - ŊMALƐ KRƆŊKRƆŊ LƐ

⁵ Miisusu ninaa nɛɛ he nɔŋŋ kɛkɛ lɛ naa too kpakpo ko epue kɛjɛ anaigbɛ kɛmiiba. Efo mli kɛ foi waa kɛtsɔ̃ shikpɔŋ tso muu lɛ fɛɛ nɔ, ni enane diɛŋtsɛ esaaa shikpɔŋ. Aklonto agbo kome ma too kpakpo nɛɛ hiŋmɛii ateŋ.

Ṅmãle̱ Kroṅkroṅ Le̱

⁵ Ni beni mikwe̱o̱ le̱, na, tōkpakpo ko dše̱ anaigbe̱ mība ebahe šikpoṅ mū le̱ fẽ hĩe, ni ehe esaa šikpoṅ; ni tōkpakpo le̱ ye̱ aklonto ní da ye̱ ehĩṅme̱ii ateṅ;

Daniel 8:5 ပူးပေါင်းရင်းမြစ်များ

Daniel 11:3

“Maŋtsɛ kãkãlɔ ko baate shi nɛkɛ be mli, ni emaŋtsɛyelihe lɛ baada kpeteŋkple, ni ebaaye etsuinaa sane.

Daniel 2:32

Amãgã nɛɛ yitso lɛ akɛ shika fee, etsitsi kɛ eniji lɛ akɛ jwiɛtɛi fee, emusu kɛ ehɛ lɛ akɛ akɔɔble fee;

Daniel 2:39

Bo osɛɛ lɛ maŋtsɛyeli kroko aaate shi ni kɛ bo yeee egbɔ; maŋtsɛyeli ko hu ni ji etɛ̃ baaba abaye nɔ. Ekadi ji akɔɔble lɛ; ni eeeye je lɛ fɛɛ nɔ.

Daniel 7:6

Enɛ sɛɛ lɛ mihiɛ kwɛmɔ kɛkɛ ni kooloo kroko ko hu fã kpo. Etamɔ kootsɛ; shi eyɛ fiji ejwɛ, ni etamɔ nɔ ko ni aŋɔ nɔyeli hewalɛ kpeteŋkple ahã lɛ.

Daniel 8:21

Hela maŋtsɛyeli lɛ he okadi ji too kpakpo lɛ; ni aklonto wulu kome lɛ ni ma ehiŋmɛii ateŋ lɛ ji eklɛŋklɛŋ maŋtsɛ lɛ.

Daniel 8:6

Etsɛ̃ kɛbanina gwantɛŋ nuu ni yɔɔ aklontoi enyɔ lɛ ni mina akɛ edamɔ faa lɛ naa lɛ. Kɛkɛ ni ekɛ ehewalɛ kɛ hiɛdɔɔ fɛɛ tua lɛ.

Daniel 8:8

Kɛkɛ ni too kpakpo nɛɛ bɔ̃i ehenɔwomɔ, ejaakɛ esusu akɛ eje agbo. Shi be ni ehe kɛɛ ewaa kwraa lɛ, aku eklonto agbo lɛ. Kɛkɛ ni aklontoi ejwɛ krokomɛi je kpo faŋŋ yɛ aklonto agbo kome lɛ najiaŋ ni amɛmiikwɛ jeŋ koji ejwɛ lɛ fɛɛ.