Daniel 8:3 - ŊMALƐ KRƆŊKRƆŊ LƐ

³ Be ni miwo mihiɛ nɔ lɛ, mina gwantɛŋ nuu agbo ko damɔ faa lɛ naa. Eyɛ aklontoi enyɔ; aklontoi nɛɛ kwɔlɔ naakpa, ni ekome kwɔ fe ekome; shi aklontoi lɛ ateŋ nɔ ni kwɔ lɛ no moŋ ji aklonto ni gwantɛŋ nuu lɛ je sɛɛkpee.

Ṅmãle̱ Kroṅkroṅ Le̱

³ Ni mihole mihĩṅme̱ii ano̱, ni mikwe̱, ni na, tõagbo ko damo̱ fā le̱ nā, ni edše aklontoi enyo̱, ni aklontoi le̱ kwō̱lo̱, ši ekome kwo̱ fè okome, ni noni kwo̱ fè enanyo le̱ kpe se̱ ba.

Daniel 8:3 ပူးပေါင်းရင်းမြစ်များ

1 Kronika 21:16

David yaawo ehiɛ nɔ lɛ naa Yehowa bɔfo lɛ damɔ ŋwɛi kɛ shikpɔŋ teŋ, ni klante hiɛ edɛŋ, ni ekpã enine mli yɛ Yerusalɛm nɔ. Kɛkɛ ni David kɛ maŋ onukpai ni ekɛ amɛ bumɔ kpekpe lɛ kɛ amɛhiɛ bu shi.

Ezra 1:2

“Bɔ ni Koresh, Persia maŋtsɛ lɛ, kɛɛ nɛ, ‘Yehowa ŋwɛi Nyɔŋmɔ lɛ etu shikpɔŋ lɛ nɔ maŋtsɛyelii fɛɛ ewo midɛŋ, ni efã mi akɛ miyama shĩa mihã lɛ yɛ Yerusalɛm yɛ Yuda shikpɔŋ lɛ nɔ.

Ezra 4:5

Amɛbɔ amralofoi apaa amɛwo Yudafoi lɛ koni amɛhã Yudafoi lɛ ayiŋtoo lɛ afee efolo kɛjɛ Koresh, Persia maŋtsɛ lɛ, be mli aahu kɛyashi Dario, Persia maŋtsɛ lɛ, yinɔ.

Ester 1:3

Emaŋtsɛyeli afi ni ji etɛ̃ lɛ nɔ lɛ, Maŋtsɛ Ahashwerosh ŋmɛ okplɔ̃ ehã elumɛi kɛ etsuji fɛɛ yɛ maŋtsɛ we lɛ mli. Mɛi okplɔ̃ ni eŋmɛ lɛ ji Persia kɛ Media shikpɔji lɛ anɔ tatsɛmɛi lɛ kɛ amralofoi lɛ.

Yesaia 13:17

Yehowa kɛɛ akɛ, “Naa, miitee Midiabii ashi mawo Babilon. Amɛ lɛ amɛbuuu jwiɛtɛi, ni shika ekɔ̃ɔ amɛhiɛ.

Yesaia 21:2

Ajie ninaa ko ni yɔɔ gbeyei atsɔ̃ɔ mi: mɔsɛɛgbɛtsɔ̃ɔlɔ ni miitsɔ̃ɔ mɔ ko sɛɛgbɛ, kɛ nifitelɔ ni miifite nii. Elam, kwɔɔ kɛya! Media, yaasa maji lɛ ayi! Mahã ŋkɔmɔi fɛɛ ni Babilon eha eyeɔ lɛ sɛɛ afo!

Yesaia 44:28

Ekɛɛ yɛ Koresh he akɛ, ‘Mitookwɛlɔ ji lɛ, ni ebaafee nii ni sa mihiɛ’; ni ekɛɛ yɛ Yerusalɛm he akɛ, ‘Abaasaa ama’, ni ekɛɛ yɛ Sɔlemɔ we lɛ hu he akɛ, ‘Abaato oshishi ekoŋŋ.’ ”

Yeremia 51:11

“Yehowa etsiɛ Mediabii amaŋtsɛmɛi lɛ amumɔ hiɛ, ejaakɛ yiŋ ni eto yɛ Babilon maŋ lɛ he ji akɛ ebaakpãtã ehiɛ, ejaakɛ ekɛ no baatɔ eSɔlemɔ we lɛ he owele. Tabilɔi ni eba maŋ lɛ tuamɔ lɛ asafoiatsɛmɛi lɛ fã akɛ, ‘Nyɛjɔa gãimlibii lɛ anaa, ni nyɛkɔlɔa tsɛŋi!’

Daniel 10:5

Miwo mihiɛ nɔ, ni mina nuu ko ni ewo klala atade, ni Ufaz shika kpãa fi emliteŋ.

Daniel 2:39

Bo osɛɛ lɛ maŋtsɛyeli kroko aaate shi ni kɛ bo yeee egbɔ; maŋtsɛyeli ko hu ni ji etɛ̃ baaba abaye nɔ. Ekadi ji akɔɔble lɛ; ni eeeye je lɛ fɛɛ nɔ.

Daniel 5:31

ni Dario, Medianyo lɛ, ŋɔ maŋtsɛyeli lɛ. Nakai be mli lɛ Dario eye afii nyɔŋmai ekpaa kɛ enyɔ.

Daniel 6:28

Daniel nɛɛ shwere yɛ Maŋtsɛ Dario yinɔ kɛ Maŋtsɛ Koresh, Persianyo lɛ, hu yinɔ.

Daniel 7:5

Kooloo ni ji enyɔ lɛ tamɔ oshishibrishi. Awo lɛ adamɔ efã kome nɔ; ŋmawutsei etɛ̃ kɔ̃ enaa yɛ enyanyɔji ateŋ. Kɛkɛ ni gbee ko kɛɛ lɛ akɛ, “Yaa nɔ ni oye loo babaoo bɔ ni obaanyɛ.”

Daniel 8:2

Mina yɛ ninaa nɛɛ mli akɛ miyɛ maŋtsɛmaŋ ni atsɛɔ lɛ Susa ni yɔɔ Elam kpokpai anɔ shikpɔŋ lɛ nɔ lɛ mli. Midamɔ Ulai Faa lɛ naa.

Daniel 8:20

“Gwantɛŋ nuu agbo ni ona kɛ eklontoi enyɔ lɛ damɔ shi hã Media kɛ Persia maŋtsɛmɛi lɛ.

Zakaria 1:18

Ni miwo mihiɛ nɔ, ni mina akloŋtoi ejwɛ yɛ ninaa kroko mli,

Zakaria 2:1

Misaa miwo mihiɛ nɔ, ni mina nuu ko ni hiɛ susumɔ kpãa yɛ edɛŋ.

Zakaria 5:1

Miwo mihiɛ nɔ ekoŋŋ ni mina wolo kpo ko ni miifiliki.

Zakaria 5:5

Agbɛnɛ bɔfo ni kɛ mi wieɔ lɛ ba ekoŋŋ, ni ekɛɛ mi akɛ, “Wo ohiɛ nɔ ni okwɛ nɔ ni baa lɛ.”

Zakaria 5:9

Miwo mihiɛ nɔ ekoŋŋ ni mina yei enyɔ ni miifiliki kɛmiiba kɛ fiji ni tamɔ faanaa oka nɔ. Amɛbawo kɛntɛŋ lɛ kɛnyiɛ ŋwɛi kɛ shikpɔŋ teŋ kɛtee.

Zakaria 6:1

Misaa miwo mihiɛ nɔ ni mina tayaa shwiilii ejwɛ komɛi fã kpo kɛjɛ akɔɔble gɔji enyɔ komɛi ateŋ kɛba.

4 Mose 24:2

Ena Israelbii lɛ ni amɛjwere shi yɛ amɛkutsei lɛ anaa. Kɛkɛ ni Nyɔŋmɔ mumɔ lɛ bayi Balaam nɔ,

Yoshua 5:13

Be ni Yoshua ebɛŋkɛ Yeriko lɛ, gbi ko trukaa eyaawo ehiɛ nɔ lɛ, naa nuu ko damɔ ehiɛ ni egbala eklante ehiɛ. Yoshua tsi bɛŋkɛ nuu lɛ, ni ebi lɛ akɛ, “Wɔgbɛfaŋ oyɔɔ aloo wɔhenyɛlɔi lɛ agbɛfaŋ?”

Kpojiemɔ 13:11

Ni mina kooloo kroko miije kpo kɛmiijɛ shikpɔŋ lɛ mli kɛ eklontoi enyɔ tamɔ toobi akloŋtoi, ni wieɔ tamɔ drako.

Kpojiemɔ 5:6

Ni mikwɛ, ni naa, maŋtsɛ sɛ̃i lɛ kɛ hiɛkãalɔi ejwɛ lɛ teŋ kɛ onukpai nyɔŋmai enyɔ kɛ ejwɛ lɛ teŋ lɛ, Toobi ko damɔ shi tamɔ nɔ ni agbe lɛ, ni eyɛ akloŋtoi kpawo kɛ hiŋmɛii kpawo ni ji Nyɔŋmɔ mumɔi kpawo lɛ ni atsu kɛtee shikpɔŋ lɛ fɛɛ nɔ lɛ.