Daniel 8:27 - ŊMALƐ KRƆŊKRƆŊ LƐ

²⁷ Sane nɛɛ hã, mi Daniel, mifee vii; ni mihe ye be saŋŋ; kɛkɛ ni mite shi, ni mitee miyatsa nitsumɔ ni maŋtsɛ kɛwo midɛŋ lɛ nɔ. Mihe jɔ̃ mihe yɛ ninaa nɛɛ hewɔ; ni minuuu shishi.

Ṅmãle̱ Kroṅkroṅ Le̱

²⁷ Ši mi, Daniel, mife vī̃, ni mihe ye gbĩĩ komei; fe se̱ le̱ mite ši, ni mitšu maṅtše̱ le̱ nitsumo̱ le̱, ni mihe dšō mihe ye̱ ninā le̱ hewo̱, ši mokomoko enaa šiši.

Daniel 8:27 ပူးပေါင်းရင်းမြစ်များ

Daniel 10:16

Kɛkɛ ni bɔfo lɛ ni esu tamɔ gbɔmɔ adesa lɛ kɛ enine sa minaabu he. Kɛkɛ ni mibɔi wiemɔ, ni mikɛɛ bɔfo ni damɔ mihiɛ lɛ akɛ, “Ninaa lɛ eha mihewojiaŋ fɛɛ miiwa mihe, ni mifee gbedee.

Daniel 10:8

No hewɔ lɛ, ebashwɛ mi, mi koome ni miikwɛ ninaa kpeteŋkple nɛɛ. Migbɔmɔtsoŋ hewalɛ fɛɛ tã, ni mihiɛ fɛɛ tsake, ni hewalɛ ko bɛ mimli dɔŋŋ.

Daniel 4:19

Daniel ni atsɛɔ lɛ Belteshazar hu lɛ he jɔ̃ ehe be kplaŋŋ, ni ehao. Maŋtsɛ lɛ kɛɛ lɛ akɛ, “Belteshazar, kaahã lamɔ lɛ loo eshishitsɔ̃ɔmɔ lɛ miihao bo.” Belteshazar here nɔ, ni ekɛɛ akɛ, “Minuŋtsɔ, mina ni kulɛ lamɔ nɛɛ kɛ eshishitsɔ̃ɔmɔ lɛ kɔɔ ohenyɛlɔi ahe, shi jeee bo.

Daniel 5:14

Minu ohe akɛ nyɔŋmɔi krɔŋkrɔŋi lɛ amumɔ ni yɔɔ omli lɛ naa wa naakpa; anaa akɛ ohiɛ kã shi, ni ole nii, ni oyɛ jwɛŋmɔ hu pam.

Daniel 7:28

Sane lɛ naagbee nɛ. Sane nɛɛ gba, mi Daniel, minaa naakpa, ni ehã migbɔmɔtso tsake; shi mikɛ sane lɛ to minakutsoŋ.

Daniel 8:17

Gabriel tsi eba he ni midamɔ lɛ; shi gbeyei mɔ mi, ni mikɛ mihiɛ bu shi. Kɛkɛ ni Gabriel kɛɛ mi akɛ, “Ao! Gbɔmɔ Adesa bi, na ole akɛ je lɛ naagbee he ninaa nɛ.”

Daniel 8:2

Mina yɛ ninaa nɛɛ mli akɛ miyɛ maŋtsɛmaŋ ni atsɛɔ lɛ Susa ni yɔɔ Elam kpokpai anɔ shikpɔŋ lɛ nɔ lɛ mli. Midamɔ Ulai Faa lɛ naa.

Daniel 8:7

Be ni too kpakpo lɛ bɛŋkɛɔ gwantɛŋ nuu lɛ, emli ewo lɛ la naakpa. Eshi gwantɛŋ nuu lɛ, ni ekumɔ eklontoi enyɔ lɛ wɔtsɔwɔtsɔ. Gwantɛŋ lɛ nyɛɛɛ too kpakpo lɛ hiɛ adamɔ. Too kpakpo lɛ tsi gwantɛŋ nuu lɛ etswa shi, ni enaanaa enɔ. Mɔ ko kwraa bɛ hewalɛ ni ekɛaashɔ̃ gwantɛŋ nuu lɛ yɛ edɛŋ.

Habakuk 3:16

Minu enɛɛmɛi, ni mihe kpokpo; gbɛɛmɔ lɛ hã minaabu jo bliblibli. Mikpɔiaŋ fee gbedee, ni minaji tɔ̃tɔ̃ yɛ shikpɔŋ. Mibata shi kpoo mamɛ gbi ni abaahao mɛi ni baa koni amɛkɛ maŋ lɛ abawu lɛ.

1 Samuel 3:15

Kɛkɛ ni Samuel ho ekã shi kɛyashi je tsɛre ni egbele Yehowa we lɛ shinai lɛ. Samuel she he gbeyei akɛ eeegba Eli ninaa lɛ.