Daniel 8:23 - ŊMALƐ KRƆŊKRƆŊ LƐ

²³ “Kɛji maŋtsɛyelii ejwɛ nɛɛ anaagbee be lɛ bɛŋkɛ, ni yiwalɛ saji ni amɛyeyee hewɔ lɛ esa akɛ agbala amɛtoi lɛ, maŋtsɛ hiɛwalɔ ko ni le ŋaa fɔŋ baate shi.

Ṅmãle̱ Kroṅkroṅ Le̱

²³ Ni ame̱maṅtše̱yeli le̱ nãgbē mli, beni mlatõlo̱i le̱ amlatõmo̱ le̱ eyi le̱, maṅtše̱ ko ní hĩe wa ní ele ṅā fõṅ hũ aate ši. 11,21.

Daniel 8:23 ပူးပေါင်းရင်းမြစ်များ

1 Mose 15:16

Shi yinɔ ni ji ejwɛ sɛɛ lɛ oshwiei lɛ aaaku amɛsɛɛ kɛaaba biɛ ekoŋŋ; ejaakɛ eshai ni Amorbii feɔ lɛ shɛko he ni kɛ eshɛ ni abaagbala amɛtoi.”

Abe̱i 1:6

Ebaanu abɛi kɛ wiemɔi ni amɛshishinumɔ wa kɛ nilelɔi awiemɔi kɛ amɛjenui ashishi.

Ezekiel 38:16

Ooote shi owo mimaŋ Israel; nyɛyifalɛ baaha shikpɔŋ lɛ nɔ. Kɛji gbi lɛ shɛ lɛ mahã otua mishikpɔŋ lɛ, ni bɔ ni mafee bo yɛ majimaji lɛ ahiɛ lɛ, baahã amɛle mi akɛ mɔ krɔŋkrɔŋ ji mi.

Ezekiel 38:8

Afii komɛi asɛɛ lɛ abaabua omɛi lɛ anaa. No sɛɛ lɛ, obaate shi oshi shikpɔŋ ni akpɔ̃ amɛ kɛjɛ ta mli kɛba lɛ, shikpɔŋ ni yɔɔ Israel gɔji lɛ anɔ ni kã shi efolo daa, he ni abua mɛi pii anaa kɛjɛ majimaji anɔ kɛba lɛ. Ajie emaŋbii lɛ kɛjɛ majimaji lɛ amli, ni agbɛnɛ amɛ fɛɛ tswɛm amɛfee shweshweeshwe.

Daniel 10:14

ni miba koni mibatsɔ̃ɔ bo nɔ ni baaba omaŋbii lɛ anɔ wɔsɛɛ, ejaakɛ nɔ ni baaba wɔsɛɛ shɔŋŋ he ninaa ona lɛ.”

Daniel 11:21

Bɔfo lɛ tee ewiemɔ lɛ nɔ, ni ekɛɛ akɛ, “Mɔ ni baanyiɛ sɛɛ ebaye Siria maŋtsɛ agbɛnɛ lɛ ji gbɔmɔ gbonyo ko ni bɛ hegbɛ akɛ eyeɔ maŋtsɛ; shi be ni aaahɛle shi lɛ etsɔ̃ juukɛfɔ̃ kɛ naadɔkɔmɔ nɔ enine eshɛ maŋtsɛyeli lɛ nɔ.

Daniel 11:24

Ebaafã ta trukaa kɛya shikpɔŋ ko ni hi jogbaŋŋ nɔ, ni ebaaya eyafee nii ni etsɛmɛi kɛ eniimɛi tete efeko eko dã yɛ jɛi. Nii ni ebaaha yɛ jɛi lɛ, ebaajara ehã tabilɔi ni nyiɛ esɛɛ lɛ. Kɛfee sɛɛ lɛ ebaato eyiŋ akɛ ebaafãfãa tai kɛyatua maji tamɔ mɔji; shi eyeŋ omanye.

Daniel 7:11

Mitee nɔ mikwɛ ninaa lɛ, yɛ wiemɔi agboiagboi ni minuɔ aklonto bibioo lɛ wieɔ lɛ hewɔ. Mihiɛ kwɛmɔ aahu kɛyashi mina akɛ agbe kooloo ni ji ejwɛ lɛ, ni afite egbɔmɔtso lɛ, ni ashɛ lɛ afɔ̃ la lɛ mli koni eshã.

Daniel 7:20

Mitao hu akɛ male aklontoi nyɔŋma ni mamɔ kooloo lɛ yitso he lɛ ahe sane. Mitao hu akɛ male aklonto kome lɛ nɔ ni fã kpo, ni be ni eje kpo lɛ efãmɔ aklontoi lɛ ateŋ etɛ̃ kɛ amɛshishifãi fɛɛ eshwie lɛ hu he sane. Lɛ eyɔɔ hiŋmɛii, ni eyɛ naabu, ni ekɛwieɔ wiemɔi agboiagboi tamɔ nɔ ni efe aklontoi krokomɛi lɛ fɛɛ lɛ.

Daniel 7:25

Maŋtsɛ nɛɛ baawie eshi Nyɔŋmɔ Ofe lɛ, ni ebaahã etɔ Ŋwɛi Flooflonyo lɛ mɛi krɔŋkrɔŋi lɛ jogbaŋŋ. Eeeto eyiŋ po akɛ eeetsake Ŋwɛi Flooflonyo lɛ mɛi krɔŋkrɔŋi lɛ ajamɔ mlai lɛ kɛ gbii juji ni amɛyeɔ lɛ fɛɛ, ni ebaaye amɛnɔ kɛyashi afii etɛ̃ kɛ fã.

Daniel 7:8

Mihiɛ aklontoi lɛ kwɛmɔ kɛkɛ lɛ naa aklonto hee bibioo ko ekwɛ̃ kɛje kpo yɛ amɛteŋ. Aklonto bibioo nɛɛ fãmɔ aklontoi memeji lɛ ateŋ etɛ̃ kɛ amɛshishi fɛɛ eshwie. Aklonto nɛɛ yɛ hiŋmɛii tamɔ gbɔmɔ hiŋmɛii ni eyɛ naabu, ni ekɛmiiwie shwãa wiemɔi agboiagboi.

Daniel 8:22

Bɔ ni aklonto kome nɛɛ kũ, ni aklontoi ejwɛ baye enajiaŋ lɛ, nakai Hela maŋtsɛyeli lɛ mli baagbala ejwɛ; shi amɛteŋ eko eko hewalɛ shɛŋ klɛŋklɛŋ maŋtsɛyeli lɛ hewalɛ lɛ.

Daniel 8:24

Ebaana hewalɛ kpele; shi ehewalɛ lɛ jɛŋ lɛ diɛŋtsɛ emli. Ebaakpãtã nibii ahiɛ butuu, ni nɔ fɛɛ nɔ ni eeefee lɛ, ebaaye omanye yɛ mli. Ebaakpãtã hewalɔi kɛ Nyɔŋmɔ webii lɛ tete ahiɛ.

Daniel 8:25

Eŋaalee lɛ hewɔ lɛ, kɛtsɔ̃ enɔ lɛ lakamɔ baafa pii, ni ebaawo ehe nɔ. Ebaakpãtã mɛi babaoo ahiɛ, be mli ni amɛleee amɛhe be. Ebaate shi ewo jeŋ fɛɛ Lumɔi alumɔ lɛ; shi abaakpãtã ehiɛ, be mli ni adesa nine etako ehe tete.

4 Mose 24:24

Akɛ ta lɛji aaajɛ Kipro aba ni aaabaye Asiria kɛ Eber nɔ. Shi tatsɛmɛi nɛɛ hu ahiɛ aaakpãtã kɛya naanɔ.”

Mateo 23:32

Nyɛ hu nyɛwoa nyɛtsɛmɛi lɛ asusumɔ tsene lɛ obɔ̃ mɔ!

5 Mose 28:50

maŋ ni hiɛ yɔɔ kramakrama; amɛhiɛ eshwieee onukpa hiɛiaŋ lɛ, amɛnaaa gbekɛ mɔbɔ hu.

1 Tesalonikabii 2:16

Amɛtsĩɔ wɔ gbɛ hu akɛ wɔkawie wɔtsɔ̃ɔ jeŋmaji lɛ ni ahere amɛyiwala. Ni amɛkɛwoɔ amɛhe eshai lɛ obɔ̃ daa, shi mlifu lɛ enina amɛ kɛmɔ shi.

1 Timoteo 4:1

Shi Mumɔ lɛ kɛɔ faŋŋ akɛ naagbee gbii lɛ amli lɛ mɛi komɛi aaakwa hemɔkɛyeli lɛ, ni amɛaabo lakamɔ mumɔi kɛ mumɔi fɔ̃ji atsɔ̃ɔmɔi atoi

Kpojiemɔ 19:20

Ni amɔ kooloo lɛ, ni amɔ amalegbalɔ lɛ afata ehe, amalegbalɔ lɛ ni fee okadii yɛ ehiɛ ni ekɛshishiu mɛi ni ŋɔ kooloo lɛ okadi lɛ kɛ mɛi ni jaa emãgã lɛ. Ni aŋɔ kooloo lɛ kɛ amale gbalɔ lɛ ni akɛ mɛi enyɔ nɛɛ fɛɛ wo la kpaakpo lɛ ni tsoɔ kɛ swɔɔ lɛ mli ni amɛhiɛ kãmɔ.