Daniel 8:22 - ŊMALƐ KRƆŊKRƆŊ LƐ

²² Bɔ ni aklonto kome nɛɛ kũ, ni aklontoi ejwɛ baye enajiaŋ lɛ, nakai Hela maŋtsɛyeli lɛ mli baagbala ejwɛ; shi amɛteŋ eko eko hewalɛ shɛŋ klɛŋklɛŋ maŋtsɛyeli lɛ hewalɛ lɛ.

Ṅmãle̱ Kroṅkroṅ Le̱

²² Agbe̱ne̱ le̱ bo̱ni no kũ ni edſe̱ te ši damo̱ ši ye̱ enãdšiaṅ le̱, maṅtše̱yeli edſe̱ aadše̱ dšeṅmaṅ le̱ mli ate ši, ši ame̱náṅ hewale̱ tamo̱le̱.

Daniel 8:22 ပူးပေါင်းရင်းမြစ်များ

Daniel 11:4

Shi be mli ni egbojee lɛ ehe shi jogbaŋŋ lɛ mli nɔŋŋ ni emaŋtsɛyeli lɛ baagbee shi. Emli baagbala srɔtoi ejwɛ kɛya jeŋ koji ejwɛ lɛ. Mligbalamɔi nɛɛ anɔyeli baaya ayaje mɛi ni amɛjeee maŋtsɛ nɛɛ shwiei adɛŋ; shi moŋ nɔyelɔi hei nɛɛ ahewalɛ kɛ maŋtsɛ lɛ hewalɛ yeŋ hegbɔ; ni abaashɔ̃ maŋtsɛyeli lɛ ekoŋŋ yɛ mɛi nɛɛ adɛŋ ahã mɛi krokomɛi.

Daniel 7:6

Enɛ sɛɛ lɛ mihiɛ kwɛmɔ kɛkɛ ni kooloo kroko ko hu fã kpo. Etamɔ kootsɛ; shi eyɛ fiji ejwɛ, ni etamɔ nɔ ko ni aŋɔ nɔyeli hewalɛ kpeteŋkple ahã lɛ.

Daniel 7:7

Mihiɛ kwɛmɔ nɔŋŋ kɛkɛ ni kooloo ni ji ejwɛ lɛ fã kpo. Ehe yɛ gbeyei kɛ naakpɛɛ fɛɛ; eyɛ hewalɛ naakpa. Eyɛ dade nyanyɔji kpakpatakpakpataa, ni ekɛjwara eniyenii lɛ amli dukuduku ni eye; ni fufuji ni shwɛ lɛ ekɛ enaji naanaa nɔ. Esoro lɛ kwraa yɛ kooloi krokomɛi ni tsɔ̃ hiɛ ba lɛ ateŋ. Lɛ lɛ eyɛ aklontoi nyɔŋma.

Daniel 8:21

Hela maŋtsɛyeli lɛ he okadi ji too kpakpo lɛ; ni aklonto wulu kome lɛ ni ma ehiŋmɛii ateŋ lɛ ji eklɛŋklɛŋ maŋtsɛ lɛ.

Daniel 8:23

“Kɛji maŋtsɛyelii ejwɛ nɛɛ anaagbee be lɛ bɛŋkɛ, ni yiwalɛ saji ni amɛyeyee hewɔ lɛ esa akɛ agbala amɛtoi lɛ, maŋtsɛ hiɛwalɔ ko ni le ŋaa fɔŋ baate shi.

Daniel 8:3

Be ni miwo mihiɛ nɔ lɛ, mina gwantɛŋ nuu agbo ko damɔ faa lɛ naa. Eyɛ aklontoi enyɔ; aklontoi nɛɛ kwɔlɔ naakpa, ni ekome kwɔ fe ekome; shi aklontoi lɛ ateŋ nɔ ni kwɔ lɛ no moŋ ji aklonto ni gwantɛŋ nuu lɛ je sɛɛkpee.

Daniel 8:8

Kɛkɛ ni too kpakpo nɛɛ bɔ̃i ehenɔwomɔ, ejaakɛ esusu akɛ eje agbo. Shi be ni ehe kɛɛ ewaa kwraa lɛ, aku eklonto agbo lɛ. Kɛkɛ ni aklontoi ejwɛ krokomɛi je kpo faŋŋ yɛ aklonto agbo kome lɛ najiaŋ ni amɛmiikwɛ jeŋ koji ejwɛ lɛ fɛɛ.

Zakaria 6:1

Misaa miwo mihiɛ nɔ ni mina tayaa shwiilii ejwɛ komɛi fã kpo kɛjɛ akɔɔble gɔji enyɔ komɛi ateŋ kɛba.