Daniel 8:2 - ŊMALƐ KRƆŊKRƆŊ LƐ

² Mina yɛ ninaa nɛɛ mli akɛ miyɛ maŋtsɛmaŋ ni atsɛɔ lɛ Susa ni yɔɔ Elam kpokpai anɔ shikpɔŋ lɛ nɔ lɛ mli. Midamɔ Ulai Faa lɛ naa.

Ṅmãle̱ Kroṅkroṅ Le̱

² Ni mina ye̱ ninā le̱ mli, ni eba mli ake̱, beni mina le̱, miye̱ Šušan mō̃ le̱ ní yo̱ Elam šikpoṅ le̱ no̱ le̱ mli; ni mina ye ninā le̱ mli, ni miye Ulai fā le̱ nā.

Daniel 8:2 ပူးပေါင်းရင်းမြစ်များ

1 Mose 10:22

Shem fɔ Elam kɛ Ashur kɛ Arpakshad kɛ Lud kɛ Aram.

1 Mose 14:1

Maŋtsɛmɛi ejwɛ, Babilon maŋtsɛ Amrafel kɛ Elasar maŋtsɛ Ariok kɛ Elam maŋtsɛ Kedorlaomer kɛ Goiim maŋtsɛ Tidal abei amli lɛ,

Nehemia 1:1

Nehemia, Hakalia bi lɛ, saji nɛ. Yɛ Kislev nyɔŋ lɛ nɔ yɛ afi ni ji nyɔŋmai enyɔ lɛ nɔ lɛ, miyɛ Susa, maŋtsɛmaŋ lɛ mli,

Ester 1:2

Susa maŋ lɛ mli ji he ni emaŋtsɛ sɛi lɛ yɔɔ, ni jɛi ejɛɔ ni eyeɔ maji lɛ anɔ.

Ester 2:8

Be ni ashiɛ Maŋtsɛ Ahashwerosh kitã kɛ akpɔ lɛ, ni abua oblayei pii anaa kɛtee Susa mɔɔ lɛ mli lɛ, Ester fata he eko kɛtee, ni akɛ amɛ yahã Hegai yei akwɛlɔ lɛ.

Ester 3:15

Bɔfoi lɛ kɛ woji lɛ shi kɛ foi yɛ maŋtsɛ lɛ fãmɔ naa kɛtee shikpɔji lɛ anɔ. Ashiɛ akpɔ lɛ yɛ Susa ni ji maŋtsɛmaŋ lɛ mli hu. Kɛkɛ ni Maŋtsɛ Ahashwerosh kɛ Haman ho tara shi ni amɛnu dãa, be mli ni akpɔ lɛ ehã Susa maŋ lɛ fɛɛ ejijaa lɛ.

Ester 7:6

Maŋnyɛ Ester to he akɛ, “Wɔhenyɛlɔ kɛ wɔyinɔ apamtolɔ lɛ, lɛ ji Haman, gbɔmɔ fɔŋ nɛɛ.” Kɛkɛ ni Haman tsui fã yɛ maŋtsɛ lɛ kɛ maŋnyɛ lɛ hiɛ.

Ester 8:15

Mɔdekai je maŋtsɛ lɛ hiɛ etee, ni ewo maŋtsɛ atade ni akɛ mama bluu kɛ mama yɛŋ ekpɛ, kɛ enɔ atade wuyaa ni akɛ klala yɛŋ kɛ kuŋtu tsuru faa kpɛ. Shika akekre agbo fi eyitso. Susa maŋ lɛ nya ni amɛna miishɛɛ.

Ester 9:11

Nakai gbi lɛ nɔŋŋ lɛ ayabɔ Maŋtsɛ Ahashwerosh mɛi ayibɔ ni agbe yɛ Susa ni ji maŋtsɛmaŋ lɛ mli lɛ.

Ester 9:15

Kɛkɛ ni Yudafoi ni yɔɔ Susa maŋ lɛ mli lɛ bua amɛhe naa ekoŋŋ yɛ Adar nyɔŋ lɛ nɔ gbi ni ji nyɔŋma kɛ ejwɛ lɛ nɔ, ni amɛsaa amɛgbegbee mɛi ohai etɛ̃ yɛ Susa; shi moŋ amɛhaaa mɛi anii.

Yesaia 11:11

Nakai be mli lɛ Nuŋtsɔ lɛ kɛ hewalɛ baakpɔ̃ ewebii ni eshwɛ lolo lɛ, nɔ ni ji shii enyɔ nɔ, kɛjɛ Asiria kɛ Ijipt kɛ Patros kɛ Kush kɛ Elam kɛ Babilon kɛ Hamat, asaŋ kɛ ŋshɔnaa shikpɔji lɛ anɔ kɛaaba.

Yesaia 21:2

Ajie ninaa ko ni yɔɔ gbeyei atsɔ̃ɔ mi: mɔsɛɛgbɛtsɔ̃ɔlɔ ni miitsɔ̃ɔ mɔ ko sɛɛgbɛ, kɛ nifitelɔ ni miifite nii. Elam, kwɔɔ kɛya! Media, yaasa maji lɛ ayi! Mahã ŋkɔmɔi fɛɛ ni Babilon eha eyeɔ lɛ sɛɛ afo!

Yeremia 25:25

kɛ Zimri maŋtsɛmɛi lɛ fɛɛ kɛ Elam maŋtsɛmɛi lɛ fɛɛ kɛ Media maŋtsɛmɛi lɛ fɛɛ,

Ezekiel 1:1

Yɛ afi ni ji nyɔŋmai etɛ̃ lɛ nɔ, nyɔŋ ni ji ejwɛ lɛ nɔ, gbi ni ji enumɔ lɛ nɔ lɛ, be ni miyɔɔ nomii lɛ ateŋ yɛ Kebar Faa lɛ naa lɛ, agbele ŋwɛi naa, ni mina Nyɔŋmɔ he ninai.

Ezekiel 32:24

“Elam yɛ jɛi ni esafo yuu lɛ fɛɛ asaŋi ebɔle lɛ. Amɛ fɛɛ lɛ klante naa amɛnyɔnyɔɔ yɛ. Foolɔi ni kpeleke shi kɛtee gbohiiaje ni. Amɛhã ŋmiŋmi mɔmɔ hiɛkãalɔi yɛ hiɛkãalɔi ashikpɔŋ lɛ nɔ, agbɛnɛ amɛ kɛ mɛi ni kpelekeɔ shi kɛyaa gbohiiaje lɛ fɛɛ ahiɛ eshwie shi.

Daniel 10:4

Klɛŋklɛŋ nyɔŋ lɛ nɔ gbi ni ji nyɔŋmai enyɔ kɛ ejwɛ lɛ nɔ lɛ, midamɔ faa wulu ni gbɛi ji Tigris lɛ naa.

Daniel 7:15

Ninai lɛ wo mihe gbeyei, ni mimumɔ hao yɛ mi, Daniel, mimli.

Daniel 7:2

Daniel ŋma akɛ, “Mina yɛ mininaa lɛ mli akɛ nyɔɔŋ kɔɔyɔɔ efã kɛjɛ jeŋ koji ejwɛ lɛ fɛɛ, ni ehã ŋshɔ fee hamahama.

Daniel 8:1

Maŋtsɛ Belshazar yinɔ afi ni ji etɛ̃ lɛ nɔ lɛ, ajie ninaa ko ekoŋŋ atsɔ̃ɔ mi, Daniel, yɛ klɛŋklɛŋ ninaa lɛ sɛɛ.

Daniel 8:3

Be ni miwo mihiɛ nɔ lɛ, mina gwantɛŋ nuu agbo ko damɔ faa lɛ naa. Eyɛ aklontoi enyɔ; aklontoi nɛɛ kwɔlɔ naakpa, ni ekome kwɔ fe ekome; shi aklontoi lɛ ateŋ nɔ ni kwɔ lɛ no moŋ ji aklonto ni gwantɛŋ nuu lɛ je sɛɛkpee.

4 Mose 12:6

ni Yehowa kɛɛ amɛ akɛ, “Nyɛboa mi toi! Kɛji gbalɔ ko yɛ nyɛteŋ lɛ, mitsɔ̃ɔ ninaa nɔ mihãa eleɔ mi, ni wɔlamɔ mli mitsɔ̃ɔ mikɛ lɛ wieɔ.

Hebribii 1:1

Sa lɛ bei srɔtoi amli kɛ gbɛi srɔtoi anɔ Nyɔŋmɔ tsɔ̃ ekɛ wɔtsɛmɛi lɛ wie yɛ gbalɔi lɛ anaa.

Kpojiemɔ 9:17

Ni bɔ ni mina okpɔŋɔi lɛ kɛ amɛnɔtaralɔi lɛ yɛ ninaa lɛ mli nɛ: amɛwo damai ni hiɛ là kɛ safiro kɛ swɔɔ su; ni okpɔŋɔi lɛ ayitsei tamɔ jatai ayitsei, ni là kɛ lasu kɛ swɔɔ fãa kɛjɛɔ amɛdaaŋ.