Daniel 8:19 - ŊMALƐ KRƆŊKRƆŊ LƐ

¹⁹ ni ekɛɛ mi akɛ, “Naa, mibatsɔ̃ɔ bo nɔ ni baaba yɛ mlifu lɛ naagbee gbii lɛ amli. Je lɛ naagbee be ni ato lɛ he ninaa nɛ.

Ṅmãle̱ Kroṅkroṅ Le̱

¹⁹ Ni ekē̱mi ake̱: Na, mibatšõo noni baba ye̱ mlifũ le̱ nāgbē be le̱ mli; edšake̱ nāgbē be ní ato le̱ nõ ni.

Daniel 8:19 ပူးပေါင်းရင်းမြစ်များ

Lalai 102:13

Obaate shi, ni obaana Zion mɔbɔ; ejaakɛ omɔbɔnalɛ be nɛ; be ni ato lɛ eshɛ.

Daniel 11:27

Maŋtsɛmɛi enyɔ nɛɛ baatara shi yɛ okplɔ̃ kome he amɛye nii, shi amɛteŋ mɔ fɛɛ mɔ yɛ yiŋsha yɛ enyɛmi he; ni amɛaalaka amɛhe yɛ niyenii lɛ shishi tete. Amɛteŋ mɔ ko mɔ ko yiŋtoo lɛ baŋ mli haŋ lɛ, ejaakɛ be ni ato lɛ shɛko.

Daniel 12:4

Shi ekɛɛ mi akɛ, “Bo, Daniel, tsiimɔ wiemɔi nɛɛ anɔ, ni osɔo wolo nɛɛ naa kɛyashi naagbee be lɛ. Ni mɛi pii aaagba amɛhe naa kɛya kɛba kɛtao nɔ ni eba lɛ shishi; ni nilee aaafa.”

Daniel 8:23

“Kɛji maŋtsɛyelii ejwɛ nɛɛ anaagbee be lɛ bɛŋkɛ, ni yiwalɛ saji ni amɛyeyee hewɔ lɛ esa akɛ agbala amɛtoi lɛ, maŋtsɛ hiɛwalɔ ko ni le ŋaa fɔŋ baate shi.

Habakuk 2:3

Ninaa nɛɛ be lɛ shɛko moŋ, shi eeye ehe oyai kɛba. Kɛji eshashao shi tete po jiŋŋ, bo lɛ mɛɛ, ejaakɛ ebaaba kɛ̃ ni etsɛŋ.

Luka 21:23

Shi miihã yei ni hiɛ musu kɛ yei ni hãa fufɔ yɛ nakai bei lɛ amli lɛ kpoo! Ejaakɛ fimɔ babaoo baaba shikpɔŋ lɛ nɔ, ni mlifu hu baaba nɛkɛ maŋ nɛɛ nɔ.

Kpojiemɔ 1:1

Yesu Kristo kpojiemɔ ní Nyɔŋmɔ kɛhã lɛ ni ekɛtsɔ̃ɔ etsuji nii ní sa akɛ aba mli nɔŋŋ ní ekɛtsu ebɔfo lɛ ni ehã etsulɔ, Yohane le lɛ.

Kpojiemɔ 10:7

shi moŋ be mli ni aaanu bɔfo ni ji kpawo lɛ gbee be ni eehé ekpã etɛtrɛmantrɛ lɛ, no lɛ agbe Nyɔŋmɔ teemɔ sane lɛ hu naa, bɔ ni ejaje etsɔ̃ɔ lɛ diɛŋtsɛ etsuji ni ji gbalɔi lɛ.”

Kpojiemɔ 11:18

Ni jeŋmaji lɛ amli efu. Ni omlifu be lɛ eshɛ kɛ be ni abaakojo gbohii lɛ. Ni abaawo otsuji ni ji gbalɔi lɛ kɛ krɔŋkrɔŋbii lɛ kɛ mɛi ni sheɔ ogbɛi lɛ gbeyei, mɛi bibii kɛ mɛi wuji lɛ anyɔmɔ. Ni abaafite mɛi ni fiteɔ shikpɔŋ lɛ!”

Kpojiemɔ 15:1

Ni mina naakpɛɛ okadi kroko yɛ ŋwɛi, eda ni eyɛ naakpɛɛ: bɔfoi kpawo ni hiɛ haomɔi kpawo ni ji naagbeenii lɛ, ejaakɛ nomɛi akɛgbeɔ Nyɔŋmɔ mlila lɛ naa.

Kpojiemɔ 17:17

Ejaakɛ Nyɔŋmɔ kɛwo amɛtsuii amli koni amɛfee eyiŋtoonii lɛ ni amɛhiɛ jwɛŋmɔ kome ni amɛkɛ amɛmaŋtsɛyeli lɛ ahã kooloo lɛ kɛyashi beyinɔ ni Nyɔŋmɔ wiemɔi lɛ aaaba mli.”