Daniel 8:17 - ŊMALƐ KRƆŊKRƆŊ LƐ

¹⁷ Gabriel tsi eba he ni midamɔ lɛ; shi gbeyei mɔ mi, ni mikɛ mihiɛ bu shi. Kɛkɛ ni Gabriel kɛɛ mi akɛ, “Ao! Gbɔmɔ Adesa bi, na ole akɛ je lɛ naagbee he ninaa nɛ.”

Ṅmãle̱ Kroṅkroṅ Le̱

¹⁷ Ke̱ke̱ ni etšī eba heni mīdamo̱ le̱, ni beni eba le̱, miše gbeyei, ni *mike̱ mihĩe bu ší ni ekē̱mi ake̱: Tēdšemo̱ ohĩe okwe̱, gbomobi; edšake̱ nāgbē be le̱ he ninā ne̱! *10,9.

Daniel 8:17 ပူးပေါင်းရင်းမြစ်များ

1 Mose 17:3

Kɛkɛ ni Abram ŋɔ ehiɛ ebu shi, ni Nyɔŋmɔ kɛɛ lɛ akɛ,

Ezekiel 1:28

Bɔ ni anaa kwaabuɛtɛ su kɛji efo yɛ atatuiaŋ yɛ nunɛmɔ be mli lɛ, nakai ehe ni ekpɛ haŋŋ lɛ yɔɔ. Bɔ ni Yehowa anunyam su yɔɔ nɛ.

Ezekiel 2:1

Ni be ni mina enɛ lɛ miho migbee shi, ni mikɛ mihiɛ bu shi, kɛkɛ ni minu mɔ ko gbee ni miiwie akɛ, “Gbɔmɔ Adesa, tee shi odamɔ shi, mikɛ bo baawie.”

Ezekiel 44:4

Kɛkɛ ni nuu lɛ kɛ mi tsɔ̃ kooyigbɛ agbo lɛ naa gbɛ kɛba Sɔlemɔ we lɛ hiɛ. Mikwɛ, ni naa, Yehowa anunyam lɛ eyi Yehowa Sɔlemɔ we lɛ obɔ̃. Kɛkɛ ni miho migbee shi, ni mikɛ mihiɛ bu shi.

Ezekiel 6:2

“Gbɔmɔ Adesa, tsɔ̃ ohiɛ ohã Israel gɔji lɛ, ni ogba oshi amɛ ni okɛɛ akɛ,

Daniel 10:11

Bɔfo lɛ kɛɛ mi akɛ, “Daniel, Nyɔŋmɔ miisumɔ bo naakpa. Tee shi ni odamɔ shi, koni obo wiemɔi ni mikɛ bo baawie lɛ toi, ejaakɛ atsu mi oŋɔɔ.” Be ni bɔfo lɛ kɛ mi ewie nɛkɛ sɛɛ lɛ, mite shi midamɔ shi kɛ hekpokpomɔ.

Daniel 10:16

Kɛkɛ ni bɔfo lɛ ni esu tamɔ gbɔmɔ adesa lɛ kɛ enine sa minaabu he. Kɛkɛ ni mibɔi wiemɔ, ni mikɛɛ bɔfo ni damɔ mihiɛ lɛ akɛ, “Ninaa lɛ eha mihewojiaŋ fɛɛ miiwa mihe, ni mifee gbedee.

Daniel 11:27

Maŋtsɛmɛi enyɔ nɛɛ baatara shi yɛ okplɔ̃ kome he amɛye nii, shi amɛteŋ mɔ fɛɛ mɔ yɛ yiŋsha yɛ enyɛmi he; ni amɛaalaka amɛhe yɛ niyenii lɛ shishi tete. Amɛteŋ mɔ ko mɔ ko yiŋtoo lɛ baŋ mli haŋ lɛ, ejaakɛ be ni ato lɛ shɛko.

Daniel 11:40

“Kɛji Siria maŋtsɛ lɛ naagbee be lɛ shɛ lɛ, Ijipt maŋtsɛ lɛ baaya eyatua lɛ. Siria maŋtsɛ lɛ baafã tamɔ ahum ekɛ Ijipt maŋtsɛ lɛ abakpe kɛ tayaa shwiilii kɛ okpɔŋɔtalɔi kɛ lɛji babaoo. Ebaatua shikpɔji babaoo, ni ebaatsɔ̃ amɛnɔ kɛho tamɔ faa ni eje ŋa.

Daniel 12:13

“Ni bo Daniel, ye anɔkwa kɛyashi naagbee; ni no sɛɛ lɛ obaagbo; shi ooote shi, ni ooona aekoo ni sa bo yɛ naagbee gbi lɛ nɔ.”

Daniel 12:4

Shi ekɛɛ mi akɛ, “Bo, Daniel, tsiimɔ wiemɔi nɛɛ anɔ, ni osɔo wolo nɛɛ naa kɛyashi naagbee be lɛ. Ni mɛi pii aaagba amɛhe naa kɛya kɛba kɛtao nɔ ni eba lɛ shishi; ni nilee aaafa.”

Daniel 2:46

Kɛkɛ ni Maŋtsɛ Nebukadnezar kɛ ehiɛ bu shi, ni eja Daniel, ni efã akɛ ashã afɔle kɛ tsofakɛŋma ahã Daniel.

Daniel 7:16

Mitsi mibɛŋkɛ mɛi ni damɔ jɛi lɛ ateŋ mɔ kome, ni mibi lɛ koni etsɔ̃ɔ mi ninaa lɛ shishi kɛ anɔkwale krɛdɛɛ ni yɔɔ mli lɛ; ni etsɔ̃ɔ mi nibii lɛ ashishi.

Daniel 8:15

Be ni mi, Daniel, mina nɛkɛ ninaa nɛɛ, ni miitao eshishi male lɛ, mina mɔ ko tamɔ gbɔmɔ badamɔ mihiɛ.

Daniel 8:19

ni ekɛɛ mi akɛ, “Naa, mibatsɔ̃ɔ bo nɔ ni baaba yɛ mlifu lɛ naagbee gbii lɛ amli. Je lɛ naagbee be ni ato lɛ he ninaa nɛ.

Daniel 8:27

Sane nɛɛ hã, mi Daniel, mifee vii; ni mihe ye be saŋŋ; kɛkɛ ni mite shi, ni mitee miyatsa nitsumɔ ni maŋtsɛ kɛwo midɛŋ lɛ nɔ. Mihe jɔ̃ mihe yɛ ninaa nɛɛ hewɔ; ni minuuu shishi.

Daniel 9:23

Be ni oje shishi ni obɔi Nyɔŋmɔ faikpamɔ lɛ, afã mi, ni no hewɔ miba koni mibatsɔ̃ɔ bo shishi nɛɛ, ejaakɛ Nyɔŋmɔ sumɔɔ bo naakpa. No hewɔ lɛ, jwɛŋmɔ wiemɔ lɛ he koni onu ninaa lɛ shishi.

Daniel 9:27

Lumɔ nɛɛ kɛ mɛi babaoo baakpãŋ kɛyashi afii kpawo; shi afii etɛ̃ kɛ fã sɛɛ lɛ, lumɔ nɛɛ baagu shãa afɔle kɛ niyenii afɔle shãa kwraa. Abaafee amãgã ni buleɔ He Krɔŋkrɔŋ lɛ ama he ni yɔɔ grɔŋŋ fe fɛɛ yɛ Sɔlemɔ we lɛ mli; ni amãgã nɛɛ baama jɛi kɛyaashi beyinɔ ni Nyɔŋmɔ eto kɛbaagbala mɔ ni kɛ amãgã lɛ bama jɛi lɛ toi aaashɛ.”

Habakuk 2:3

Ninaa nɛɛ be lɛ shɛko moŋ, shi eeye ehe oyai kɛba. Kɛji eshashao shi tete po jiŋŋ, bo lɛ mɛɛ, ejaakɛ ebaaba kɛ̃ ni etsɛŋ.

Mateo 17:8

Shi be ni amɛwo amɛhiɛ nɔ lɛ, amɛnaaa mɔ ko akɛ ja Yesu kome pɛ.

Kpojiemɔ 1:17

Ni be ni mina lɛ lɛ, migbee shi yɛ enaji anaa tamɔ gbonyo; ni ekɛ eninejurɔ ŋmɛ minɔ, ni ekɛɛ mi akɛ, “Kaashe gbeyei; mi ji klɛŋklɛŋ mɔ lɛ kɛ naagbee mɔ lɛ

Kpojiemɔ 22:8

Ni mi, Yohane, ji mɔ ni nu ni na nii nɛɛ. Ni be ni minu ni mina lɛ miho mibu shi ni maja yɛ bɔfo lɛ ni tsɔ̃ɔ mi nii nɛɛ lɛ naji anaa.