Daniel 8:11 - ŊMALƐ KRƆŊKRƆŊ LƐ

¹¹ Ewo ehe nɔ aahu kɛyashɛ ŋwɛi asafo lɛ lumɔ lɛ tete nɔ; ni eshɔ̃ daa gbi afɔle ni ashãa lɛ yɛ edɛŋ, ni efite He Krɔŋkrɔŋ lɛ.

Ṅmãle̱ Kroṅkroṅ Le̱

¹¹ Ni ewó ehe no̱ ke̱-yaši asafo le̱ lumo̱ le̱ nõ, ni ešõ dā gbĩ afo̱le le̱ ye̱ edeṅ, ni etši ehekroṅkroṅ šihĩle̱he le̱ etſa ši. 11,31.

Daniel 8:11 ပူးပေါင်းရင်းမြစ်များ

Yesaia 37:23

Namɔ ahora obɔ, ni asaŋ ojɛ lɛ lɛ? Namɔ obolɔ owo, ni ogbɛ ohiŋmɛiŋ owo lɛ lɛ? Mi, Israel Mɔ Krɔŋkrɔŋ lɛ ni.

Yesaia 37:29

Akɛni ogri owo mi, ni minu shwãa ni oshwã lɛ hewɔ lɛ, mikɛ kpoŋ baatsɛ̃rɛ ogugɔ mli, ni mikɛ mimanyoflɛ baawo odaaŋ, ni mibakpale bo kɛku osɛɛ kɛya; mikɛ bo baatsɔ̃ gbɛ ni otsɔ̃ nɔ kɛba lɛ nɔŋŋ nɔ.”

Yeremia 48:26

Yehowa kɛɛ akɛ, “Nyɛhãa Moab atɔa dãa, ejaakɛ ewo ehe nɔ yɛ Yehowa nɔ. Moab baakoklo shi yɛ lɛ nɔŋŋ eshwee ni eshwe mli, ni abaaŋmɔ lɛ.

Yeremia 48:42

Abaakpãtã Moab hiɛ bɔ ni etsɔŋ maŋ dɔŋŋ, ejaakɛ ewo ehe nɔ yɛ Yehowa nɔ.

Ezekiel 46:14

Ekɛ niyenii afɔle afata he daa leebi. Eŋɔ ŋmãa mamu efa mlijaa ekpaa mli ekome, ni ekɛ mu hin mlijaa etɛ̃ mli ekome afata he, ni akɛkpɔtɔ akɛ niyenii afɔle ahã Yehowa. Akpɔ ni akã shi daa ji no.

Daniel 11:22

Tabilɔi fɛɛ ni aaate shi awo lɛ lɛ, ebaabɛɛ amɛ eshwie. Nakai nɔŋŋ ebaafee kpãŋmɔ lɛ lumɔ lɛ diɛŋtsɛ.

Daniel 11:31

Ebaawo etabilɔi lɛ ekomɛi agbɛ koni amɛyabule Sɔlemɔ we Krɔŋkrɔŋ lɛ kɛ mɔɔ lɛ hu. Amɛbaagu daa gbi afɔlei ni ashãa lɛ, ni amɛkɛ amãgã ni buleɔ Sɔlemɔ we lɛ baama jɛi.

Daniel 12:11

“Kɛji agu daa gbi afɔle ni ashãa lɛ, be ni akɛ amãgã ni buleɔ Sɔlemɔ we lɛ baama shi lɛ, gbii akpe kɛ ohai enyɔ kɛ nyɔŋmai nɛɛhu baaho.

Daniel 5:23

shi moŋ owo ohe nɔ yɛ Nuŋtsɔ ni yɔɔ ŋwɛi lɛ hiɛ. Otee oyaloo kpuji kɛ okpolui ni yɔɔ ewe lɛ kɛba, ni bo kɛ onukpai lɛ kɛ oŋamɛi lɛ kɛ ohemɛi lɛ kɛbanu dãa. Enɛ sɛɛ hu lɛ nyɛjie wɔji srɔtoi ni akɛ shika kɛ jwiɛtɛi kɛ akɔɔble kɛ dade kɛ tso kɛ tɛ efee lɛ ayi, nibii ni amɛnãaa nii, ni amɛnuuu nii, ni amɛleee nɔ ko nɔ ko lɛ yi. Shi Nyɔŋmɔ lɛ, ni lɛ edɛŋ owala kɛ oyaakɛbaa fɛɛ yɔɔ lɛ, ojieee lɛ moŋ eyi.

Daniel 7:25

Maŋtsɛ nɛɛ baawie eshi Nyɔŋmɔ Ofe lɛ, ni ebaahã etɔ Ŋwɛi Flooflonyo lɛ mɛi krɔŋkrɔŋi lɛ jogbaŋŋ. Eeeto eyiŋ po akɛ eeetsake Ŋwɛi Flooflonyo lɛ mɛi krɔŋkrɔŋi lɛ ajamɔ mlai lɛ kɛ gbii juji ni amɛyeɔ lɛ fɛɛ, ni ebaaye amɛnɔ kɛyashi afii etɛ̃ kɛ fã.

Daniel 8:12

Aŋɔ asafo lɛ ahã lɛ kɛ daa gbi afɔle ni ashãa lɛ hu; ni enɛ lɛ eji tɔ̃mɔ; ashɛ anɔkwale afɔ̃; ni nɔ fɛɛ nɔ ni aklonto lɛ fee lɛ shwere.

Daniel 8:24

Ebaana hewalɛ kpele; shi ehewalɛ lɛ jɛŋ lɛ diɛŋtsɛ emli. Ebaakpãtã nibii ahiɛ butuu, ni nɔ fɛɛ nɔ ni eeefee lɛ, ebaaye omanye yɛ mli. Ebaakpãtã hewalɔi kɛ Nyɔŋmɔ webii lɛ tete ahiɛ.

Daniel 8:25

Eŋaalee lɛ hewɔ lɛ, kɛtsɔ̃ enɔ lɛ lakamɔ baafa pii, ni ebaawo ehe nɔ. Ebaakpãtã mɛi babaoo ahiɛ, be mli ni amɛleee amɛhe be. Ebaate shi ewo jeŋ fɛɛ Lumɔi alumɔ lɛ; shi abaakpãtã ehiɛ, be mli ni adesa nine etako ehe tete.

Daniel 9:25

Na ole, ni onu shishi, akɛ kɛjɛ beyinɔ ni afã akɛ ayatswa Yerusalɛm maŋ lɛ kɛyaashi beyinɔ ni hiɛnyiɛlɔ ni Nyɔŋmɔ ehala, ni efɔ lɛ mu lɛ aaashɛ shi lɛ, afii kpawo toi kpawo baaho. Abaasaa atswa Yerusalɛm maŋ lɛ, ni abaasaa emli gbɛjegbɛi lɛ, ni abaasaa atswa egbogboi lɛ. Ebaahi shi nɛkɛ kɛyashi afii nyɔŋmai ekpaa kɛ enyɔ toi kpawo; shi nɛkɛ be nɛɛ baafee fimɔ bei.

4 Mose 28:3

“Gbi fɛɛ gbi lɛ ahã gwantɛŋbii enyɔ ni eye afiafi asaŋ ni kpa ko bɛ amɛhe koni akɛshã afɔle ahã mi.

Luka 21:24

Ni amɛaanyɔnyɔɔ yɛ klante naa, ni aaaŋɔ amɛ nom kɛaatee jeŋmaji fɛɛ mli, ni jeŋmaji lɛ aaanaanaa Yerusalɛm nɔ kɛyashi beyinɔ ni jeŋmaji abe lɛ aaashɛ.”

2 Tesalonikabii 2:4

Eteɔ shi ewoɔ ehe nɔ eshiɔ nɔ fɛɛ nɔ ni atsɛɔ nyɔŋmɔ loo jamɔ lɛ aahu bɔ ni lɛ diɛŋtsɛ eyataa Nyɔŋmɔ We lɛ ni ekɛ ehe tsɔ̃ɔ akɛ lɛ ji Nyɔŋmɔ lɛ.

Hebribii 2:10

Ejaakɛ esa Nyɔŋmɔ mɔ hewɔ ni nii fiaa yɔɔ kɛ mɔ nɔ ni tsɔ̃ ni nii fiaa yɔɔ lɛ akɛ, bɔ ni afee ni eŋɔ bii babaoo kɛba anunyam mli lɛ, ehã amɛyiwalaheremɔ Tatsɛnukpa lɛ atsɔ̃ amanehului amli ahi kɛwula shi.

Kpojiemɔ 17:14

Amɛkɛ Toobi lɛ baawu, shi Toobi lɛ baaye amɛnɔ kunim, ejaakɛ lɛ ji Nuŋtsɔmɛi aNuŋtsɔ kɛ maŋtsɛmɛi aMaŋtsɛ lɛ, ni mɛi ni kɛ lɛ yɔɔ lɛ ji mɛi ni atsɛ kɛ mɛi ni ahala kɛ mɛi ni heɔ yeɔ lɛ.”