Daniel 8:1 - ŊMALƐ KRƆŊKRƆŊ LƐ

¹ Maŋtsɛ Belshazar yinɔ afi ni ji etɛ̃ lɛ nɔ lɛ, ajie ninaa ko ekoŋŋ atsɔ̃ɔ mi, Daniel, yɛ klɛŋklɛŋ ninaa lɛ sɛɛ.

Ṅmãle̱ Kroṅkroṅ Le̱

¹ Maṅtše̱ Belšazar montše̱yeli afi ni dši etẽ le̱ no̱ le̱, ninā ko badšie ehe kpo etšõ mi, Daniel, ye kleṅkleṅnõ ní badšie ehe kpo etšõmi le̱ se̱.

Daniel 8:1 ပူးပေါင်းရင်းမြစ်များ

Ezekiel 1:1

Yɛ afi ni ji nyɔŋmai etɛ̃ lɛ nɔ, nyɔŋ ni ji ejwɛ lɛ nɔ, gbi ni ji enumɔ lɛ nɔ lɛ, be ni miyɔɔ nomii lɛ ateŋ yɛ Kebar Faa lɛ naa lɛ, agbele ŋwɛi naa, ni mina Nyɔŋmɔ he ninai.

Daniel 1:17

Nyɔŋmɔ duro nɛkɛ oblahii ejwɛ nɛɛ jwɛŋmɔ, ni amɛnyɛ amɛkase woloŋ kɛ nii fɛɛ ni atsɔ̃ɔ amɛ lɛ. Yɛ Daniel gbɛfaŋ lɛ Nyɔŋmɔ hã enu ninaa fɛɛ ninaa kɛ lamɔ fɛɛ lamɔ hu shishi efata he.

Daniel 10:2

Nakai be lɛ mli lɛ, mi Daniel, mina otsii etɛ̃ sɔŋŋ ni miiye ŋkɔmɔ.

Daniel 10:7

Mi Daniel, mi koome mina ninaa lɛ. Hii ni fata mihe yɛ jɛi lɛ enaaa ninaa nɛɛ; shi kɛ̃lɛ ŋmiŋmi ni naa wa mɔmɔ amɛ, kɛkɛ ni amɛjojoo foi, ni amɛyateetee amɛhe.

Daniel 11:4

Shi be mli ni egbojee lɛ ehe shi jogbaŋŋ lɛ mli nɔŋŋ ni emaŋtsɛyeli lɛ baagbee shi. Emli baagbala srɔtoi ejwɛ kɛya jeŋ koji ejwɛ lɛ. Mligbalamɔi nɛɛ anɔyeli baaya ayaje mɛi ni amɛjeee maŋtsɛ nɛɛ shwiei adɛŋ; shi moŋ nɔyelɔi hei nɛɛ ahewalɛ kɛ maŋtsɛ lɛ hewalɛ yeŋ hegbɔ; ni abaashɔ̃ maŋtsɛyeli lɛ ekoŋŋ yɛ mɛi nɛɛ adɛŋ ahã mɛi krokomɛi.

Daniel 7:1

Babilon Maŋtsɛ Belshazar klɛŋklɛŋ afi lɛ nɔ lɛ, Daniel la lamɔ ko, ni ena ninaa ko be mli ni ekã shi ewɔ. Eŋma lamɔ lɛ efɔ̃ shi; ni lamɔ nɛɛ mli saji titrii ji enɛ.

Daniel 7:15

Ninai lɛ wo mihe gbeyei, ni mimumɔ hao yɛ mi, Daniel, mimli.

Daniel 7:28

Sane lɛ naagbee nɛ. Sane nɛɛ gba, mi Daniel, minaa naakpa, ni ehã migbɔmɔtso tsake; shi mikɛ sane lɛ to minakutsoŋ.

Daniel 8:15

Be ni mi, Daniel, mina nɛkɛ ninaa nɛɛ, ni miitao eshishi male lɛ, mina mɔ ko tamɔ gbɔmɔ badamɔ mihiɛ.

Daniel 8:2

Mina yɛ ninaa nɛɛ mli akɛ miyɛ maŋtsɛmaŋ ni atsɛɔ lɛ Susa ni yɔɔ Elam kpokpai anɔ shikpɔŋ lɛ nɔ lɛ mli. Midamɔ Ulai Faa lɛ naa.

Daniel 9:2

Eklɛŋklɛŋ afi lɛ mli, be ni, mi Daniel, mihiɛ woji amli kwɛmɔ lɛ, mina akɛ afii abɔ ni Yehowa kɛɛ Gbalɔ Yeremia akɛ Yerusalɛm baakã shi amaŋfɔ̃ kɛyashi lɛ ji afii nyɔŋmai kpawo.