Daniel 7:7 - ŊMALƐ KRƆŊKRƆŊ LƐ

⁷ Mihiɛ kwɛmɔ nɔŋŋ kɛkɛ ni kooloo ni ji ejwɛ lɛ fã kpo. Ehe yɛ gbeyei kɛ naakpɛɛ fɛɛ; eyɛ hewalɛ naakpa. Eyɛ dade nyanyɔji kpakpatakpakpataa, ni ekɛjwara eniyenii lɛ amli dukuduku ni eye; ni fufuji ni shwɛ lɛ ekɛ enaji naanaa nɔ. Esoro lɛ kwraa yɛ kooloi krokomɛi ni tsɔ̃ hiɛ ba lɛ ateŋ. Lɛ lɛ eyɛ aklontoi nyɔŋma.

Ṅmãle̱ Kroṅkroṅ Le̱

⁷ Ene̱ se̱ le̱ mihĩe kwe̱mo̱ ye̱ nyõṅ nināi le̱ amli, ni na, kolo ní dši edſe̱ le̱, ehe ye̱ gbeyei ke̱ nākpe̱, ni ehe wa naakpa, ni eye̱ dade nyãnyõdši kplei, eye nii, ni ekũmo mli dukuduku, ni nii ni ſe̱ le̱ eke̱ enãdši nānā no̱; ni sŏrole̱, ni sŏro koloi krokomei ni tšṍ ehĩe ba le̱, ni eye̱ aklontoi nyoṅma.

Daniel 7:7 ပူးပေါင်းရင်းမြစ်များ

2 Samuel 22:43

Mishimɔ amɛ muɛmuɛ tamɔ mlu; minaanaa amɛnɔ tamɔ gbɛteŋ ŋmɔtɔ.

Hiob 41:14

Namɔ baanyɛ agbele edaa kɛyanina enyanyɔji ni yɔɔ gbeyei lɛ.

Ezekiel 40:2

Nyɔŋmɔ ŋɔ mi kɛba Israel shikpɔŋ lɛ nɔ yɛ ninaa mli, ni ekɛ mi yadamɔ gɔŋ grɔŋŋ ko nɔ. Gɔŋ nɛɛ nɔ lɛ, mina nɔ ko tamɔ maŋ ni ato yɛ mihiɛgbɛ.

Daniel 2:19

Ajie teemɔŋ sane lɛ shishi atsɔ̃ɔ Daniel yɛ ninaa mli nyɔɔŋ, ni Daniel jie Nyɔŋmɔ ni yɔɔ ŋwɛi lɛ yi.

Daniel 7:13

Mina yɛ nyɔɔŋ ninaa lɛ mli nɔ ko ni tamɔ gbɔmɔ adesa. Ekpeleke shi kɛjɛ ŋwɛi ni atatu ebɔle ehe kɛba mɔ ni Etsɛ Naakpa lɛ ŋɔɔ, ni ebadamɔ ehiɛ.

Daniel 7:2

Daniel ŋma akɛ, “Mina yɛ mininaa lɛ mli akɛ nyɔɔŋ kɔɔyɔɔ efã kɛjɛ jeŋ koji ejwɛ lɛ fɛɛ, ni ehã ŋshɔ fee hamahama.

Daniel 8:10

Ebada aahu kɛyashɛ ŋulamiiaŋ, ni etserɛ ŋulamii lɛ ekomɛi etswia shikpɔŋ, ni enaanaa amɛnɔ.

Daniel 8:22

Bɔ ni aklonto kome nɛɛ kũ, ni aklontoi ejwɛ baye enajiaŋ lɛ, nakai Hela maŋtsɛyeli lɛ mli baagbala ejwɛ; shi amɛteŋ eko eko hewalɛ shɛŋ klɛŋklɛŋ maŋtsɛyeli lɛ hewalɛ lɛ.

Zakaria 2:1

Misaa miwo mihiɛ nɔ, ni mina nuu ko ni hiɛ susumɔ kpãa yɛ edɛŋ.

Kpojiemɔ 12:3

Ni ana naakpɛɛ okadi kroko yɛ ŋwɛi, ni naa, drako tsuru kpeteŋkple ni yɔɔ yitsei kpawo kɛ akloŋtoi nyɔŋma, ni maŋtsɛ faii kpawo bumɔ eyitsei lɛ.

Kpojiemɔ 13:1

Ni mina kooloo ko miije kpo kɛmiijɛ ŋshɔ lɛ mli kɛmiiba kɛ eklontoi nyɔŋma kɛ eyitsei kpawo, ni maŋtsɛ faii nyɔŋma bumɔ eklontoi lɛ, ni musubɔɔ gbɛi yɛ eyitsei lɛ ahe.

Kpojiemɔ 17:12

“Ni akloŋtoi nyɔŋma lɛ ni ona lɛ, maŋtsɛmɛi nyɔŋma ni, mɛi ni maŋtsɛyeli shɛko amɛdɛŋ, shi kɛ̃lɛ amɛbaana hegbɛ amɛye maŋtsɛ ŋmɛlɛtswaa kome kɛ kooloo lɛ.

Kpojiemɔ 17:7

Ni bɔfo lɛ kɛɛ mi akɛ, “Mɛɛ hewɔ onaa ekpɛ ohe? Mibagba bo yoo lɛ kɛ kooloo ni eta nɔ ni yɔɔ yitsei kpawo kɛ akloŋtoi nyɔŋma lɛ ahe teemɔ sane lɛ.

Kpojiemɔ 17:8

Kooloo lɛ ni ona lɛ be ko mli lɛ eyɛ, shi amrɔ nɛɛ ebɛ, ni ebaajɛ bu kwɔŋkwɔŋ lɛ mli eje kpo kɛya hiɛkpãtãmɔ mli. Ni mɛi ni yɔɔ shikpɔŋ lɛ nɔ ni aŋmako amɛgbɛii yɛ wala wolo lɛ mli kɛjɛ jeŋ shishijee lɛ anaa aaakpɛ amɛhe kɛ amɛna kooloo lɛ akɛ be ko mli lɛ, eyɛ shi amrɔ nɛɛ ebɛ, ni ebaaba lɛ.