Daniel 7:6 - ŊMALƐ KRƆŊKRƆŊ LƐ

⁶ Enɛ sɛɛ lɛ mihiɛ kwɛmɔ kɛkɛ ni kooloo kroko ko hu fã kpo. Etamɔ kootsɛ; shi eyɛ fiji ejwɛ, ni etamɔ nɔ ko ni aŋɔ nɔyeli hewalɛ kpeteŋkple ahã lɛ.

Ṅmãle̱ Kroṅkroṅ Le̱

⁶ Ene̱ se̱ le̱ mihĩe kwe̱mo̱, ni na, ekroko hũ tamo̱ kōtše̱ ni hĩe loflõ fĩdši edſe̱ ye̱ ekotose̱, ni ne̱ke̱ kolo ne̱ ye̱ yitšei hũ edſe̱, ni aṅõ no̱yeli ahãle̱.

Daniel 7:6 ပူးပေါင်းရင်းမြစ်များ

Ezekiel 17:3

bɔ ni mi, Nuŋtsɔ Yehowa, mikɛɔ nɛ, okropɔŋ kpeteŋkple kɛ efiji agboi kɛ etsɛji kakadaji ko ni yɔɔ. Eyɛ tsɛji fɛɛfɛji bibii kɛ emli samaisamai. Eba Lebanon gɔŋ lɛ nɔ, ni ebaku tsenedrutso lɛ yiteŋ.

Daniel 10:20

Bɔfo lɛ to he ni ekɛɛ, “Ole nɔ hewɔ ni miba oŋɔɔ nɛɛ lo? Miiku misɛɛ koni mikɛ bɔfo ni buɔ Persia maŋtsɛyeli lɛ he lɛ ayawu. Kɛji miye enɔ kunim sɛɛ lɛ, Hela maŋtsɛyeli bɔfo lɛ hu baaba koni ekɛ mi abawu.

Daniel 2:39

Bo osɛɛ lɛ maŋtsɛyeli kroko aaate shi ni kɛ bo yeee egbɔ; maŋtsɛyeli ko hu ni ji etɛ̃ baaba abaye nɔ. Ekadi ji akɔɔble lɛ; ni eeeye je lɛ fɛɛ nɔ.

Daniel 7:4

Klɛŋklɛŋ kooloo lɛ tamɔ jata, shi eyɛ fiji tamɔ okropɔŋ fiji. Mihiɛ kooloo nɛɛ kwɛmɔ kɛkɛ ni akplɔ efiji lɛ yɛ ehe, ni awo enɔ, ni akɛ lɛ damɔ enaji enyɔ nɔ tamɔ gbɔmɔ damɔɔ shi. No sɛɛ lɛ, ahã lɛ gbɔmɔ jwɛŋmɔ.

Daniel 7:5

Kooloo ni ji enyɔ lɛ tamɔ oshishibrishi. Awo lɛ adamɔ efã kome nɔ; ŋmawutsei etɛ̃ kɔ̃ enaa yɛ enyanyɔji ateŋ. Kɛkɛ ni gbee ko kɛɛ lɛ akɛ, “Yaa nɔ ni oye loo babaoo bɔ ni obaanyɛ.”

Hosea 13:7

No hewɔ lɛ, mibahuru mayi nyɛnɔ tamɔ jata; mibawo nyɛ ka tamɔ mlaŋtswi yɛ gbɛtoi.

Kpojiemɔ 13:2

Ni kooloo lɛ ni mina lɛ tamɔ mlaŋtswi, ni enaji tamɔ oshishibrishi naji, ni enaabu tamɔ jata naabu. Ni drako lɛ kɛ lɛ diɛŋtsɛ ehewalɛ lɛ kɛ emaŋtsɛ sɛ̃i lɛ kɛ hegbɛ kpeteŋkple hã lɛ.