Daniel 7:28 - ŊMALƐ KRƆŊKRƆŊ LƐ

²⁸ Sane lɛ naagbee nɛ. Sane nɛɛ gba, mi Daniel, minaa naakpa, ni ehã migbɔmɔtso tsake; shi mikɛ sane lɛ to minakutsoŋ.

Ṅmãle̱ Kroṅkroṅ Le̱

²⁸ Sane le̱ nāgbē ne̱. Ši mi, Daniel, le̱, midſēṅmo̱i haomi naakpa, ni mihĩe tšake, ni miṅõ oona le̱ mito mitsuiṅ.

Daniel 7:28 ပူးပေါင်းရင်းမြစ်များ

1 Mose 37:10

Shi be ni egba etsɛ kɛ enyɛmimɛi lɛ lamɔ lɛ, etsɛ kã ehiɛ, ni ekɛɛ lɛ akɛ, “Mɛni lamɔ ola nɛɛ? Belɛ kotomɔ mi kɛ onyɛ kɛ onyɛmimɛi lɛ aaaba abakoto bo lo?”

1 Mose 37:11

Enyɛmimɛi lɛ bɛ lɛ amɛwo amɛmli; shi etsɛ kɛ wiemɔ lɛ to enakutsoŋ.

Daniel 10:16

Kɛkɛ ni bɔfo lɛ ni esu tamɔ gbɔmɔ adesa lɛ kɛ enine sa minaabu he. Kɛkɛ ni mibɔi wiemɔ, ni mikɛɛ bɔfo ni damɔ mihiɛ lɛ akɛ, “Ninaa lɛ eha mihewojiaŋ fɛɛ miiwa mihe, ni mifee gbedee.

Daniel 10:8

No hewɔ lɛ, ebashwɛ mi, mi koome ni miikwɛ ninaa kpeteŋkple nɛɛ. Migbɔmɔtsoŋ hewalɛ fɛɛ tã, ni mihiɛ fɛɛ tsake, ni hewalɛ ko bɛ mimli dɔŋŋ.

Daniel 11:27

Maŋtsɛmɛi enyɔ nɛɛ baatara shi yɛ okplɔ̃ kome he amɛye nii, shi amɛteŋ mɔ fɛɛ mɔ yɛ yiŋsha yɛ enyɛmi he; ni amɛaalaka amɛhe yɛ niyenii lɛ shishi tete. Amɛteŋ mɔ ko mɔ ko yiŋtoo lɛ baŋ mli haŋ lɛ, ejaakɛ be ni ato lɛ shɛko.

Daniel 12:13

“Ni bo Daniel, ye anɔkwa kɛyashi naagbee; ni no sɛɛ lɛ obaagbo; shi ooote shi, ni ooona aekoo ni sa bo yɛ naagbee gbi lɛ nɔ.”

Daniel 12:9

Eto he ekɛɛ akɛ, “Daniel, kwɛmɔ ohiɛgbɛ ni oya! Wiemɔi lɛ atsimɔ nɔ, ni asɔo amɛnaa kɛyaashi naagbee be lɛ aaaba.

Daniel 4:16

Ebaaye afii kpawo, ni abaatsake egbɔmɔ adesa jwɛŋmɔ ni yɔɔ emli lɛ, ni abaahã lɛ kooloo jwɛŋmɔ.

Daniel 4:19

Daniel ni atsɛɔ lɛ Belteshazar hu lɛ he jɔ̃ ehe be kplaŋŋ, ni ehao. Maŋtsɛ lɛ kɛɛ lɛ akɛ, “Belteshazar, kaahã lamɔ lɛ loo eshishitsɔ̃ɔmɔ lɛ miihao bo.” Belteshazar here nɔ, ni ekɛɛ akɛ, “Minuŋtsɔ, mina ni kulɛ lamɔ nɛɛ kɛ eshishitsɔ̃ɔmɔ lɛ kɔɔ ohenyɛlɔi ahe, shi jeee bo.

Daniel 5:6

Maŋtsɛ lɛ hiɛ tsake amrɔ, ni etsui fã, ni eshe gbeyei bɔ sɔŋŋ ni etalɔiaŋ jɔ biɛɛ, ni enakutsei kpokpo.

Daniel 7:15

Ninai lɛ wo mihe gbeyei, ni mimumɔ hao yɛ mi, Daniel, mimli.

Daniel 8:1

Maŋtsɛ Belshazar yinɔ afi ni ji etɛ̃ lɛ nɔ lɛ, ajie ninaa ko ekoŋŋ atsɔ̃ɔ mi, Daniel, yɛ klɛŋklɛŋ ninaa lɛ sɛɛ.

Daniel 8:17

Gabriel tsi eba he ni midamɔ lɛ; shi gbeyei mɔ mi, ni mikɛ mihiɛ bu shi. Kɛkɛ ni Gabriel kɛɛ mi akɛ, “Ao! Gbɔmɔ Adesa bi, na ole akɛ je lɛ naagbee he ninaa nɛ.”

Daniel 8:19

ni ekɛɛ mi akɛ, “Naa, mibatsɔ̃ɔ bo nɔ ni baaba yɛ mlifu lɛ naagbee gbii lɛ amli. Je lɛ naagbee be ni ato lɛ he ninaa nɛ.

Daniel 8:27

Sane nɛɛ hã, mi Daniel, mifee vii; ni mihe ye be saŋŋ; kɛkɛ ni mite shi, ni mitee miyatsa nitsumɔ ni maŋtsɛ kɛwo midɛŋ lɛ nɔ. Mihe jɔ̃ mihe yɛ ninaa nɛɛ hewɔ; ni minuuu shishi.

Marko 9:15

Amrɔ ni asafo lɛ fɛɛ na Yesu lɛ, efee amɛ naakpɛɛ, ni amɛsha foi kɛba eŋɔɔ amɛbafala lɛ.

Luka 2:19

Shi Maria kɛ nɛkɛ wiemɔi nɛɛ fɛɛ to etsuiŋ ni esusuɔ he.

Luka 2:51

Ni ekɛ amɛ yiŋ kɛtee Nazaret, ni eba ehe shi ehã amɛ. Enyɛ kɛ nɛkɛ wiemɔi nɛɛ fɛɛ to etsui mli.

Luka 9:44

“Nyɛ lɛ nyɛhãa nɛkɛ wiemɔi nɛɛ ayaa nyɛtoiiaŋ; ejaakɛ aaaŋɔ Gbɔmɔ Bi lɛ awo gbɔmɛi adɛŋ.”