Daniel 7:25 - ŊMALƐ KRƆŊKRƆŊ LƐ

²⁵ Maŋtsɛ nɛɛ baawie eshi Nyɔŋmɔ Ofe lɛ, ni ebaahã etɔ Ŋwɛi Flooflonyo lɛ mɛi krɔŋkrɔŋi lɛ jogbaŋŋ. Eeeto eyiŋ po akɛ eeetsake Ŋwɛi Flooflonyo lɛ mɛi krɔŋkrɔŋi lɛ ajamɔ mlai lɛ kɛ gbii juji ni amɛyeɔ lɛ fɛɛ, ni ebaaye amɛnɔ kɛyashi afii etɛ̃ kɛ fã.

Ṅmãle̱ Kroṅkroṅ Le̱

²⁵ Ni eewie wiemo̱i *eši moni yo̱ ṅwei šoṅṅ le̱, ni eehao moni yo̱ ṅwei šoṅṅ le̱ mei kroṅkroṅi le̱, ni eeto eyiṅ ake̱ eetšake bei le̱ ke̱ mla le̱, ni aatuame̱ awo edeṅ ke̱-yaši †be ke̱ bei he̱ be mlidšā. *Kpods. 13,3. 5. †Dan. 12,7; 4,16.

Daniel 7:25 ပူးပေါင်းရင်းမြစ်များ

Yesaia 37:23

Namɔ ahora obɔ, ni asaŋ ojɛ lɛ lɛ? Namɔ obolɔ owo, ni ogbɛ ohiŋmɛiŋ owo lɛ lɛ? Mi, Israel Mɔ Krɔŋkrɔŋ lɛ ni.

Daniel 11:28

Siria maŋtsɛ lɛ kɛ nii babaoo ni ena, yɛ taitai ni ewu lɛ amli, lɛ baaku esɛɛ ekɛya eshikpɔŋ lɛ nɔ; shi etsui baasu jamɔ krɔŋkrɔŋ lɛ nɔ. Ebaafee nɔ ni lɛ diɛŋtsɛ esumɔɔ, kɛkɛ lɛ eku esɛɛ kɛtee lɛ diɛŋtsɛ eshikpɔŋ nɔ.

Daniel 12:7

Ni nuu ni wo klala ni yɔɔ faa lɛ sɛɛ lɛ wo eninejurɔ kɛ ebɛku nɔ kɛtee ŋwɛi, ni ekã mɔ ni hiɛ kã kɛyaa naanɔ lɛ kitã. Minu ni ekɛɛ, “Ebaakã he kɛyashi afii etɛ̃ kɛ fã, beyinɔ ni aaakumɔ hewalɛ ni waa mɛi krɔŋkrɔŋi lɛ ayi lɛ agbe naa; kɛkɛ lɛ aaagbe enɛɛmɛi fɛɛ naa.”

Daniel 2:21

Lɛ etsakeɔ bei kɛ yinɔi lɛ; ekpaa maŋtsɛmɛi, ni etoɔ maŋtsɛmɛi. Lɛ eduroɔ jwɛŋmɔ, ni eduroɔ nilelɔi niiashishinumɔ;

Daniel 3:26

Kɛkɛ ni Maŋtsɛ Nebukadnezar tsi bɛŋkɛ flɔnɔɔ kɛ emli la grigri lɛ naa. Kɛkɛ ni ewo enaa nɔ, ni ekɛɛ, “Shadrak kɛ Meshak kɛ Abednego, Nyɔŋmɔ ŋwɛi flooflonyo lɛ tsuji, nyɛjea kpo yɛ la lɛ mli kɛbaa.” Kɛkɛ ni Shadrak kɛ Meshak kɛ Abednego je kpo yɛ la lɛ mli kɛba.

Daniel 4:17

Nɛkɛ ji bɔ ni ŋwɛi saralɔi lɛ ekpɛ mli ehã, ni mɛi krɔŋkrɔŋi lɛ hu kɛ amɛ kpãa gbee nakai nɔŋŋ, koni adesai fɛɛ kɛna amɛle akɛ mɔ ni yɔɔ ŋwɛi shɔŋŋ lɛ, eyɛ hewalɛ yɛ gbɔmɔ adesa nɔyeli fɛɛ nɔyeli nɔ, asaŋ akɛ eŋɔɔ hewalɛ ehãa mɔ ni lɛ esumɔɔ, ni ekɛ gbɔmɛi amliwoo tete po taa maŋtsɛ sɛi nɔ.’

Daniel 4:2

Esa mihiɛ akɛ okadii kɛ naakpɛɛ nibii ni Nyɔŋmɔ, ŋwɛi flooflonyo lɛ, efee yɛ mihe lɛ magba nyɛ.

Daniel 4:25

Abaashwie bo kɛjɛ gbɔmɛi ateŋ, ni obaaya oyahi ŋaŋ kooloi ateŋ, ni obaakpe jwɛi tamɔ tsina. Ŋwɛi bɔ baanyɔ onɔ yɛ jwɛiaŋ, afii kpawo, kɛyaashi beyinɔ ni oooyoo akɛ Nyɔŋmɔ, Ŋwɛi Flooflonyo lɛ, yɛ hewalɛ yɛ adesa maŋtsɛyeli fɛɛ maŋtsɛyeli nɔ; asaŋ mɔ fɛɛ mɔ ni lɛ esumɔɔ lɛ, lɛ ekɛ maŋtsɛyeli hãa.

Daniel 4:32

asaŋ aaashwie bo kɛje gbɔmɛi ateŋ kɛya ŋaŋ kooloi ateŋ koni okɛ amɛ ayahi shi. Obaakpe jwɛi tamɔ tsina afii kpaw, ni ooona oyoo akɛ Nyɔŋmɔ, Ŋwɛi Flooflonyo lɛ, yɛ hewalɛ yɛ gbɔmɛi amaŋtsɛyeli fɛɛ maŋtsɛyeli nɔ, asaŋ akɛ mɔ fɛɛ mɔ ni lɛ esumɔɔ lɛ lɛ ekɛ maŋtsɛyeli hãa.”

Daniel 7:18

Shi Nyɔŋmɔ Ofe lɛ bii hetselɔi lɛ anine baashɛ maŋtsɛyeli lɛ nɔ, ni eeehi amɛdɛŋ kɛya naanɔi anaanɔ.”

Daniel 7:20

Mitao hu akɛ male aklontoi nyɔŋma ni mamɔ kooloo lɛ yitso he lɛ ahe sane. Mitao hu akɛ male aklonto kome lɛ nɔ ni fã kpo, ni be ni eje kpo lɛ efãmɔ aklontoi lɛ ateŋ etɛ̃ kɛ amɛshishifãi fɛɛ eshwie lɛ hu he sane. Lɛ eyɔɔ hiŋmɛii, ni eyɛ naabu, ni ekɛwieɔ wiemɔi agboiagboi tamɔ nɔ ni efe aklontoi krokomɛi lɛ fɛɛ lɛ.

Daniel 7:8

Mihiɛ aklontoi lɛ kwɛmɔ kɛkɛ lɛ naa aklonto hee bibioo ko ekwɛ̃ kɛje kpo yɛ amɛteŋ. Aklonto bibioo nɛɛ fãmɔ aklontoi memeji lɛ ateŋ etɛ̃ kɛ amɛshishi fɛɛ eshwie. Aklonto nɛɛ yɛ hiŋmɛii tamɔ gbɔmɔ hiŋmɛii ni eyɛ naabu, ni ekɛmiiwie shwãa wiemɔi agboiagboi.

Daniel 8:11

Ewo ehe nɔ aahu kɛyashɛ ŋwɛi asafo lɛ lumɔ lɛ tete nɔ; ni eshɔ̃ daa gbi afɔle ni ashãa lɛ yɛ edɛŋ, ni efite He Krɔŋkrɔŋ lɛ.

Daniel 8:14

Ejie naa, ni ekɛɛ akɛ, “Ebaaya nɔ kɛyashi gbii akpe kɛ oha kɛ nyɔŋmai enumɔ. Kɛkɛ lɛ abaatsuu He Krɔŋkrɔŋ lɛ he koni etsɔ̃ bɔ ni eyɔɔ sa lɛ.”

Daniel 8:9

Aklonto bibioo kome ko kwɛ̃ kɛjɛ aklontoi ejwɛ lɛ ateŋ ekome mli. Aklonto nɛɛ bada kpeteŋkple, ni ekpã emli kɛtee wuoyigbɛ kɛ bokãgbɛ kɛ shiwoo shikpɔŋ lɛ nɔ gbɛ fɛɛ.

Daniel 9:27

Lumɔ nɛɛ kɛ mɛi babaoo baakpãŋ kɛyashi afii kpawo; shi afii etɛ̃ kɛ fã sɛɛ lɛ, lumɔ nɛɛ baagu shãa afɔle kɛ niyenii afɔle shãa kwraa. Abaafee amãgã ni buleɔ He Krɔŋkrɔŋ lɛ ama he ni yɔɔ grɔŋŋ fe fɛɛ yɛ Sɔlemɔ we lɛ mli; ni amãgã nɛɛ baama jɛi kɛyaashi beyinɔ ni Nyɔŋmɔ eto kɛbaagbala mɔ ni kɛ amãgã lɛ bama jɛi lɛ toi aaashɛ.”

Hosea 7:16

Amɛkã he amɛmiija Baal lolo, ni amɛtsɔ̃ tamɔ gãitso ni waaa. Naafuu wiemɔi ni amɛlumɛi lɛ wieɔ lɛ ahewɔ lɛ, amɛaanyɔnyɔi yɛ klante naa. Ni enɛ aaatsɔ̃ nɔ ni akɛaaye amɛhe fɛo yɛ Ijipt shikpɔŋ lɛ nɔ.”

2 Tesalonikabii 2:3

Nyɛkahãa mɔ ko miishishiua nyɛ yɛ gbɛ ko gbɛ ko nɔ; ejaakɛ ja jamɔkwamɔ lɛ eba fɛɛ dã ni aaajie mlakwamɔ gbɔmɔ lɛ ni ji hiɛkpãtãmɔ bi lɛ kpo.

2 Tesalonikabii 2:4

Eteɔ shi ewoɔ ehe nɔ eshiɔ nɔ fɛɛ nɔ ni atsɛɔ nyɔŋmɔ loo jamɔ lɛ aahu bɔ ni lɛ diɛŋtsɛ eyataa Nyɔŋmɔ We lɛ ni ekɛ ehe tsɔ̃ɔ akɛ lɛ ji Nyɔŋmɔ lɛ.

2 Tesalonikabii 2:8

Ni no dani aaajie mlakwalɔ lɛ kpo; Nuŋtsɔ Yesu kɛ edaaŋ mumɔ lɛ aaagbe lɛ ni ekɛ ebaa lɛ puemɔ lɛ aaakpãtã ehiɛ.

Kpojiemɔ 12:14

Ni akɛ okropɔŋ kpeteŋkple lɛ fiji enyɔ lɛ hã yoo lɛ, koni efiliki ni eshi onufu lɛ kɛya ŋa lɛ nɔ yɛ egbɛhe lɛ, he ni alɛɔ lɛ yɛ afii etɛ̃ kɛ fã lɛ.

Kpojiemɔ 12:6

Ni yoo lɛ jo foi kɛtee ŋa nɔ he ko, he ni Nyɔŋmɔ esaa eto ehã lɛ lɛ, koni ayalɛ lɛ yɛ jɛi gbii akpe kɛ ohai enyɔ kɛ nyɔŋmai ekpaa.

Kpojiemɔ 14:12

Biɛ krɔŋkrɔŋbii lɛ ni hiɛ Nyɔŋmɔ kitãi lɛ kɛ Yesu nɔ hemɔkɛyeli lɛ mli lɛ ahiɛmiamɔ lɛ he ehia yɛ.

Kpojiemɔ 16:6

Ejaakɛ amɛshwie krɔŋkrɔŋbii lɛ kɛ gbalɔi lɛ alá shi. Ni lá nɔŋŋ ohã amɛ ni amɛnu; esa amɛ nakai!”

Kpojiemɔ 17:6

Ni mina yoo lɛ akɛ krɔŋkrɔŋbii lɛ alá lɛ kɛ Yesu he odasefoi lɛ alá lɛ etɔ lɛ dãa. Be ni mina lɛ lɛ, minaa kpɛ mihe naakpa.

Kpojiemɔ 18:24

Ni emli ana gbalɔi kɛ krɔŋkrɔŋbii kɛ mɛi fɛɛ ni agbe yɛ shikpɔŋ lɛ nɔ lɛ ala lɛ yɛ.